1 বজাৰ দহটা শীৰ্ষ সংবাদ

1 বজাৰ দহটা শীৰ্ষ সংবাদ-

অসমবাসীৰ মৰমৰ পাপনলৈ জন্মদিনৰ শুভেচ্ছা

অসমীয়া লোক সংগীত আৰু বলীউডৰ মেলডী গীতসমূহত এক সুকীয়া স্থান দখল কৰা অসম গৌৰৱ কণ্ঠশিল্পী অংগৰাগ পাপন মহন্ত (Angaraag Papon Mahant) ৰ আজি 46 বছৰীয়া জন্মদিন ৷ পাপনলৈ অনুৰাগীসকলে প্ৰেৰণ কৰা ওপজা দিনৰ শুভেচ্ছাৰে ভৰি পৰিছে ছ’চিয়েল মিডিয়া ৷

চিৰাঙৰ বিজনীত কেইবাটাও অনুষ্ঠানত অংশগ্ৰহণ কৰিলে ৰাজহ মন্ত্ৰী যোগেন মহন আৰু আৰু বিটিআৰৰ মুখ্য প্ৰমোদ বড়ো ৷ নৱ নিৰ্মিত বিদ্যালয় ভৱনৰ শুভ উদ্বোধন কৰে BTR প্ৰধান প্ৰমোদ বড়োই (school building inaugurated by BTR chief)৷

ডিব্ৰুগড় বিশ্ববিদ্যালয়ৰ উপাচাৰ্য ড৹ ৰঞ্জিত কুমাৰ তামুলীক সোমবাৰে ৰাজ্যপালে অপসাৰণ তেওঁৰ পদৱীৰ পৰা অপসাৰণ কৰে (DU Vice Chancellor suspension)। উপাচাৰ্যগৰাকীক অপসাৰণ কৰাৰ পাছতেই ৰাজ্যজুৰি সৃষ্টি হৈছে তীব্ৰ প্ৰতিক্ৰিয়াৰ ৷ ড৹ তামুলীক অপসাৰণ কৰা সন্দৰ্ভত প্ৰতিক্ৰিয়া ব্যক্ত কৰিছে অসম পৰ্যটন নিগমৰ অধ্যক্ষ ঋতুপৰ্ণ বৰুৱায়ো ৷

টকাৰ বিনিময়ত বহিঃৰাজ্যৰ পৰা গৰু আমদানিৰ অনুমতি দি মঙলবাৰে গ্ৰেপ্তাৰ হয় এগৰাকী জ্যেষ্ঠ বিষয়া (Assam government senior official arrested) ৷ আটক হোৱা বিষয়া গৰাকী হ'ল ৰাজ্যৰ পশুপালন আৰু পশুচিকিৎসা বিভাগৰ অতিৰিক্ত সঞ্চালক অৰূপজ্যোতি ভূঞা ৷ বুধবাৰে বিশেষ আদালতত আজি হাজিৰ কৰোৱা হ’ব অৰূপজ্যোতি ভূঞাক ৷

শীঘ্ৰে প্ৰদান কৰা হ’ব অসম আৰক্ষীত নিযুক্তি(Assam Police reqruitment) ৷ পৰৱৰ্তী এসপ্তাহৰ ভিতৰত নতুন পদৰ বাবে বিজ্ঞাপন প্ৰকাশ কৰিব অসম আৰক্ষী(Advertisment in assam police)য়ে ৷ এই কথা মঙলবাৰে প্ৰকাশ কৰিলে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই ৷

পেট্ৰ’ল-ডিজেলকে ধৰি অত্যাৱশ্যকীয় খাদ্য সামগ্ৰীৰ মূল্যৰোধ(Protest against price hike)ৰ দাবীত ৰাজ্যৰ বহু সংগঠনে অব্যাহত ৰাখিছে প্ৰতিবাদ ৷ মঙলবাৰে তিনিচুকীয়াৰ মাকুমত যোগান মন্ত্ৰী আৰু পেট্ৰ'লিয়াম মন্ত্ৰীৰ পুত্তলিকা দাহ(Effigu burn by makum AASU) কৰি প্ৰতিবাদ সাব্যস্ত কৰে মাকুম আঞ্চলিক ছাত্ৰ সন্থাই ৷ বিপৰীতে নগাঁৱতো দুটাকৈ সংগঠনে মূল্যবৃদ্ধিৰ বিৰুদ্ধে সাব্যস্ত কৰে প্ৰতিবাদ ৷

বিজেপি সাংসদ তথা প্ৰাক্তন ক্ৰিকেটাৰ গৌতম গম্ভীৰক হত্যাৰ ভাবুকি ISIS ৰ(ISIS threats Gautam Gambhir) । ISIS কাশ্মীৰৰ পৰা বিজেপি সাংসদজনলৈ প্ৰেৰণ কৰা হৈছে ভাবুকি ভৰা ই-মেইল । সম্প্ৰতি গৌতম গম্ভীৰৰ বাসগৃহৰ বাহিৰত বৃদ্ধি কৰা হৈছে নিৰাপত্তা ।

বুধবাৰে অনুষ্ঠিত হ'ব কেন্দ্ৰীয় কেবিনেটৰ বৈঠক(Union Cabinet meeting) । এই বৈঠকতে কৃষি আইন বাতিল বিধেয়ক (Farm Laws Repeal Bill) অনুমোদন কৰাৰ সম্ভাৱনা আছে । ২৯ নৱেম্বৰত আৰম্ভ হ'বলগীয়া সংসদৰ শীতকালীন অধিৱেশন(Winter session of parliament)ৰ প্ৰথম দিনটোতে তিনিওখন কৃষি আইন (Farm laws) বাতিল কৰাৰ প্ৰক্ৰিয়া আৰম্ভ হ'ব।

এইবাৰ সংসদৰ শীতকালীন অধিৱেশনত চৰকাৰে প্ৰায় ২৬ খনকৈ বিল উত্থাপন কৰাৰ সম্ভাৱনা আছে । তাৰ ভিতৰত ক্ৰিপ্ট’কাৰেন্সী এণ্ড ৰেগুলেশ্যন অফ অফিচিয়েল ডিজিটেল মুদ্ৰা বিধেয়ক (Cryptocurrency Bill) হ'ব অতি গুৰুত্বপূৰ্ণ । মঙলবাৰে প্ৰকাশ পোৱা এক প্ৰতিবেদন অনুসৰি, এই বিলৰ জৰিয়তে বন্ধ কৰা হ'ব ভাৰতৰ সকলো ব্যক্তিগত ক্ৰিপ্ট’কাৰেন্সী ৷

অদম্য সাহস আৰু ত্যাগৰ প্ৰতীক জাতীয় বীৰ লাচিত বৰফুকনৰ আজি 399 তম জন্মজয়ন্তী (Birth Anniversary of Lachit Borphukan ৷ সেই উপলক্ষে ৰাজ্যৰ ভিন্ন প্ৰান্তৰ লেখীয়াকৈ টীয়কৰ ঐতিহাসিক লাচিত মৈদামতো (Lachit Moidam) দিনজোৰা কাৰ্যসূচীৰে উদযাপন কৰা হৈছে লাচিত দিৱস (Lachit Divas) ৷