সাত বজাৰ শীৰ্ষ দহটা বাতৰি...
50 কোটি টকাৰ কেলেংকাৰীত অভিযুক্ত শুভ্ৰজ্যোতি ভৰালীক গ্ৰেপ্তাৰ
অৱশেষত গ্ৰেপ্তাৰ হ'ল ইণ্ডাষ্ট্ৰিয়েল কো অপাৰেটিভ বেংকৰ পৰিচালন সঞ্চালক শুভ্ৰজ্যোতি ভৰালী ৷ বেংকৰ ৫০ কোটি টকাৰ কেলেংকাৰীৰ অভিযোগত গ্ৰেপ্তাৰ হৈছে পৰিচালন সঞ্চালকজন ৷ গোচৰ ৰুজু হোৱাৰে পৰা পলাতক হৈ আছিল শুভ্ৰজ্যোতি ভৰালী ।
ব্ৰহ্মপুত্ৰত জাঁপ দি আপোনঘাটী হ’ল শিক্ষয়িত্ৰী
বিশ্বনাথঘাটত সংঘটিত হৈছে এক অবাঞ্চিত ঘটনা ৷ ভৰা লুইতৰ বুকুত নিজকে শেষ কৰি দিয়াৰ অভি প্ৰায়েৰে জাঁপ দিলে এগৰাকী শিক্ষয়ত্ৰীয়ে ৷ AS-12K9939 নম্বৰৰ এখন দুচকীয়া বাহনৰে অহা প্ৰিয়ংকা গগৈ নামৰ মহিলা গৰাকীয়ে বিশ্বনাথ ঘাটৰ শ্মশান স্থলীত বাহনখন ৰাখি ব্ৰহ্মপুত্ৰৰ বুকত জাঁপ দিয়ে ৷
আলফাৰে শান্তি আলোচনা : পৰেশ বৰুৱাৰ অপেক্ষাত আৰু কিমান দিন !
ৰাজ্যৰ মুখ্যমন্ত্ৰীয়ে প্ৰকাশ কৰিছে যে, পৰেশ বৰুৱাক আলোচনাৰ মেজলৈ আনি প্ৰায় চাৰে তিনি দশকজুৰি চলি অহা এই ৰক্তক্ষয়ী ইতিহাসৰ ওৰ পেলাবলৈ যত্ন কৰি থকা হৈছে । কিন্তু সমান্তৰালভাৱে আলফাৰ সভাপতি অৰবিন্দ ৰাজখোৱা আৰু সাধাৰণ সম্পাদক অনুপ চেতিয়াৰ নেতৃত্বত আলোচনাৰ বাবে আগবাঢ়ি অহা আলফাৰ সৈতে আলোচনা প্ৰক্ৰিয়া বৰ্তমান কি পৰ্যায়ত আছে সেয়াও গুৰুত্বপূৰ্ণ প্ৰশ্ন ।
ব্ৰহ্মপুত্ৰৰ জলস্তৰ হ্ৰাস; উত্তৰ গুৱাহাটীৰ মধ্যমখণ্ড ঘাটত ফেৰী চলাচলত আহুকাল
বিপজ্জনক ভাৱে তললৈ নামিছে ব্ৰহ্মপুত্ৰৰ জলস্তৰ ৷ ব্ৰহ্মপুত্ৰৰ চাৰিওফালে ভৰি পৰিছে বালি । ব্ৰহ্মপুত্ৰৰ পানী কমি অহাৰ ফলতে উত্তৰ গুৱাহাটী মধ্যমখণ্ড ঘাটত ফেৰী চলাচলত আহুকালৰ সৃষ্টি হৈছে । মধ্যমখণ্ড ঘাটত বিগত তিনিদিনৰ পৰা ফেৰী সেৱা বাতিল কৰিছে আভ্যন্তৰীণ জল পৰিবহন বিভাগে ।