ଅଗରତାଲା: ଆସନ୍ତା ବର୍ଷ ( 1 ଜାନୁୟାରୀ 2024) ସୁଦ୍ଧା ଅଯୋଧ୍ୟାରେ ଭବ୍ୟ ଗଗନଶ୍ଚୁମ୍ଭୀ ରାମ ମନ୍ଦିର ନିର୍ମାଣ ଶେଷ ହେବ ( Ram Mandir Will Be Ready on 1 January 2024 ) । 14 ଜାନୁୟାରୀ 2024 ପବିତ୍ର ମକର ସଂକ୍ରାନ୍ତିରୁ ଭଗବାନ ରାମଲାଲାଙ୍କୁ ଦର୍ଶନ କରିବେ ଭକ୍ତ । ଉତ୍ତର ପୂର୍ବ ରାଜ୍ୟ ତ୍ରିପୁରା ଗସ୍ତରେ ଥିବା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆଜି ଏକ ସାଧାରଣ ସଭାରେ ଏହି ଘୋଷଣା କରିଛନ୍ତି (Home Minister Amit shah in Tripura ) । ଶାହଙ୍କ ଘୋଷଣା ପରେ କୋଟି କୋଟି ହିନ୍ଦୁ ସନାତନ ଧର୍ମାବଲମ୍ବୀ ସମେତ ରାମଭକ୍ତଙ୍କ ମଧ୍ୟରେ ଖୁସିର ମାହୋଲ ।
ଏହାବି ପଢନ୍ତୁ- ପାକିସ୍ତାନୀ ଡାକ୍ତରଙ୍କ ୬୦ ଛୁଆ, ୩ଟି ପତ୍ନୀ; ସରକାରଙ୍କୁ କହିଲେ ଆମକୁ ବସ୍ ଦିଅ
ନିର୍ବାଚନୀ ରାଜ୍ୟ ତ୍ରିପୁରା ଗସ୍ତରେ ଯାଇ ଏକ ସାଧାରଣ ସଭାକୁ ସମ୍ବୋଧିତ କରି ଶାହ କହିଛନ୍ତି, ‘‘ପ୍ରତିକ୍ଷାର ଅନ୍ତ ହେବ । ସଂଘର୍ଷର ସଫଳତା ଅନୁଭବ ହେବ । ଆଉ ଏକ ବର୍ଷ ମଧ୍ୟରେ କୋଟି କୋଟି ରାମଭକ୍ତଙ୍କ ସ୍ବପ୍ନ ସାକାର ହେବ । ଭଗବାନ ରାମଲାଲ ତାଙ୍କ ମନ୍ଦିରରେ ବିରାଜମାନ ହେବେ । ଅଯୋଧ୍ୟାକୁ ଶ୍ରଦ୍ଧାଳୁଙ୍କ ଆଗମନ ହେବ । ଆଗାମୀ ବର୍ଷ ମକର ସଂକ୍ରାନ୍ତିରେ ରାମଲାଲାଙ୍କୁ ଦର୍ଶନ କରିବା ପାଇଁ ଟିକେଟ କାଟିବାକୁ ମଧ୍ୟ ବିରୋଧୀଙ୍କ ଉଦ୍ଦେଶ୍ୟରେ କଟାକ୍ଷ କରିଛନ୍ତି ଶାହ ।’’
ଦକ୍ଷିଣ ତ୍ରିପୁରାରର ଶବଋମ ଜିଲ୍ଲାରେ ଆୟୋଜିତ ଦଳୀୟ ବିଶ୍ବାସ ଯାତ୍ରାକୁ ଶୁଭାରମ୍ଭ କରି ରାହୁଲ ଗାନ୍ଧୀଙ୍କ ଉପରେ ଆକ୍ରମଣ କରିଛନ୍ତି । ରାହୁଲଙ୍କ ଉଦ୍ଦେଶ୍ୟରେ କହିଛନ୍ତି 1 ଜାନୁୟାରୀ 2024 ସୁଦ୍ଧା ଭବ୍ୟ ରାମମନ୍ଦିର ନିର୍ମାଣ ଶେଷ ହେବ । 14 ଜାନୁୟାରୀ 2024 ରୁ ଦର୍ଶନ କରିବେ ଭକ୍ତ । ଆପଣ ମଧ୍ୟ ଦର୍ଶନ ପାଇଁ ଟିକେଟ କାଟିଦିଅନ୍ତୁ । ଏହା ପୂର୍ବରୁ ଶାହ ଉତ୍ତର ତ୍ରିପୁରା ଧର୍ମନଗର ଜିଲ୍ଲାରେ ମଧ୍ୟ ବିଜେପି ବିଶ୍ବାସ ଯାତ୍ରାର ଶୁଭାରମ୍ଭ କରିଥିଲେ । ଏହି ଯାତ୍ରାର ଉଦ୍ଦେଶ୍ୟ ହେଲେ ଗତ 5 ବର୍ଷରେ ବିଜେପି ସରକାର ରାଜ୍ୟରେ କରିଥିବା ବିକାଶ ଲୋକଙ୍କ ନିକଟରେ ପହଞ୍ଚାଇବା । ଯାତ୍ରା ଜରିଆରେ ବିଜେପି ଗତ ପାଞ୍ଚବର୍ଷରେ ରାଜ୍ୟର କଣ କଣ ବିକାଶ କରିଛି, କଣ ଯୋଜନା ରଖିଛି ତାହା ଲୋକଙ୍କୁ ବୁଝାଇବ ।