1 বজাৰ দহটা শীৰ্ষ সংবাদ

দিনৰ 1 বজাৰ দহটা শীৰ্ষ সংবাদ...

1 বজাৰ দহটা শীৰ্ষ সংবাদ-

নলবাৰীত নতুনকৈ সুৰা বিপণী(Wine Shop)ৰ অনুজ্ঞাপত্ৰ(Licence) দিয়া নহয় । চৰকাৰে যধে-মধে দিয়া সুৰাৰ লাইচেন্সৰ বিৰোধিতা কৰিছে নলবাৰী সমষ্টিৰ বিধায়ক জয়ন্ত মল্ল বৰুৱা(Jayanta Malla Baruah)ই ৷

উত্তৰ গুৱাহাটীৰ আমিনগাঁও চাৰিআলিত বিধ্বংসী অগ্নিকাণ্ড(Fire) সংঘটিত ৷ অগ্নিকাণ্ডত ভষ্মীভূত হয় চাৰিখনকৈ ব্যৱসায়িক প্ৰতিষ্ঠান ৷ লগতে বিস্ফোৰিত হয় কেইবাটাও কমাৰ্চিয়েল চিলিণ্ডাৰ, অগ্নিদগ্ধ হয় দহটাৰো অধিক ছাগলী আৰু 50 টাৰো অধিক মুৰ্গী ৷ জুইৰ লেলিহান শিখাই চাৰখাৰ কৰিলে এখন মাংসৰ দোকানৰ লগতে আন তিনিখনকৈ অন্যান্য সামগ্ৰী বিপণী ৷

ভাৰত আৰু বাংলাদেশৰ মাজত দ্বি-পাক্ষিক সম্পৰ্ক অধিক শক্তিশালী কৰাৰ বাবে পুনৰ ত্ৰিপুৰাত স্থাপন হ'ব সীমান্ত বজাৰ । ত্ৰিপুৰাৰ শ্ৰীনগৰ আৰু কমলা সাগৰৰ পাছত এয়া তৃতীয়খন সীমান্ত বজাৰ । প্ৰতি মঙলবাৰে ১১ বজাৰ পৰা দুপৰীয়া ২.৩০ বজালৈ খোলা থাকিব এই বজাৰ ।

আজি দেশৰ প্ৰথমগৰাকী শিক্ষা মন্ত্ৰী মৌলানা আবুল কালাম আজাদৰ জন্মদিন ৷ টুইটাৰযোগে ৰাষ্ট্ৰীয় শিক্ষা দিৱসৰ শুভেচ্ছা ভাৰতৰ প্ৰধানমন্ত্ৰী নৰেন্দ্ৰ মোডীৰ ৷

বতৰ বিজ্ঞান বিভাগে জাৰি কৰা আগজাননী অনুসৰি, তামিলনাডুত প্ৰবল বৃষ্টিপাত আৰু বজ্ৰপাতৰ পূৰ্ণ সম্ভাৱনা আছে । তদুপৰি ঘূৰ্ণীবতাহে বৃহস্পতিবাৰে খুন্দা মৰাৰ সম্ভাৱনা আছে তামিলনাডুৰ উপকূল অঞ্চলত । ৰাজ্যখনৰ ৯ খন জিলাত জাৰি হাই এলাৰ্ট ।

শাসকীয় দলৰ দুগৰাকী মন্ত্ৰী ক্ৰমে সুব্ৰত সাহা আৰু জীৱন কৃষ্ণ সাহাক নিজ দলৰে একাংশ কৰ্মীয়ে আক্ৰমণ কৰাৰ অভিযোগ উত্থাপন হৈছে । দলীয় আভ্যন্তৰীণ সংঘাতৰ বাবে এই ঘটনা সংঘটিত হোৱাৰ আশংকা প্ৰকাশ ।

গ্লাছগ’ চহৰত অনুষ্ঠিত হৈ থকা COP 26 সন্মিলনত ই-অমৃত(E-Amrit) ৱেব প’ৰ্টেল মুকলি কৰিলে ভাৰত চৰকাৰে । বৈদ্যুতিক বাহন সম্পৰ্কীয় সকলো তথ্য উপলব্ধ হ'ব প’ৰ্টেলটোত । ইংলেণ্ড-ভাৰতৰ যুটীয়া ৰোডমেপ ২০৩০ ৰ অংশ হিচাপে মুকলি কৰা হৈছে নীতি আয়োগে এই পৰ্টেলটোৰ শুভাৰম্ভণি কৰিছে ।

তিনিখন টেষ্ট মেচ, তিনিখন এদিনীয়া আৰু এখন টী20 মেচৰ শৃংখলাৰে পাকিস্তান ভ্ৰমণলৈ যাব অষ্ট্ৰেলিয়াৰ ক্ৰিকেট দলটো ৷ আগন্তুক বৰ্ষত অনুষ্ঠিত হ’বলগীয়া এই শৃংখলাৰ সূচী প্ৰকাশ কৰে পাকিস্তান ক্ৰিকেট ব’ৰ্ডে ৷

কৰিমগঞ্জত বৃহস্পতিবাৰে পুৱা সংঘটিত হৈছে এক ভয়ংকৰ পথ দুৰ্ঘটনা ৷ য’ত থিতাতে নিহত হয় 9 গৰাকীকৈ ব্যক্তি ৷ ষট পূজা সম্পন্ন কৰি ওভোটাৰ মূহুৰ্তত সংঘটিত হৈছে দুৰ্ঘটনাটো ৷

গুৱাহাটীৰ পশ্চিম প্ৰান্তৰ আজাৰাৰ পাটগাঁৱস্থিত প্ৰথম ৰাষ্ট্ৰীয় দুৰ্যোগ সঁহাৰি বাহিনী চমুকৈ 'এন ডি আৰ এফ'ৰ উদ্যোগত মিৰ্জাস্থিত জিলা শিক্ষণ প্ৰশিক্ষণ প্ৰতিষ্ঠান (ডায়েট)ৰ চৌহদত তিনিদিনীয়াকৈ পূৱ আৰু উত্তৰ-পূৱ মণ্ডলৰ ভিত্তিত অনুষ্ঠিত আন্তঃ এনডিআৰএফ বেটালিয়ানৰ দক্ষতা বৃদ্ধি প্ৰতিযোগিতাৰ বুধবাৰে সামৰণি পৰে ।