1 বজাৰ দহটা শীৰ্ষ সংবাদ-
নলবাৰীত নতুনকৈ দিয়া নহয় সুৰা বিপণীৰ অনুজ্ঞাপত্ৰ : জয়ন্ত মল্ল বৰুৱা
নলবাৰীত নতুনকৈ সুৰা বিপণী(Wine Shop)ৰ অনুজ্ঞাপত্ৰ(Licence) দিয়া নহয় । চৰকাৰে যধে-মধে দিয়া সুৰাৰ লাইচেন্সৰ বিৰোধিতা কৰিছে নলবাৰী সমষ্টিৰ বিধায়ক জয়ন্ত মল্ল বৰুৱা(Jayanta Malla Baruah)ই ৷
আমিনগাঁৱত অগ্নিকাণ্ড : ভষ্মীভূত 15 লক্ষাধিক টকাৰ সম্পত্তি
উত্তৰ গুৱাহাটীৰ আমিনগাঁও চাৰিআলিত বিধ্বংসী অগ্নিকাণ্ড(Fire) সংঘটিত ৷ অগ্নিকাণ্ডত ভষ্মীভূত হয় চাৰিখনকৈ ব্যৱসায়িক প্ৰতিষ্ঠান ৷ লগতে বিস্ফোৰিত হয় কেইবাটাও কমাৰ্চিয়েল চিলিণ্ডাৰ, অগ্নিদগ্ধ হয় দহটাৰো অধিক ছাগলী আৰু 50 টাৰো অধিক মুৰ্গী ৷ জুইৰ লেলিহান শিখাই চাৰখাৰ কৰিলে এখন মাংসৰ দোকানৰ লগতে আন তিনিখনকৈ অন্যান্য সামগ্ৰী বিপণী ৷
ত্ৰিপুৰাত অচিৰে স্থাপন হ’ব সীমান্তৱৰ্তী বজাৰ
ভাৰত আৰু বাংলাদেশৰ মাজত দ্বি-পাক্ষিক সম্পৰ্ক অধিক শক্তিশালী কৰাৰ বাবে পুনৰ ত্ৰিপুৰাত স্থাপন হ'ব সীমান্ত বজাৰ । ত্ৰিপুৰাৰ শ্ৰীনগৰ আৰু কমলা সাগৰৰ পাছত এয়া তৃতীয়খন সীমান্ত বজাৰ । প্ৰতি মঙলবাৰে ১১ বজাৰ পৰা দুপৰীয়া ২.৩০ বজালৈ খোলা থাকিব এই বজাৰ ।
ৰাষ্ট্ৰীয় শিক্ষা দিৱসত মৌলানা আবুল কালাম আজাদক স্মৰণ প্ৰধানমন্ত্ৰীৰ
আজি দেশৰ প্ৰথমগৰাকী শিক্ষা মন্ত্ৰী মৌলানা আবুল কালাম আজাদৰ জন্মদিন ৷ টুইটাৰযোগে ৰাষ্ট্ৰীয় শিক্ষা দিৱসৰ শুভেচ্ছা ভাৰতৰ প্ৰধানমন্ত্ৰী নৰেন্দ্ৰ মোডীৰ ৷