সন্ধিয়া 7 বজাৰ শীৰ্ষ 10 বাতৰি

চৰকাৰক ফেৰী সেৱাত সংঘটিত হৈ থকা ছিণ্ডিকেটৰাজ উৎখাতৰ দাবী AJYCP ৰ

নিমাতী-মাজুলী ফেৰী সেৱাত সংঘটিত হৈ অহা ছিণ্ডিকেটৰাজ উৎখাত কৰাৰ দাবী যুৱ ছাত্ৰ পৰিষদ । সংবাদ মেল যোগেদি চৰকাৰৰ বিৰুদ্ধে সৰৱ অসম যুৱ ছাত্ৰ-পৰিষদ সাধাৰণ সম্পাদক পলাশ চাংমাই ৷

মাটি দালালৰ বিৰুদ্ধে কঠোৰ হৈছে কলিয়াবৰ ৰাজহ চক্ৰ বিষয়াৰ কাৰ্যালয় । ৰাজহ চক্ৰ বিষয়াই কঠোৰ নিৰ্দেশনা জাৰি স্পষ্ট কৰি দিছে যে, কলিয়াবৰত এতিয়াৰে পৰা মাতি-বাৰী সংক্ৰান্তীয় যিকোনো কাম-কাজ মাটিৰ গৰাকীয়ে নিজেই কৰিব লাগিব ।

ক'ভিড পৰিস্থিতিৰ (Covid situation) বাবে দীৰ্ঘদিন ধৰি অৰুণাচন প্ৰদেশৰ টাৱাং আৰু গুৱাহাটীৰ মাজত হেলিকপ্টাৰ সেৱা বন্ধ হৈ আছিল । অৱশেষত বৃহস্পতিবাৰৰ পৰা আৰম্ভ হ'ল এই সেৱা ।

গাঁও কোষাগাৰ প্ৰাধিকাৰী কাৰ্যালয়ৰ সহকাৰী গাণনিক খুচবু হৰলালকা নামৰ মহিলা কৰ্মচাৰী গৰাকীক গ্ৰেপ্তাৰ কৰাৰ পাছতে একেটা কাৰ্যালয়ৰ জ্যেষ্ঠ গাণনিক সঞ্জীৱ মিশ্ৰকো গ্ৰেপ্তাৰ কৰে নগাঁও আৰক্ষীৰ এটা তদন্তকাৰী দলে ।

গোৱালপাৰা কাছাৰীঘাটত ব্ৰহ্মপুত্ৰৰ বুকুত সন্ধানহীন হোৱা তিনি ছাত্ৰক বিচাৰি অব্যাহত আছে উদ্ধাৰ অভিযান৷ এনডিআৰএফ আৰু এছডিআৰএফ বাহিনীৰ দলে অব্যাহত ৰাখিছে উদ্ধাৰ অভিযান ৷ উদ্ধাকাৰী দলে ইতিমধ্যে তিনিজনৰ মাজৰ নবিৰ হুছেইন নামৰ ছাত্ৰজনৰ মৃতদেহ উদ্ধাৰ কৰিবলৈ সক্ষম হৈছে যদিও বৰ্তমানেও সন্ধানহীন হৈ আছে দুজন ছাত্ৰ ৷

২০২০ চনৰ বৰ্ষটোত অসমত ২৬ গৰাকী নাৰী বলি হৈছে ধৰ্ষণ আৰু হত্যাৰ । যি সময়ত ক’ভিড কেন্দ্ৰিক অচলাৱস্থাই ২০২০ চনৰ ফেব্ৰুৱাৰী মাহৰ পৰাই জনতাক গৃহবন্দী কৰি ৰাখিছিল, সেই সময়তে ৰাজ্যৰ বিভিন্ন প্ৰান্তৰত ২৬ গৰাকী নাৰীক ধৰ্ষণ কৰি হত্যা কৰা হৈছিল । তদুপৰি এই বছৰটোতে যৌতুক কেন্দ্ৰিক অপৰাধৰ বলি হৈ ২০২০ চনৰ বৰ্ষত অসমত ১৫০ গৰাকী মহিলা হত্যাৰ বলি হৈছে ।

মুখ্যমন্ত্ৰী ড৹ হিমন্ত বিশ্ব শৰ্মাৰ অধ্যক্ষতাত বৃহস্পতিবাৰে অনুষ্ঠিত হয় ৰাজ্যিক কেবিনেটৰ এখন গুৰুত্বপূৰ্ণ বৈঠকৰ ৷ বৈঠকত শিক্ষা, কৃষি, জলসিঞ্চনকে ধৰি কেইবাটাও গুৰুত্ব সিদ্ধান্ত গ্ৰহণ কৰা হয় ৷

জম্মু-কাশ্মীৰৰ প্ৰথমখন চৰকাৰী উনানী চিকিৎসা মহাবিদ্যালয় আৰু চিকিৎসালয়ত উনানী ঔষধ আৰু অস্ত্ৰোপচাৰৰ স্নাতক পাঠ্যক্ৰমৰ প্ৰথমটো শিক্ষাবৰ্ষ মুকলি কৰিব কেন্দ্ৰীয় মন্ত্ৰী সৰ্বানন্দ সোণোৱালে । চিকিৎসা মহাবিদ্যালয় খনে ১৩৬ খন গাঁৱৰ প্ৰায় তিনি লাখ লোকক সেৱা প্ৰদান কৰিব বুলি আশা কৰা হৈছে ।

বৰ্তমান পঁচাশী বছৰ বয়সতো সাহিত্য চৰ্চা অব্যাহত ৰাখিছে তিতাবৰৰ বিশিষ্ট সাহিত্যিক মহেন্দ্ৰনাথ শইকীয়াই ৷ শংকৰী সাহিত্যত ব্যাপক দখল থকা মহেন্দ্ৰ নাথ শইকীয়াৰ ৰচিত গ্ৰন্থসমূহ এতিয়া বিশ্ববিদ্যালয়ৰ ছাত্ৰী ছাত্ৰীয়ে সমল গ্ৰন্থ হিচাপে ব্যৱহাৰ কৰি আহিছে ৷ কিন্তু আজিও ৰজাঘৰীয়াৰ পৰা পৰ্যাপ্ত স্বীকৃতি লাভ নকৰিলে এই গৰাকী সাহিত্যিকে ৷

দিল্লীত সংঘটিত সংঘাতৰ সময়ত ৰামলীলা মৈদানত এজন লোকৰ দেহত অগ্নি সংযোগ কৰাৰ অভিযোগত দিল্লীৰ এখন ন্যায়ালয়ে 5 জন লোকৰ বিৰুদ্ধে অগ্নি সংযোগ আৰু হত্যাৰ অভিযোগ উত্থাপন কৰিছে ৷ দিল্লী আৰক্ষীয়ে জনোৱা অনুসৰি, দিল্লীৰ কাৰাৱাল নগৰৰ ৰামলীলা মৈদানত 5 গৰাকী লোকে মহম্মদ আনোৱাৰ নামৰ এজন লোকক গুলীওৱাৰ লগতে দেহত অগ্নিসংযোগ কৰিছিল ৷