15:42 April 30
వారాంతపు సెషన్లో స్టాక్ మార్కెట్లు భారీ నష్టాలతో ముగిశాయి. సెన్సెక్స్ 984 పాయింట్ల భారీ నష్టంతో 48,782 వద్ద స్థిరపడింది. నిఫ్టీ అత్యధికంగా 264 పాయింట్లు కోల్పోయి 14,631 వద్దకు చేరింది.
ఇదీ చదవండి:అంతర్జాతీయ విమానాలపై నిషేధం పొడిగింపు
15:06 April 30
స్టాక్ మార్కెట్లు భారీ నష్టాల్లో ట్రేడవుతున్నాయి. సెన్సెక్స్ 920 పాయింట్లకుపైగా కోల్పోయి.. 48,844 వద్ద ట్రేడింగ్ సాగిస్తోంది. నిఫ్టీ 240 పాయింట్లకుపైగా తగ్గి.. 14,654 వద్ద కొనసాగుతోంది.
ఆర్థిక షేర్లలో అమ్మకాల వెల్లువ నష్టాలకు ప్రధాన కారణంగా తెలుస్తోంది. ఫార్మా షేర్లు మాత్రం సానుకూలంగా స్పందిస్తున్నాయి.
12:18 April 30
14,800 దిగువకు నిఫ్టీ..
స్టాక్ మార్కెట్లు నష్టాల్లో స్థిరంగా కొనసాగుతున్నాయి. సెన్సెక్స్ దాదాపు 400 పాయింట్ల నష్టంతో 49,367 వద్ద ట్రేడవుతోంది. నిఫ్టీ దాదాపు 100 పాయింట్లు తగ్గి.. 14,798 వద్ద ట్రేడింగ్ సాగిస్తోంది.
08:50 April 30
నష్టాల్లో స్టాక్ మార్కెట్లు- సెన్సెక్స్ 300 మైనస్
స్టాక్ మార్కెట్లు శుక్రవారం భారీ నష్టాలతో ప్రారంభమయ్యాయి. దేశంలో కరోనా రెండో దశ విజృంభిస్తున్న నేపథ్యంలో మార్కెట్లు కుప్పకూలుతున్నట్లు విశ్లేషకులు చెబుతున్నారు.
బీఎస్ఈ-సెన్సెక్స్ ప్రస్తుతం 360 పాయింట్లకు పైగా కోల్పోయి.. 49,405 ఎగువన ట్రేడవుతోంది. ఎన్ఎస్ఈ-నిఫ్టీ 90 పాయింట్లు నష్టపోయి.. 14,800 ఎగువన కొనసాగుతోంది.
లాభనష్టాల్లో..
విప్రో, బజాజ్ ఆటో, ఓఎన్జీసీ, దివీస్ ల్యాబ్స్, డా.రెడ్డీస్ ల్యాబ్స్ రాణిస్తున్నాయి.
హెచ్డీఎఫ్సీ బ్యాంక్, హెచ్డీఎఫ్సీ, ఐసీఐసీఐ బ్యాంక్, టైటాన్ కంపెనీ, ఎస్బీఐ డీలాపడ్డాయి.
