Best Tricks to Detect Deepfake Photos : నేటి టెక్నాలజీ యుగంలో మానవాళి సాధించిన గొప్ప విజయాల్లో కృత్రిమ మేధ(Artificial intelligence) ఒకటని చెప్పుకోవచ్చు. కానీ.. అది అంతేస్థాయిలో ప్రమాదకరంగానూ పరిణమిస్తోందని నిపుణులు ఆందోళన చెందుతున్నారు. నిజానికి ఏఐతో ఎన్నో ప్రయోజనాలున్నా.. కొందరు ఈ టెక్నాలజీని దుర్వినియోగం చేస్తున్నారు.
ముఖ్యంగా.. డీప్ఫేక్ వీడియోలు, ఫొటోలు ఎన్నో విధాలుగా ముప్పుగా మారుతున్నాయి. ఇటీవల పలువురు రాజకీయ ప్రముఖులు, సెలబ్రిటీలకు సంబంధించిన డీప్ఫేక్ వీడియోలు, ఫొటోలు కలకలం రేపిన విషయం తెలిసిందే. అయితే.. మీరూ అలాంటి వాటి బారినపడకుండా ఉండాలంటే ఈ ట్రిక్స్ తెలుసుకోవాల్సిందే అంటున్నారు నిపుణులు. వీటి ద్వారా ఏఐ సృష్టించే డీప్ఫేక్(Deepfake) ఫొటోలను ఈజీగా కనిపెట్టవచ్చంటున్నారు. మరి, ఈ ట్రిక్స్ ఏంటో ఈ స్టోరీలో తెలుసుకుందాం.
ప్రస్తుతం మన దేశంలోనూ ఈ డీప్ఫేక్ వ్యాప్తి చాలా మందిని కలవరపాటుకు గురిచేస్తోంది. ఈ క్రమంలోనే ఇటీవల కేంద్ర ప్రభుత్వం కూడా దీనిపై స్పందించి పలు సూచనలు చేసింది. అలాగే నకిలీలను గుర్తించేందుకు వీలుగా ఓ వీడియోను కూడా విడుదల చేసింది. ఎలాంటి టెక్నాలజీ అవసరం లేకుండా.. కేవలం చిన్న చిన్న అంశాలను గుర్తించడం ద్వారా.. ఏఐతో సృష్టించే ఈ డీప్ఫేక్ ఫొటోలను సులభంగా పసిగట్టవచ్చని చెబుతోంది. నిశితంగా వాటిని గమనిస్తే.. వాస్తవ దూరంగా ఉండే చిత్రాలు, వింత వింత లైటింగ్, నీడలు, చిత్రాల్లో అసమానతలు తదితర తప్పులను మనం గుర్తుపట్టొచ్చని కేంద్రం తెలిపింది.
వాట్సాప్ స్పెషల్ హెల్ప్లైన్తో 'డీప్ఫేక్స్'కు చెక్!
డీప్ఫేక్ ఫొటోలను ఈజీగా ఎలా గుర్తించాలంటే? :
ఆర్టిఫీషియల్ ఇంటెలిజెన్స్తో సృష్టించే ఈ డీప్ఫేక్ ఫొటోలు చూడటానికి ఎంతో పర్ఫెక్ట్గా కనిపిస్తాయి. కానీ, ఎంత పెద్ద నేరం చేసినా ఎక్కడో ఓ చోట క్లూ వదిలేస్తుంటారనే పాత డైలాగ్.. డీప్ ఫేక్ విషయంలోనూ వర్తిస్తుందట. అలాంటి చిన్న చిన్న మిస్టేక్స్ గుర్తించడం ద్వారా.. ఫేక్ ఫొటోలు, వీడియోలను పట్టుకోవచ్చని చెబుతున్నారు నిపుణులు.
- AI జనరేట్ చేసే నకిలీ ఫొటోలు.. ఒరిజినల్ ఫొటో కన్నా చాలా పర్ఫెక్ట్గా ఉంటాయి.
- డీప్ఫేక్ ఫొటోలోని వ్యక్తి ముఖం, స్మైల్, ఆకారం అన్నీ చాలా చాలా పర్ఫెక్ట్గా, షార్ప్గా ఉంటాయి. ఒరిజినల్ ఫొటోలు అంత లైటింగ్తో, అంత షార్ప్గా, అంత పర్ఫెక్ట్గా ఉండవు.
- అదేవిధంగా అందులో కనిపించే ఆబ్జెక్ట్స్ కూడా మరింత ఎలివేట్ అవుతూ ఉంటాయి.
- చిత్రంలోని వ్యక్తి డ్రైస్ చాలా బ్రైట్గా, చాలా పర్ఫెక్షనిజంతో కనిపిస్తుంది. రియల్ చిత్రాల్లో అంత ఖచ్చితంగా ఉండదు.
- ఫేక్ ఫొటోలో ఉండే వ్యక్తులు వాడే వస్తువులు కాస్త వైవిధ్యంగా, నమ్మశక్యంగా లేకుండా ఉంటాయి.
- ఫొటోల్లోని మనుషుల శరీర తీరు వాస్తవానికి దూరంగా ఉంటుంది. కాస్త పరీక్షగా చూస్తే మనకు అర్థమైపోతుంది.
- AI ఎడిట్ చేసే ఫొటోల్లో ఉండే నీడలు తేడాగా ఉంటాయి. కాబట్టి.. ఏఐ జనరేట్ చేసే ఫేక్ ఫొటోలను క్షుణ్ణంగా పరిశీలిస్తే ఇది అర్థమవుతుంది.
- ఇక కేంద్ర ప్రభుత్వం కూడా.. ఈ డీప్ఫేక్ ఫొటోలు, వీడియోలను అడ్డుకునేందుకు కొత్త ఫ్రేమ్వర్క్ను రూపొందిస్తామని తెలిపింది.
- లోక్సభ ఎన్నికల తర్వాత దీనిపై చట్టం తీసుకొచ్చే అవకాశాలు కన్పిస్తున్నాయి.
అర్జెంట్గా డబ్బులు కావాలని ఫ్రెండ్ కాల్ చేశాడా?.. అది డీప్ ఫేక్ స్కామ్ కావచ్చు! జాగ్రత్త!