7 বজাৰ 10 টা শীৰ্ষ বাতৰি

Manohari Gold tea: চাহ নিলামত পুনৰ অভিলেখ অসমৰ মনোহাৰী চাহৰ

পুনৰ ৰেকৰ্ড সংখ্যক মূল্যত চাহপাত বিক্ৰী কৰিলে মনোহাৰী চাহ বাগিচাই (Manohari Gold tea new records) । প্ৰতিকেজি চাহৰ দাম হ'লগৈ ১,১৫,০০০ টকা । ক্ৰয় হায়দৰাবাদৰ নিলুফাৰ কেফেৰ ।

পাকিস্তানৰ বৈদেশিক মন্ত্ৰী বিলাৱাল ভূট্টো জৰ্দাৰীয়ে প্ৰধানমন্ত্ৰী নৰেন্দ্ৰ মোডী সন্দৰ্ভত কৰা অপমানসূচক মন্তব্যৰ বিৰুদ্ধে গুৱাহাটীৰ লতাশিল খেলপথাৰত বিজেপিৰ ব্যাপক প্ৰতিবাদ (BJP protest in Guwahati)। পাকিস্তান মুৰ্দাবাদ ধ্বনিৰে উত্তাল ৰাজপথ । পাকিস্তানে যি ভাষা বুজি পায় সেই ভাষা পাকিস্তানক বুজাই দিয়াৰ সময় সমাগত বুলি তাৎপৰ্যপূৰ্ণ মন্তব্য কৰিলে সাংসদ দিলীপ শইকীয়াই ।

অসমৰ জনপ্ৰিয় যুৱ মূকাভিনয় শিল্পী মিনাংক ডেকালৈ আগবঢ়োৱা হ'ব 'যুৱ প্ৰতিভা শিল্পী বঁটা' (Young Talented Artistes Award 2022) । ভাৰত চৰকাৰৰ উত্তৰ-পূব ক্ষেত্ৰ সাংস্কৃতিক কেন্দ্ৰই ঘোষণা কৰিছে এই বঁটা । বঁটাটোত থাকিব ২০ হাজাৰ টকা আৰু প্ৰমাণপত্ৰ ।

বিদ্যুৎ বিভাগৰ কেইবাটাও সিদ্ধান্তৰ বিৰুদ্ধে অনুষ্ঠিত হ’ল গ্ৰাহক অভিৱৰ্তন AAECA Conference in Guwahati)৷ বিভাগক জনোৱা হ’ল কেইবাটাও দাবী ৷ আন্দোলনৰ কাৰ্যসূচীৰো যো-জা চলাইছে অল আছাম ইলেকট্ৰিচিটি কনজুমাৰ্চ এছ'চিয়েছনে (All Assam Electricity Consumers Association)৷

মহানগৰীৰ বশিষ্ঠ মন্দিৰত ভয়ংকৰ দুৰ্ঘটনা ৷ পাহাৰৰ পৰা বশিষ্ঠ নৈত বাগৰি পৰিল এখন যাত্ৰীবাহী বাহন ৷ বাহনখনত কেইবাগৰাকীও যাত্ৰী থকাৰ সন্দেহ ৷ দুৰ্ঘটনাগ্ৰস্ত বাহনখনত আছিল বশিষ্ঠ মন্দিৰলৈ অহা পৰ্যটক ৷

দ্বিতীয় বৈকুণ্ঠধামত পৰিণত হৈছে বিহালীৰ ৰাংছালী পীতাম্বৰ পীঠ ধাম (Pitambar pith dham) ৷ কিয়নো আজিৰে পৰা আৰম্ভ হৈছে শ্ৰীকৃষ্ণ প্ৰনামী জাগনী মহোৎসৱ ৷ পীতাম্বৰ পীঠ ধামত বিশ্বশান্তি তথা হিন্দু জাগৰণৰ উদ্দেশ্যে সপ্তাহযোৰা কাৰ্যসূচীৰে ১২৫ শ্ৰীমদ্ভাগৱত পাঠ, কৃষ্ণ কথা, ১২৫ তাৰতম সাগৰ পাঠৰ লগতে বৰ্ণাঢ্য কাৰ্যসূচীৰে ধৰ্মীয় সাংস্কৃতিক অনুষ্ঠানৰো আয়োজন কৰা হৈছে ।

নগাঁও জিলাৰ বিভিন্ন প্ৰান্তত বন্যহস্তীৰ উপদ্ৰৱ অব্যাহত আছে (Wild elephant terror in Nagaon)। ৰহাৰ দক্ষিণ পেটবঢ়াতো বনৰীয়া হাতীয়ে শেহতীয়াকৈ সন্ত্ৰাসৰ সৃষ্টি কৰিছে । বন্যহস্তীৰ ভয়ত আতংকিত হৈ পৰিছে গাঁওবাসী । শুকুৰবাৰে নিশা ৰহাৰ দক্ষিণ পেটবঢ়াত শতাধিক বন্যহস্তী প্ৰৱেশ কৰি উপদ্ৰৱ চলায় ।

শনিবাৰে নিজৰ প্ৰাপ্যৰ দাবীত যোৰহাট পৌৰসভাৰ কাযালয়ত পৌৰকৰ্মীসকলে উত্তাল প্ৰতিবাদ সাব্যস্ত কৰে (Municipal worker protest at Jorhat Municipality) ।

গুৱাহাটীত অনুষ্ঠিত হৈছে সপ্তম অসম আন্তৰ্জাতিক কৃষি উদ্যানশস্য মেলা ৷ শনিবাৰে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই উদ্বোধন কৰে এই মেলাৰ ৷ এই মেলাৰ মূল বিষয়বস্তু হৈছে যুৱ শক্তিৰ অংশগ্ৰহণেৰে কৃষি উদ্যানশস্য খণ্ডৰ নৱজাগৰণ ৷

চৰাইদেউ জিলাৰ মৰাণস্থিত অইল ইণ্ডিয়া লিমিটেডৰ বিৰুদ্ধে এইবাৰ প্ৰতিবাদত বহিছে অইল ইণ্ডিয়াৰ পঞ্জীয়নভূক্ত ঠিকাদাৰ সন্থা (Protest against Moran Oil India Limited) ৷ বিভিন্ন সমস্যাৰ লগতে অভাৱ-অভিযোগসমূহ সমাধানৰ দাবীত অইল ইণ্ডিয়াৰ পঞ্জীয়নভূক্ত ঠিকাদাৰ সন্থাই বিগত ১২ ডিচেম্বৰৰ পৰা পালন কৰি আহিছে কৰ্মবিৰতি (Contractor strike against Moran Oil India Limited)।