তিনি বজাৰ শীৰ্ষ 10 টা বাতৰি...

গুৱাহাটীত অনুষ্ঠিত হ’ব North-East Education Conclave

আগন্তুক 20 আৰু 21 নৱেম্বৰত গুৱাহাটী মহানগৰীত অনুষ্ঠিত হ’ব উত্তৰ-পূৱ শৈক্ষিক সন্মিলন(North East Education Conclave) । শংকৰদেৱ এডুকেশ্যন এণ্ড ৰিচাৰ্ছ ফাউণ্ডেশ্বন(Sankardev Education and Research Foundation) নামৰ এটা অনুষ্ঠানৰ সৈতে যৌথভাৱে এই সন্মিলনৰ আয়োজন কৰিছে ৰাজ্যৰ শিক্ষা বিভাগে(Education Department) । বুধবাৰে এক সংবাদমেলযোগে এই কথা ঘোষণা কৰে ৰাজ্যৰ শিক্ষামন্ত্ৰী ডাঃ ৰণোজ পেগু(Dr Ranoj Pegu)য়ে ৷

ভাৰত ভ্ৰমণৰ ক্ষেত্ৰত দেশৰ নাগৰিকসকলৰ বাবে ভ্ৰমণৰ সতৰ্কতাবাণী জাৰি কৰিছে আমেৰিকাই ৷ সন্ত্ৰাসবাদজনিত কাৰ্যকলাপৰ বাবে জম্মু আৰু কাশ্মীৰৰ লগতে ভাৰত-পাক সীমান্তৰ দাঁতিকাষৰীয়া অঞ্চললৈ আমেৰিকান নাগৰিকসকলক ভ্ৰমণ নকৰিবলৈ আহ্বান জনোৱা হৈছে ৷

দুদিনীয়া কাৰ্যসূচীৰে আৰম্ভ হৈছে বিটিচিৰ পৰিষদীয় অধিৱেশন । কিন্তু অধিৱেশনৰ প্ৰথমটো দিনতে পৰিষদীয় ভৱনৰ সন্মুখত প্ৰতিবাদ সাব্যস্ত কৰিলে একাংশ সাংবাদিকে । কিহৰ বাবে সাংবাদিকসকলৰ এই প্ৰতিবাদ ?

মঙলবাৰে নিশা মহানগৰীৰ জয়ানগৰত সংঘটিত হৈছে এক পথ দুৰ্ঘটনা(jayanagar Road accident) ৷ উদণ্ড যুৱকৰ তীব্ৰবেগী বাহনে খুন্দা মাৰে বিপৰীত দিশৰ পৰা অহা গাখীৰ কঢ়িওৱা বাহনত ৷ দুৰ্ঘটনাৰ পিছতে তীব্ৰবেগী দুখনকৈ বাহন চালকৰৰ পলায়ন ৷

ৰাষ্ট্ৰসংঘত কাশ্মীৰৰ বিষয় উত্থাপন কৰাকলৈ পাকিস্তানক পুনৰ সমালোচনা ভাৰতৰ । নিৰাপত্তা পৰিষদৰ বৈঠকত ভাৰতৰ স্থায়ী অভিযানৰ পৰামৰ্শদাতা ড৹ কাজল ভাটে ইছলামাবাদক তীব্ৰ সমালোচনা কৰে । কেন্দ্ৰীয় শাসিত অঞ্চলত পাকিস্তানে বেদখল কৰি থকা স্থান অতি শীঘ্ৰে খালী কৰিবলৈ পাকিস্তানক আহ্বান জনাইছে ড৹ কাজল ভাটে ।

শেহতীয়াকৈ ত্ৰিপুৰা আৰক্ষীয়ে গ্ৰেপ্তাৰ কৰিছিল দিল্লীস্থিত এটা সংবাদ প্ৰতিষ্ঠানৰ দুই সাংবাদিকক । ত্ৰিপুৰাৰ সাম্প্ৰদায়িক সংঘৰ্ষৰ বাতৰি সংগ্ৰহৰ বাবে যোৱা দুই সাংবাদিকৰ বিৰুদ্ধে আৰক্ষীয়ে লোৱা এই ব্যৱস্থাক সমালোচনা প্ৰেছ ক্লাৱ অব ইণ্ডিয়াৰ । ত্ৰিপুৰা আৰক্ষীৰ বিৰুদ্ধে মানৱ অধিকাৰ উলংঘনৰ অভিযোগ প্ৰেছ ক্লাৱ অব ইণ্ডিয়াৰ ।

Chandrayaan-2 Orbiter আৰু আমেৰিকাৰ Lunar Reconnaissance Orbiter (LRO)ৰ মাজত সংঘৰ্ষ ৰোধৰ বাবে অপ্ৰত্যাশিত পদক্ষেপ গ্ৰহণ কৰিছে ISRO এ ৷ পোন প্ৰথমবাৰৰ বাবে ISRO মহাকাশ গৱেষণা অভিযানত সংঘটিত হৈছে এই ঘটনা ৷

শ্বহীদ সুমন স্বৰ্গীয়াৰী(Martyr Suman Swargiary)ৰ বাসগৃহৰ সন্মুখৰ পথটো পকীকৰণ কৰা হ'ব । বুধবাৰে শ্বহীদ সুমন স্বৰ্গীয়াৰীৰ বাক্সাস্থিত বাসগৃহত উপস্থিত হৈ এই মন্তব্য কৰে মুখ্যমন্ত্ৰী ড৹ হিমন্ত বিশ্ব শৰ্মা(Dr. Himanta Biswa Sarma) ই । মুখ্যমন্ত্ৰীগৰাকীয়ে আলফা(স্বাধীন)ক শান্তি আলোচনালৈও আহ্বান জনায় ।

ৰাজ্যৰ বিভিন্ন প্ৰন্তত প্ৰতিদিনে আৰক্ষীৰ অভিযানত জব্দ কৰা হৈছে নিচাজাতীয় সামগ্ৰী ৷ ইয়াৰ মাজতে মঙলবাৰে নিশা বোকাজানত উদ্ধাৰ হয় প্ৰায় 12 কোটি টকাৰ নিষিদ্ধ হেৰ’ইন ৷ পালয়নৰ চেষ্টা চলোৱা ড্ৰাগছ সৰবৰাহকাৰীক গুলীয়ালে আৰক্ষীয়ে ৷

পৌৰসভাৰ নিৰ্বাচনৰ বাবে ত্ৰিপুৰাত জাৰি থকা নিৰ্বাচনী আচৰণ বিধি উলংঘা কৰাৰ বাবে ৰাজ্যিক নিৰ্বাচনী আয়োগৰ পৰা স্পষ্টীকৰণ বিচাৰিছে বিৰোধী চি পি আই (এম)এ ৷ এই লৈ ৰাজ্যিক নিৰ্বাচনী বিষয়ালৈ পত্ৰ প্ৰেৰণ ত্ৰিপুৰা চি পি আই (এম)ৰ সম্পাদক জিতেন্দ্ৰ চৌধুৰীৰ ৷