RGV sensational comments on Mayor Vijayalakshmi హైదరాబాద్‌లో వీధి కుక్కల దాడిలో నాలుగేళ్ల బాలుడు మృతి చెందిన విషయం తెలిసిందే. అభం శుభం తెలియని నాలుగేళ్ల బాలుడు.. కుక్కల దాడిలో ప్రాణాలు విడవడం అందరినీ కలచివేశాయి. అయితే ప్రభుత్వంపై ప్రజలు ఫైర్ అయ్యారు. ఇక హైకోర్టు కూడా ఈ విషయాన్ని సుమోటోగా తీసుకుని విచారణ చేపట్టింది. ఈ విషయంపై ప్రభుత్వానికి, జీహెచ్‌ఎంసీకి ధర్మాసనం నోటీసులు కూడా ఇచ్చింది.
ఇక ఈ విషయంపై నగర మేయర్ విజయలక్ష్మి... కుక్కల దాడి జరగకుండా చర్యలు తీసుకుంటామని ప్రకటించారు. వెంటనే అత్యవసర మీటింగ్ పెట్టి.. కుక్కల దాడి మళ్లీ జరగకుండా చర్యలు చేపడతామని హామీనిచ్చారు. ఇక మేయర్ వ్యాఖ్యలపై టాలీవుడ్ డైరెక్టర్ రామ్‌గోపాల్ వర్మ సెటైరికల్ కామెంట్స్ చేశారు. నగరంలోని దాదాపు 5 లక్షల కుక్కలను ఒక ఇంట్లో చేర్చాలని అన్నారు. ఇక కేటీఆర్‌కు ట్వీట్ చేస్తూ... కేటీఆర్ సార్... ఒక దగ్గరకు చేర్చిన కుక్కల మధ్యలోకి మేయర్‌ను పంపండి.. అంటూ ట్విటర్ వేదికగా సెటైర్ వేశారు. మేయర్ విజయలక్ష్మి తన పదవికి ఎందుకు రాజీనామా చేయకూడదని వర్మ ప్రశ్నించారు.