তিনিচুকীয়া,৩০ জানুৱাৰী: ৰাজ্যৰ বিভিন্ন প্ৰান্তৰ সমান্তৰালভাৱে তিনিচুকীয়া জিলাৰ বিভিন্ন স্থানতো আৰম্ভ কৰিছে অমৃত সৰোবৰ আঁচনিৰ(Mission Amrit Sarovar in Assam) ৷ সোমবাৰে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ নিৰ্দেশ অনুসৰি অসম চৰকাৰৰ পৰিবহণ, মীন তথা আৱকাৰী বিভাগৰ মন্ত্ৰী পৰিমল শুক্লবৈদ্যই তিনিচুকীয়া জিলাৰ বিভিন্ন আঁচনিৰ কাম পৰিদৰ্শন কৰিবলৈ উপস্থিত হয় জিলাখনত ৷ তিনিচুকীয়া জিলাত উপস্থিত হৈয়েই মাৰ্ঘেৰিটা উন্নয়ন খণ্ডৰ অন্তৰ্গত টেকেৰী ব্লক ২ নং অমৃত সৰোবৰ আচঁনি পৰিদৰ্শন কৰিবলৈ টেকেৰি গাঁৱলৈ ৰাওনা হয় মন্ত্ৰীগৰাকী (Minister inspected work of Amrit Sarovar scheme) ৷
মন্ত্ৰীগৰাকীয়ে টেকেৰি গাঁৱত উপস্থিত হোৱাৰ পাছতে মন্ত্ৰীগৰাকীক স্থানীয় ৰাইজে এখন মৰাণ গামোছাৰে আদৰণি জনায় আৰু ইয়াৰ পাছতে অমৃত সৰোবৰ আঁচনিৰ কাম পৰিদৰ্শন কৰে মন্ত্ৰী পৰিমল শুক্লবৈদ্যই ৷ অমৃত সৰোবৰ আঁচনিৰ কাম পৰিদৰ্শন কৰি সংশ্লিষ্ট বিভাগৰ বিষয়াৰ পৰা আচঁনিৰ কামৰ অগ্ৰগতিৰ বিষয়ে বুজ লয় মন্ত্ৰীগৰাকীয়ে । লগতে মন্ত্ৰী পৰিমল শুক্লবদ্যই অমৃত সৰোবৰ আচঁনিৰ কাম যাতে উন্নত মানদণ্ডৰ হয় আৰু কামত যাতে কোনোধৰণৰ বেমেজালি নহয় তাৰ বাবে যাৱতীয় পদক্ষেপ লবলৈ উপস্থিত বিষয়াসকলক নিৰ্দেশ প্ৰদান কৰে ৷
সমান্তৰালভাৱে স্থানীয় ৰাইজকো এইক্ষেত্ৰত আচঁনিসমূহ সফলতাৰে ৰূপায়ণ হ’বলৈ সকলোকে সহযোগিতা আগবঢ়াবলৈ আহ্বান জনায় মন্ত্ৰীগৰাকীয়ে ৷ ইয়াৰ পাছতে মন্ত্ৰীগৰাকীয়ে টেকেৰি ৰাইডাং অংগনৱাড়ী কেন্দ্র পৰিদৰ্শন কৰি কেন্দ্রটোত ছাত্ৰ-ছাত্ৰীসকলৰ স’তে মজিয়াত বহি কিছু মতবিনিময় কৰাৰ লগতে ছাত্ৰছাত্ৰীৰ নামভৰ্তি তথা উপস্থিতিৰ বিষয়ে বুজ লয়(Parimal Suklabaidya visits Anganwadi centre at Tekeri in Tinsukia) । অংগনৱাড়ী কেন্দ্রটোৰ ৰান্ধনীশাল পৰিদৰ্শন কৰি কণকণ ছাত্ৰ-ছাত্ৰীৰ বাবে পৰ্যাপ্ত খাদ্য সামগ্ৰী মজুত আছে নে নাই তাৰো বুজ লয় মন্ত্ৰীগৰাকীয়ে ।