ଟିମ୍ ଇଣ୍ଡିଆ ଡ୍ରେସିଂ ରୁମରେ ପ୍ରଧାନମନ୍ତ୍ରୀ, ଭାରତୀୟ କ୍ରିକେଟରଙ୍କ ବଢାଇଲେ ମନୋବଳ

ଅହମ୍ମଦାବାଦ: ''ତୁମେମାନେ 10ଟି ଗେମ୍ ଜିତି କରି ଆସିଛ । ଏପରି ହୋଇଥାଏ । ଦେଶ ତୁମକୁ ଦେଖୁଛି ଖୁସି ହୁଅ, ହସ ଏମିତି ହୁଏ । ତୁମେ ବହୁତ ପରିଶ୍ରମ କରିଛ । କିଛି ଚିନ୍ତା କରିବାର ନାହିଁ ସମସ୍ତ ଭଲ ପ୍ରୟାସ କରିଛ । ସମସ୍ତ ବହୁତ ପରିଶ୍ରମ କରିଛ ଏମିତି ହୁଏ । ପରସ୍ପରର ମନୋବଳ ବଢାଅ ।'' କିଛି ଏମିତି କହି ଭାରତୀୟ କ୍ରିକେଟ ଦଳର ମନୋବଳ ବଢାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଟିମ୍ ଇଣ୍ଡିଆ ଡ୍ରେସିଂ ରୁମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ବକପ ପରାଜୟ ପରେ ଭାରତୀୟ କ୍ରିକେଟରଙ୍କୁ ସାନ୍ତ୍ବନା ଦେଇଛନ୍ତି । ଭବିଷ୍ୟତରେ ଆହୁରି ଭଲ କରିବାକୁ ପରାମର୍ଶ ଦେଇଛନ୍ତି । 

ଦଳର ମୁଖ୍ୟ କୋଚ ରାହୁଲ ଦ୍ରାବିଡ, ଅଧିନାୟକ ରୋହିତ ଶର୍ମା, ବିରାଟ କୋହଲି, ରବୀନ୍ଦ୍ର ଜାଡେଜା, କେଏଲ ରାହୁଲ, ଶୁଭମନ ଗିଲ, ମହମ୍ମଦ ସାମି ସମସ୍ତଙ୍କ ସହ ହାତ ମିଳାଇବା ସହ ତାଙ୍କ ମନୋବଳ ବଢାଇଛନ୍ତି । ଏହା ସହିତ ଟିମ ଇଣ୍ଡିଆକୁ ଦିଲ୍ଲୀ ନିମନ୍ତ୍ରଣ କରିଛନ୍ତି । ଆଇସିସି କ୍ରିକେଟ ବିଶ୍ବକପ 2023ରେ ଭାରତ ଫାଇନାଲ ମ୍ୟାଚରେ ଅଷ୍ଟ୍ରେଲିଆଠୁ ପରାସ୍ତ ହୋଇଥିଲା । ଫଳରେ ତୃତୀୟ ଥର ଚମ୍ପିଆନ ହେବାକୁ ଦେଖିଥିବା ସ୍ବପ୍ନ ଅଧୁରା ରହିଥିଲା । ଏହାପରେ ଦଳ ଭାଙ୍ଗି ପଡିଥିଲା । କ୍ରିଜରେ କୋହଲି, ରୋହିତଙ୍କ ଆଖିରେ ଲୁହ ଆସିଥିଲା ।