ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ହେଉଛି ଦୁର୍ନୀତିର ଏନ୍ତୁଡି ଶାଳ: ବିଧାୟକ ପ୍ରଦୀପ ପାଣିଗ୍ରାହୀ

ଭୁବନେଶ୍ବର: ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ହେଉଛି ଦୁର୍ନୀତିର ଏନ୍ତୁଡି ଶାଳ । ଓଡ଼ିଶାକୁ ଲୁଟୁଛନ୍ତି ଗ୍ୟାଙ୍ଗ ଅଫ ଫାଇଭ । ବିଜେଡି ମୋତେ ଭଲ ପାଉଛି । ସେମାନେ ଚେଷ୍ଟା କରୁଛନ୍ତି ମୁଁ ହାଇଲାଇଟ ରୁହେ । ମୋ ବିରୋଧରେ ନିଯୁକ୍ତି ଦୁର୍ନୀତି କଥା ଉଠାଉଛନ୍ତି । ହେଲେ ବାସ୍ତବରେ ଓପିଏସସି ଏସଏସସି ଅଧ୍ୟକ୍ଷ ନିଯୁକ୍ତିରେ ସବୁଠୁ ବଡ଼ ସ୍କାମ ହେଉଛି । ସବୁଠାରୁ ବଡ଼ ସ୍କାମ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ହେଉଛି । ବିଜେଡିରେ ଥିବା ଲୋକ ବିଷ୍ଣୁ ଲୋକ ନା ଶିବ ଲୋକ ? ଦୁର୍ନୀତି କଲେ ପାପ ଲାଗେ ନାହିଁ ? ଆଇନ ଆଉ ତା ବାଟରେ ଯାଉନାହିଁ । ସ୍ବାର୍ଥରେ ଅନୁସାରେ ଆଇନକୁ ମୋଡି ଦିଆଯାଉଛି । ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ନେଇ ବିଜେଡି କରିଥିବା ପ୍ରେସମିଟର ଜବାବ ଦେଇ ଆଜି ଏଭଳି ଷଣ୍ଡୁଆସି ଆକ୍ରମଣ କରିଛନ୍ତି ବିଧାୟକ ପ୍ରଦୀପ ପାଣିଗ୍ରାହୀ ।

ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ କହିଛନ୍ତି,‘‘ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ହେଉଛି ଦୁର୍ନୀତିର ଏନ୍ତୁଡି ଶାଳ । ଓଡ଼ିଶାକୁ ଲୁଟୁଛନ୍ତି ଗ୍ୟାଙ୍ଗ ଅଫ ଫାଇଭ । ବିଜେଡି ମୋତେ ଭଲ ପାଉଛି । ସେମାନେ ଚେଷ୍ଟା କରୁଛନ୍ତି ମୁଁ ହାଇଲାଇଟ ରୁହେ । ମୋ ବିରୋଧରେ ନିଯୁକ୍ତି ଦୁର୍ନୀତି କଥା ଉଠାଉଛନ୍ତି । ହେଲେ ବାସ୍ତବରେ ଓପିଏସସି ଏସଏସସି ଅଧ୍ୟକ୍ଷ ନିଯୁକ୍ତିରେ ସବୁଠୁ ବଡ଼ ସ୍କାମ ହେଉଛି । ସବୁଠାରୁ ବଡ଼ ସ୍କାମ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ହେଉଛି । ବିଜେଡିରେ ଥିବା ଲୋକ ବିଷ୍ଣୁ ଲୋକ ନା ଶିବ ଲୋକ ? ଦୁର୍ନୀତି କଲେ ପାପ ଲାଗେ ନାହିଁ ? ଆଇନ ଆଉ ତା ବାଟରେ ଯାଉନାହିଁ ।’’

ପ୍ରଦୀପ ପାଣିଗ୍ରାହୀ ଆହୁରି କହିଛନ୍ତି ସେମାନଙ୍କ ଉପରେ ମୁଖ୍ୟମନ୍ତ୍ରୀ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରୁ ନାହାନ୍ତି । ନିଯୁକ୍ତି ସ୍କାମକୁ ନେଇ ବିଧାନସଭାର ସ୍ବତନ୍ତ୍ର କମିଟି ଗଠନ କରି ଅନୁଧ୍ୟାନ କରାଯାଉ ନାହିଁ କାହିଁକି ? ସତ କଣ ସାମ୍ନାକୁ ଆସିଯିବ । ମୋ ବିରୋଧରେ କହୁଛନ୍ତି ହେଲେ ବିଜେଡ଼ିର ଅନ୍ୟ ଯେଉଁ ନେତାଙ୍କ ନାଁରେ ଅଭିଯୋଗ ଆସୁଛି ତାଙ୍କର କିଛି ନାହିଁ । ବିଜେଡିରେ ଥିବା ନେତା କଣ ବିଷ୍ଣୁ ଲୋକ ନା ଶିବ ଲୋକ ? ଦୁର୍ନୀତି କରି ଦଳରେ ରହିଲେ ପାପ କ୍ଷୟ ହୁଏ କି ? ଏବେ ଆଇନ ତା ବାଟରେ ଯାଉନି ନିଜ ସ୍ବାର୍ଥ ପାଇଁ ତା ଦିଗକୁ ମୋଡ଼ି ତାଙ୍କ ବାଟରେ ନେଉଛନ୍ତି ମୁଖ୍ୟମନ୍ତ୍ରୀ । ଅଧିକ ବର୍ଷ ଶାସନ କଲେ ଲୋକ ମନେ ରଖନ୍ତି ନାହିଁ ଭଲ କାମ କଲେ ଲୋକ ମନେ ରଖନ୍ତି ।

ବିଜେଡିକୁ ମିଳୁଥିବା ରାଜନୈତିକ ଚାନ୍ଦାକୁ ନେଇ ବିଧାୟକ ପ୍ରଦୀପ ପାଣିଗ୍ରାହୀ ମଧ୍ୟ ପ୍ରଶ୍ନ ଉଠାଇ କହିଛନ୍ତି ବିଜେଡିକୁ ଏତେ ଟଙ୍କା ଆସୁଛି କେଉଁଠୁ । 2016 ରୁ 2022 ମଧ୍ୟରେ ବିଜେଡି ଖାତାକୁ ୬୨୨ କୋଟି ଆସିଛି । ଆଗରୁ ତ ଏତେ ଟଙ୍କା ଆସୁ ନଥିଲା ମୁଁ ଥିଲାବେଳେ । ଏବେ ଏତେ ଟଙ୍କା ଆସୁଛି କୁଆଡୁ । ମୁଖ୍ୟମନ୍ତ୍ରୀଙ୍କୁ ମୁଁ ଖୋଲା ଚ୍ୟାଲେଞ୍ଜ ଦେଉଛି ଆପଣଙ୍କ ଟିମ ସହ ଖୋଲାଖୋଲି ବିତର୍କ କରିବାକୁ ଚାହୁଁଛି । ମୋ ନାଁରେ କଣ ଅଭିଯୋଗ ଅଛି ସରକାରଙ୍କ ନାଁରେ କଣ ଅଭିଯୋଗ ଅଛି ଖୋଲାଖୋଲି ଆଲୋଚନା ହେଉ । 3,6,9 ଫର୍ମୁଲାରେ ଓଡ଼ିଶାରେ ଲୁଟ ପାଇଁ ବ୍ୟବସ୍ଥା ହୋଇଛି । ଛାତ୍ର ନିର୍ବାଚନ କଲେନି ଏବେ ନିର୍ବାଚନ ଆଗରୁ ଟଙ୍କା ଦେଇ କରିବେ କଣ । ଓଡିଶାକୁ ଲୁଟୁଛନ୍ତି ଗ୍ୟାଙ୍ଗ ଅଫ ଫାଇଭ । ସେମାନେ କିଏ ତାର ଅନୁସନ୍ଧାନ କରାଯାଉ । 90 ପ୍ରତିଶତ ଆଇଏଏସ ଆଇପିଏସ ଅଫିସର ଭୟରେ ଅଛନ୍ତି । ବର୍ତ୍ତମାନ ଚାଲିଥିବା ବ୍ୟବସ୍ଥାକୁ କେହି ବି ଗ୍ରହଣ କରିବାକୁ ଚାହୁଁ ନାହାନ୍ତି ।

ସେହିପରି ବିଜେପିରେ ମିଶିବା ପ୍ରସଙ୍ଗରେ ପ୍ରଦୀପ କହିଛନ୍ତି ସେ ସମ୍ପର୍କରେ କୌଣସି ନିଷ୍ପତ୍ତି ନେଇନାହିଁ । ମୋତେ ସବୁ ଦଳରୁ ଡାକରା ଆସୁଛି । ମୋତେ ଭେଟିବାକୁ ମଧ୍ୟ ଅନେକ ନେତା ଆସୁଛନ୍ତି । ହେଲେ ମୁଁ ଏବେ କିଛି ନିଷ୍ପତ୍ତି ନେଇନାହିଁ । ରାଜ୍ୟପାଳଙ୍କ ଶପଥ ଗ୍ରହଣ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପାଖରେ ବସିବା ଏକ ସଂଯୋଗ ଥିଲା । ଏହାକୁ ନେଇ ବିଜେଡି ଲୋକ ଧରିନେଇଛନ୍ତି ମୁଁ ବିଜେପିରେ ମିଶିବି ବୋଲି କହିଛନ୍ତି ପ୍ରଦୀପ ।

ଇଟିଭି ଭାରତ, ଭବନେଶ୍ବର