আমগুৰিৰ এটি দৰিদ্ৰ পৰিয়াললৈ সহায়ৰ হাত আগবঢ়ালে বিজেপিৰ অ'বিচি মৰ্চাই
আমগুৰিত বিশেষভাৱে সক্ষম মৃদুল গগৈ আৰু তেওঁৰ পৰিয়ালৰ কাষত ঠিয় দিলে বিজেপিৰ জিলা অ'বিচি মৰ্চাৰ সভাপতি হৰিপ্ৰসন্ন হাজৰিকা(BJP OBC Morcha helps a poor family) ৷ ডিব্ৰুৱাল গাঁৱৰ মৃদুল গগৈৰ পৰিয়ালক দুই বাণ্ডোল টিনপাট দিয়াৰ লগতে জৰাজীৰ্ণ গৃহটি পুনৰ মেৰামতি কৰাৰ আশ্বাস প্ৰদান কৰে মৰ্চাই ৷ দৰিদ্ৰ পৰিয়ালটো বিগত বহু বছৰ ধৰি জৰাজীৰ্ণ গৃহটোতে বসতি কৰি আহিছে ৷ লগতে ধুমুহাত চাৰিবাৰকৈ বিধ্বস্ত হৈছে বৰাহীবাৰী গাঁও পঞ্চায়তৰ অন্তৰ্গত পৰিয়ালটোৰ বাসগৃহ ৷ আজি পৰ্যন্ত কোনো চৰকাৰী আঁচনিৰ সুবিধা লাভ নকৰাৰ অভিযোগ উত্থাপন কৰে দৰিদ্ৰ পৰিয়াটোৱে । ইফালে, বিজেপিৰ জিলা অ'বিচি মৰ্চাৰ বিষয়ববীয়াসকলে দৰিদ্ৰ পৰিয়ালটোৰ কাষত ঠিয় দি সহায়ৰ আশ্বাস প্ৰদান কৰে ৷