Hospital problems in Jorhat: এগৰাকীও চিকিৎসক নাই জাঁজীমুখ ৰাজ্যিক চিকিৎসালয়ত
যিটো সময়ত বিয়াগোম স্বাস্থ্য বিভাগে বিভাগটোৰ অভূতপুৰ্ব পৰিৱৰ্তনৰ কথা কৈ আহিছে, সেই সময়তে এগৰাকী চিকিৎসক বিচাৰি ৰোগীয়ে হাহাকাৰ কৰিবলগীয়া হৈছে যোৰহাট জিলাৰ জাঁজীমুখত(Hospital problems in Jorhat) । জাঁজীমুখৰ প্ৰায় ১০ হাজাৰ জনতাৰ একমাত্ৰ চিকিৎসাৰ ভৰষা জাঁজীমুখ ৰাজ্যিক চিকিৎসালয়ৰ (Janjimukh State Hospital) একমাত্ৰ চিকিৎসকগৰাকীৰ বদলি হোৱাত আজিৰ তাৰিখত নাই এগৰাকীও চিকিৎসক(No doctor in Janjimukh state hospital) । ফাৰ্মাচিষ্টগৰাকীয়েই চিকিৎসালয়লৈ অহা ৰোগীক মানৱীয়তাৰ খাতিৰত দুই এটা প্ৰাথমিক ঔষধ প্ৰদান কৰিছে যদিও, প্ৰত্যেকগৰাকী ৰোগীয়েই বিনা চিকিৎসাৰে উভতিব লগা হৈছে । ইফালে যোৱা ৮ মাহে চিকিৎসালয়খনত নাই জি এন এম নাৰ্ছ । যাক লৈ চৰম সমস্যাত পৰিছে ৰোগীৰ লগতে চিকিৎসালয়খনৰ আন কৰ্মচাৰীসকলো । সেয়ে অনতি পলমে এজন চিকিৎসক প্ৰদান কৰাৰ দাবী উত্থাপন কৰিছে জাঁজীমুখৰ ৰাইজে ।