অলপতে সংঘটিত চাইদুল হত্যাকাণ্ডক লৈ হোজাইৰ আৰক্ষী অধীক্ষকৰ সংবাদমেল

মোৰাঝাৰৰ চাইদুল হত্যাকাণ্ডক লৈ বৃহস্পতিবাৰে সংবাদমেল সম্বোধন কৰে হোজাই জিলাৰ আৰক্ষী অধীক্ষক বৰুণ পুৰকায়স্থই (Hojai SP Press conference on saidul muder case)৷ ইতিমধ্যে চাইদুল হত্যাকাণ্ডৰ দুই অভিযুক্তক গ্ৰেপ্তাৰ কৰিছে হোজাই আৰক্ষীয়ে (saidul muder case)৷ হাইদৰাবাদৰ পৰা গ্ৰেপ্তাৰ কৰা হৈছে জেনিফা বেগম আৰু হিফজুৰ ৰহমান (Two accused arrested) নামৰ দুই ব্যক্তিক ৷ আটকাধীন দুই অভিযুক্তকে বৃহস্পতিবাৰে শংকৰদেৱ নগৰ আদালতত হাজিৰ কৰা হয় ৷ সংবাদমেলত আৰক্ষী অধীক্ষকগৰাকীয়ে জানিবলৈ দিয়া অনুসৰি, যোৱা ২৮ জুন তাৰিখে ঘৰৰ পৰা মাতি আনি অতি জঘন্য বাবে হত্যা কৰিছিল চাইদুল ইছলামক ৷ প্ৰেমজনিত কাৰণত এই হত্যাকাণ্ড সংঘটিত হোৱা বুলি আৰক্ষীৰ সূত্ৰে প্ৰকাশ ৷ প্ৰেমিকা জেনিফাৰ ঘৰৰ পিছফালে পুতি থোৱা অৱস্থাত মাটি খান্দি ওলোৱা হৈছিল চাইদুলৰ মৃতদেহ (lover killed Saidul)৷ ঘটনাৰ পাছতেই হিফজুৰ ৰহমান ভাৰত এৰি পলায়ন কৰিছিল ডুবাইলৈ আৰু জেনিফা পলায়ন কৰিছিল হাইদৰাবাদলৈ ৷ পৰবৰ্তী সময়ত ডুবাইৰ পৰা হাইদৰাবাদত জেনিফাৰ সৈতে আত্মগোপন কৰি আছিল হিফজুৰে ৷ ইফালে এই ঘটনাৰ লগত জড়িত বহু লোক অতি শীঘ্ৰেই আৰক্ষীৰ জালত পৰাৰ সম্ভাৱনা আছে বুলি আৰক্ষী অধীক্ষকগৰাকীয়ে জানিবলৈ দিয়ে ৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷