তিনি বজাৰ শীৰ্ষ 10 টা বাতৰি...

লামডিঙত অব্যাহত প্ৰশাসনৰ উচ্ছেদ অভিযান

আৰক্ষী, প্ৰশাসনৰ উপস্থিতিত সোমবাৰে পুৱাৰে পৰা লামডিঙৰ সংৰক্ষিত বনাঞ্চলত চলিছে উচ্ছেদ অভিযান ৷ সুৰক্ষাৰ প্ৰতি লক্ষ্য ৰাখি বনাঞ্চলত মোতায়েন কৰা হৈছে অৰ্ধ সামৰিক বাহিনীৰ ৪ টাকৈ কোম্পানী ৷

11 নৱেম্বৰত শপত গ্ৰহণ কৰিব ৰাজ্যৰ নৱ নিৰ্বাচিত পাঁচ বিধায়কে ৷ বিধায়কসকলক নিয়ম অনুসাৰে শপতবাক্য পাঠ কৰোৱাব বিধানসভাৰ অধ্যক্ষ বিশ্বজিৎ দৈমাৰীয়ে ৷

কংগ্ৰেছ হাইকমাণ্ডে উপ নিৰ্বাচনৰ পৰাজয়ৰ কাৰণ বিচাৰিলে APCC ৰ পৰা ৷ ইতিমধ্য়ে এইক্ষেত্ৰত উত্তৰ বিচাৰি কংগ্ৰেছৰ সভাপতি ভূপেন বৰা আৰু অসমৰ দায়িত্বত থকা দলৰ তত্বাৱধায়ক, সাধাৰণ সম্পাদক জীতেন্দ্ৰ সিঙক নিৰ্দেশ প্ৰদান কৰিছে ৷

ৰাষ্ট্ৰপতি ৰামনাথ কোবিন্দে সোমবাৰে নতুন দিল্লীত প্ৰদান কৰে এইবছৰৰ পদ্ম বঁটা ৷ ১১৯ গৰাকী বিশেষ ক্ষেত্ৰৰ বিশেষ ব্যক্তিক বঁটাৰ বাবে নিৰ্বাচিত কৰা হৈছিল ৷ এই বঁটাৰ তালিকাত ৭ টা পদ্ম বিভূষণ, ১০ টা পদ্মভূষণ আৰু ১০২ টা পদ্মশ্ৰী বঁটা আছে ৷ অসমৰ প্ৰাক্তন মুখ্যমন্ত্ৰী তৰুণ গগৈকো মৰণোত্তৰভাৱে প্ৰদান কৰা হৈছে পদ্মভূষণ বঁটা ৷

শিৱসাগৰ জিলাৰ অসম-নাগালেণ্ড সীমান্তত থকা বৰছিলা চাহ বাগিচাত নগা দুৰ্বৃত্তৰ তাণ্ডৱ ৷ কাটি তহিলং কৰিলে 30 বিঘা ভূমিত থকা চাহগছ ৷ আতংকিত হৈ পৰিছে ক্ষুদ্ৰ চাহ খেতিয়কসকল ৷

অৰুণাচল প্ৰদেশৰ সৌন্দৰ্যৰ ৰাণী তথা পৰ্যটনৰ অন্যতম আকৰ্ষণৰ থলী পাচিঘাটৰ চিয়াং নৈৰ কাষৰ ৰানাঘাটত এটা নতুন পৰ্যটন প্ৰকল্প উদ্বোধন কৰে পাচিঘাট পূৱ সমষ্টিৰ বিধায়ক কালিং ময়ঙে ৷ এই প্ৰকল্পটোত ফট’গ্ৰাফী পইণ্ট, স্বয়ংসেৱী কফি গৃহ, আধুনিক সুবিধাযুক্ত শৌচাগাৰ, পাৰ্ক, আৰ চি চি পথ, ট্ৰেকিং পথ আদি উন্নত মানেৰে নিৰ্মাণ কৰা হ'ব ৷

1971 চনৰ যুদ্ধত ভাৰতীয় সেনাই যি সাহসিকতা আৰু অসামান্য পাৰদৰ্শিতা প্ৰদৰ্শন কৰি বিজয় সাব্যস্ত কৰিছিল, সেই বিজয় ভৱিষ্যত প্ৰজন্মৰ বাবে চিৰকাললৈ অনুপ্ৰেৰণাৰ উৎস হৈ থাকিব । পাকিস্তানৰ বিৰুদ্ধে ভাৰতৰ বিজয় আৰু বাংলাদেশৰ মুক্তিৰ ৫০ বছৰৰ স্মৃতিত আৰম্ভ কৰা এই স্বৰ্নিম বিজয় শিখা সম্প্ৰতি দেশৰ ভিন্ন প্ৰান্তলৈ লৈ যোৱা হৈছে ।

ভৱানীপুৰ সমষ্টি(Bhawanipur Constituency)ৰ গলিয়াৰ টোলগেট(Tollgate) নিৰ্মাণৰ কাম সমাপ্ত ৷ এতিয়াৰে পৰা বিজনী, গলিয়া আৰু মদনপুৰত তিনিবাৰকৈ ভৰিব লাগিব টোল টেক্স(Toll Tax) ৷ অসন্তুষ্টি প্ৰকাশ সমষ্টিবাসীৰ ৷

নগাঁও জিলাৰ কচুৱাত ভেজাল ঔষধ(Adulterated Medicines) বিক্ৰী কৰিবলৈ গৈ ৰঙাঘৰৰ আলহী হ’ল দুজন লোক ৷ কচুৱাৰ এখন ফাৰ্মাচীত বিক্ৰী কৰিবলৈ নিছিল প্ৰায় 12 হাজাৰ টকাৰ সন্দেহজনক ঔষধ । ফাৰ্মাচিষ্টজনৰ সন্দেহ হোৱাত ঔষধবোৰ মিলাই চোৱাতহে ফাদিল হয় প্ৰকৃত ৰহস্য ৷

দুদিনীয়া কাৰ্যসূচীৰে ভৱানীপুৰত সম্পন্ন হ’ল অষ্টবিংশতিতম কেন্দ্ৰীয় যুৱ আৰু আই মাতৃ সমাৰোহ ৷ সমাৰোহখনিত ৰাইজৰ অভূতপূৰ্ব ভিৰ হোৱা দেখা যায় ৷ দেওবাৰে সমাৰোহৰ অন্তিম দিনৰ কাৰ্যসূচীত উপস্থিত থাকে অসম চৰকাৰৰ কেবিনেট মন্ত্ৰী ৰণজিৎ কুমাৰ দাস ৷ ভৱানীপুৰ উচ্চতৰ মাধ্যমিক বিদ্যালয়ৰ প্ৰাংগণত অনুষ্ঠিত মুকলি সভাত উপস্থিত থাকি মন্ত্ৰীগৰাকীয়ে গুৰুজনাৰ সৃষ্টিৰাজিক বিশ্বৰ দৰবাৰত প্ৰতিষ্ঠা কৰাৰ অৰ্থে যৎপৰোনাস্তি চেষ্টা চলাব বুলি প্ৰকাশ কৰে ৷