7 বজাৰ দহটা শীৰ্ষ খবৰ

টিংখাঙৰ শিল্পীৰ হাতত প্ৰাণ পাই উঠিছে বাঁহ-বেতৰ জাতীয় পতাকা

ডিব্ৰুগড় জিলাৰ এগৰাকী যুৱ প্ৰজন্মৰ শিল্পী । বাঁহ-বেতৰ শিল্পকৰ্মত জড়িত শিল্পীগৰাকীয়ে সাজি উলিয়াইছে বিশেষ ধৰণৰ জাতীয় পতাকা । আনকি তেওঁৰ হাতত প্ৰাণ পাই উঠা বিশেষ জাতীয় পতাকা বিক্ৰী হৈছে ৰাজ্যৰ বিভিন্ন বজাৰত ।

সঘনে সলনি হ’ব ধৰিছে অসমৰ ৰাজনীতিৰ প্ৰেক্ষাপট ৷ ক্ষমতাৰ লালসা নাইবা দলৰ প্ৰতি অনিহাৰ বাবেই এতিয়া দল সলাইছে ইজনৰ পাচত সিজন নেতাই ৷ এইবাৰ চৰ্চালৈ আহিছে কংগ্ৰেছী সাংসদ প্ৰদ্যুৎ বৰদলৈৰ নাম ৷ শীঘ্ৰে বিজেপিত যোগদান কৰাৰ সম্ভাৱনা কংগ্ৰেছী সাংসদগৰাকীয়ে ৷ কিন্তু এই কথা নস্যাৎ কৰিছে অসম প্ৰদেশ কংগ্ৰেছ কমিটিয়ে ৷

অসম পালেহি ব্ৰঞ্জ কন্যা লাভলীনা বৰগোহাঁই ৷ বিভিন্নজনে লাভলীনাক জনালে সম্বৰ্ধনা আৰু শুভকামনা ৷ অসম জীয়ৰী লাভলীনা বৰগোঁহাই মাতৃভূমিলৈ অহাৰ প্ৰাকক্ষণত বুধবাৰে সন্ধ্যা গহপুৰত মুক্তি লাভ কৰিলে ‘অসমী আইৰে কন্যা তুমি লাভলীনা' শীৰ্ষক গীতে ।

লাভলীনাক অসম আৰক্ষীৰ উপ আৰক্ষী অধীক্ষকৰ পদত যোগদান কৰিবলৈ অনুৰোধ মুখ্যমন্ত্ৰী হিমন্ত বিশ্ব শৰ্মাৰ ৷ শ্ৰীমন্ত শংকৰদেৱ কলাক্ষেত্ৰত অসম চৰকাৰৰ বিশেষ অভিনন্দন অনুষ্ঠানত এই কথা প্ৰকাশ কৰে মন্ত্ৰী গৰাকীয়ে ৷

প্ৰতিবছৰে 12 আগষ্ট দিনটো বিশ্ব হস্তী দিৱস হিচাপে পালন কৰি অহা হৈছে ৷ 12 আগষ্ট অৰ্থাৎ বৃহস্পতিবাৰে মানহ ৰাষ্ট্ৰীয় উদ্যানতো উদযাপন কৰা হয় বিশ্ব হস্তী দিৱস ৷ য’ত প্ৰথমবাৰৰ বাবে হাতীৰ বাবে ৰখা হয় এক প্ৰীতি ভোজৰ অনুষ্ঠান ৷

এজন গাঁওবুঢ়া নিযুক্তি দিয়াক লৈ তিনিচুকীয়াত প্ৰতিবাদ ৷ স্থানীয় প্ৰাৰ্থীক বঞ্চিত কৰি এজন অস্থায়ী লোকক গাঁওবুঢ়া নিযুক্তি দিয়াক লৈ তীব্ৰ অসন্তুষ্টি প্ৰকাশ কৰিছে স্থানীয় ৰাইজে ৷ শীঘ্ৰে অস্থায়ী গাঁওবুঢ়াজনক নিলম্বন কৰিবলৈ উপায়ুক্তৰ জৰিয়তে মুখ্যমন্ত্ৰীলৈ স্মাৰকপত্ৰ প্ৰেৰণ স্থানীয় ৰাইজৰ ৷

য'তে বাঘৰ ভয় তাতে ৰাতি হয় । এই আপ্ত বাক্যশাৰী খাপ খাই পৰিছে বিলাসীপাৰাৰ চোৰাং গৰু ব্যৱসায়ীৰ সৈতে । উদ্দেশ্য আছিল গৌৰাং নৈৰে বাংলাদেশলৈ অবৈধভাৱে গৰু সৰবৰাহ কৰা । কিন্তু আদবাটতে লাগিল অথন্তৰ ।

এখন বিশেষ গাঁও, য’ত প্ৰতিজন ব্যক্তিৰ মৃত্যু পাচত সেই ব্যক্তিজনৰ স্মৃতি জীয়াই ৰখাৰ অৰ্থে তেওঁৰ নামত গছপুলি ৰোপণ কৰে গাঁৱৰ ৰাইজে ৷ এই গছসমূহে প্ৰাকৃতিক সৌন্দৰ্য ৰক্ষা কৰি আহিছে গাঁওখনৰ ৷ কিন্তু ক’ত আছে আছে এই বিশেষ গাঁওখন ? এই সন্দৰ্ভত ইটিভি ভাৰতৰ এক বিশেষ প্ৰতিবেদন...

১৯৯৮ চনৰ ১১ আগষ্ট, এটা অভিশপ্ত দিন । একেটা পৰিয়ালৰে ৪ জনকৈ লোকক নিৰ্মমভাৱে হত্যা কৰিছিল গুপ্তঘাতকে । আলোচনাপন্থী আলফাৰ প্ৰচাৰ সচিব মিথিংগা দৈমাৰীৰ জ্যেষ্ঠ ভাতৃ ডাঃ ধৰণীধৰ দাসৰ লগতে পৰিয়ালটোৰ আন তিনিজন সদস্যই প্ৰাণ হেৰুৱাইছিল গুপ্তঘাতকৰ গুলীত । ডাঃ ধৰণীধৰ দাসৰ স্মৃতিত তেওঁৰ ২৩ সংখ্যক মৃত্যু বাৰ্ষিকীত নলবাৰী জিলা সাহিত্য সভাৰ উদ্যোগত আৰু বৰমা শাখা সাহিত্য সভাৰ সহযোগত বাক্সা প্ৰেছ ক্লাবত এক অনুষ্ঠানৰ আয়োজন কৰা হয় ।

গোলাঘাটত এখন অত্যাধুনিক বক্সিং ষ্টেডিয়াম নিৰ্মাণৰ বাবে ক্ৰীড়া মন্ত্ৰী গৰাকীক অনুৰোধ জনাই এখন চিঠি প্ৰেৰণ কৰিছে ৰাজ্যৰ সভাৰ সাংসদ অজিত কুমাৰ ভূঞাই ৷