7 বজাৰ 10 টা শীৰ্ষ বাতৰি

Bhupen Bora react on Gujarat election: আপৰ বাবেহে গুজৰাটত কংগ্ৰেছে কম আসন পালে: ভূপেন বৰা

গুজৰাটৰ পৰাজয়ক লৈ প্ৰতিক্ৰিয়া অসম প্ৰদেশ কংগ্ৰেছৰ সভাপতি ভূপেন বৰাৰ ৷ গুজৰাটত আপৰ চৰকাৰ হ'ব বুলি কংগ্ৰেছৰ ভোটাৰসকলেও আপকে ভোট দিলে বুলি মন্তব্য বৰাৰ । আনহাতে হিমন্ত বিশ্ব শৰ্মাক মুখ্যমন্ত্ৰী বনাবলৈ বদৰুদ্দিন আজমলে বিভিন্ন ষড়যন্ত্ৰত লিপ্ত হৈ আহিছে আৰু ভবিষ্যতেও হ'ব বুলি কটাক্ষ বৰাৰ(Bhupen Borah comment on Badruddin Ajmal) ।

প্ৰদেশ কংগ্ৰেছৰ উপ-সভাপতি দ্বিজেন শৰ্মা আৰু প্ৰদেশ কংগ্ৰেছৰ সংবাদ মাধ্যম বিভাগৰ অধ্যক্ষ মনজিৎ মহন্তৰ সংবাদমেল সম্বোধন । বিজেপি আৰু আপৰ গোপন বুজাবুজিৰ বাবে গুজৰাটত কংগ্ৰেছে বিপৰ্যয়ৰ সন্মূখীন হ'বলগীয়া হ'ল বুলি গুৰুতৰ অভিযোগ উত্থাপন । হিন্দুত্বৰ কথা কোৱা বিজেপি শোচনীয় পৰাজয়ৰ সন্মূখীন হ'ল হিমাচলত(Himachal pradesh election 2022)।

বদৰুদ্দিন আজমলৰ চুম্বনেই কাল হ’ল এগৰাকী কংগ্ৰেছ নেতাৰ(Expelled from party’s primary membership ) ৷ জনসমাৱেশত অংশগ্ৰহণৰ বাবে যোৱা আজমলে সোণতলীস্থিত শ্বাহজাহান আলীৰ ঘৰত উপস্থিত হৈ আলীৰ কপালত মৰমতে খাইছিল চুমা ৷ এই দৃশ্য ভাইৰেল হোৱাৰ পিছতেই জোকৰণিৰ সৃষ্টি হৈছিল সমগ্ৰ কংগ্ৰেছ মহলত ।

ৰাজ্যত ক্ৰমান্বয়ে বৃ্দ্ধি পাইছে ভূৱা বিত্তীয় কোম্পানীৰ সংখ্যা । ব্যতিক্ৰম নহয় মহানগৰীও । মহানগৰীৰ বিভিন্ন প্ৰান্ততো ৰঘূমলাৰ দৰে বৃদ্ধি পাইছে ভূৱা বিত্তীয় কোম্পানী । এনে কোম্পানীক নাকী লগাবলৈ অভিযান আৰম্ভ কৰিছে অৰ্থনৈতিক অপৰাধ তদন্ত সংস্থাই(Economic Offences Investigation Agency) ।

ব্ৰাজিল এই বিশ্বকাপৰ শ্ৰেষ্ঠ দল । ছাম্বাৰ দেশৰ দলটোৱে এটা বেলেগ ব্ৰেণ্ডৰ ফুটবল খেলে । ব্ৰাজিল হৈছে এটা বিপজ্জনক দল (FIFA World Cup 2022) । ব্ৰাজিলিয়ান দলটো কেৱল নেইমাৰ আৰু ভিনিচিয়াছ জুনিয়ৰৰ ওপৰত নিৰ্ভৰশীল নহয় । বহুকেইজন তাৰকা আছে, যিয়ে খেলৰ গতি যিকোনো মুহূৰ্তত সলনি কৰি দিব পাৰে ।

যোৱা ৩ ডিচেম্বৰৰ পৰা চিকিৎসালয়ত ভৰ্তি হৈ আছে বিশিষ্ট সাহিত্যিক ড৹ শিৱনাথ বৰ্মন । বিশেষজ্ঞ চিকিৎসকৰ দ্বাৰা তেওঁৰ চিকিৎসা চলাই থকা হৈছে (Helath condition of Shivnath Barman)। তেওঁৰ স্বাস্থ্যৰ অৱস্থা অতি সংকটজনক বুলি জানিব পৰা গৈছে ।

সৰগীয় প্ৰেমৰ অনুপম কাহিনী অলেখ । কেতিয়াবা মৃত্যুৱেও হাৰ মানে প্ৰেমৰ ওচৰত । কেতিয়াবা আকৌ মৃত্যুৰ পাছতো জীৱন্ত হৈ থাকে কিছু প্ৰেম কাহিনী । বৰ্তমান চৰ্চাত এনে এক প্ৰেমৰ বান্ধোন যাক চিঙিব নোৱাৰিলে মৃত্যুৱেও(One for the ages) ।

বংগোপ সাগৰৰ দক্ষিণ-পূব উপসাগৰত সৃষ্টি হোৱা ঘূৰ্ণীবতাহ মাণ্ডুছ দক্ষিণ উপকূলীয় অন্ধ্ৰ আৰু তামিলনাডুৰ উপকূলৰ কাষ চাপিছে (Cyclone Mandus news)। ভাৰতীয় বতৰ বিজ্ঞান বিভাগে প্ৰকাশ কৰিছে যে, ই ঘণ্টাত ৬ কিলোমিটাৰ বেগত পশ্চিম-উত্তৰ-পশ্চিম দিশলৈ গতি কৰিছে ।

একাংশ যাত্ৰীৰ প্ৰতিবাদত উত্তাল হ'ল বাৰাণসী বিমানবন্দৰ (Passengers protest at Varanasi airport)। মুম্বাই অভিমুখী স্পাইচ জেট বিমানৰ যাত্ৰা ১২ ঘণ্টা পলম হোৱাৰ বাবেই ক্ষোভিত যাত্ৰী । পুৱা ১০:৩০ বজাত যাবলগীয়া বিমান অৱশেষত উৰা মাৰিলে নিশা ১০.৩০ বজাত ।

কানাড়া চলচ্চিত্ৰ জগতে তেওঁৰ ওপৰত নিষেধাজ্ঞা আৰোপ কৰা বুলি প্ৰচাৰ হৈ থকা বাতৰি সন্দৰ্ভত প্ৰতিক্ৰিয়া প্ৰকাশ কৰে অভিনেত্ৰী ৰশ্মিকা মান্দানাই (Rashmika Mandanna news) ।