లాక్‌డౌన్‌లో తన బ్యాచిలర్‌ లైఫ్‌కు గుడ్‌బాయ్‌ చెప్పేసి.. మిహీకా బజాజ్‌ మెడలో మూడుముళ్లు వేశారు నటుడు రానా దగ్గుబాటి. ఈ జంట ఇప్పుడు దసరా పండగను ఘనంగా జరుపుకున్నారు. వివాహమైన తర్వాత ఈ జంటకు ఇదే మొదటి విజయదశమి కావడం విశేషం. ప్రత్యేక పూజల అనంతరం అత్త-మామలతో కలిసి రానా, ఆయన సతీమణి మిహీక ఫొటోలు దిగారు. వాటిని రానా అత్తయ్య బంటీ బజాజ్‌ ఇన్‌స్టాలో షేర్‌ చేశారు.
ఆ ఫొటోలు చూసిన నెటిజన్లు.. 'రానా.. పండుగ సెలబ్రేషన్స్‌ అత్తవారింట్లో బాగా జరుపుకున్నారా?', 'పండగ సంతోషం మీ అందరిలో కనిపిస్తుంది', 'చాలా అందంగా ఉన్నారు' అని కామెంట్లు చేస్తున్నారు.