'భీమ్లా నాయక్' రెడీ.. రిలీజ్ డేట్​పై నిర్మాత క్లారిటీ

Bheemla nayak release date: పవన్ 'భీమ్లా నాయక్' త్వరలో థియేటర్లలోకి వస్తుందని నిర్మాత చెప్పారు. రిలీజ్​ తేదీ కూడా కొన్నిరోజుల్లో వెల్లడిస్తామని అన్నారు. దీనితో పాటు 'సర్కారు వారి పాట', 'ఆడవాళ్లు మీకు జోహార్లు' చిత్రాల కొత్త అప్డేట్స్ కూడా ఉన్నాయి.

Pawan kalyan bheemla nayak movie: 'భీమ్లా నాయక్' కొత్త అప్డేట్ వచ్చేసింది. 'భీమ్.. భీమ్.. భీమ్లా నాయక్' సాంగ్​ను త్వరలో రిలీజ్ చేస్తామని చెప్పడం సహా సినిమా విడుదల తేదీని కొన్నిరోజుల్లో వెల్లడిస్తామని నిర్మాత నాగవంశీ ట్వీట్ చేశారు. పవన్​ లేటేస్ట్ లుక్​ను షేర్ చేశారు.

అయితే ఈ సినిమా సెన్సార్​.. సోమవారం(ఫిబ్రవరి 14) జరగనున్నట్లు తెలుస్తోంది. ఆ తర్వాత రిలీజ్ డేట్​పై క్లారిటీ వచ్చే అవకాశముంది. ముందే చెప్పినట్లు ఫిబ్రవరి 25న ఈ సినిమా థియేటర్లలోకి రావడం దాదాపు ఖాయమైనట్లు తెలుస్తోంది. అంతలో ఏపీలోని 'సినీ' సమస్యలు పరిష్కారమయ్యేలా కనిపిస్తున్నాయి.

'అయ్యప్పనుమ్ కోశియమ్' తెలుగు రీమేక్ భీమ్లా నాయక్. పవన్, రానా ప్రధాన పాత్రల్లో నటించారు. సంయుక్త మేనన్, నిత్యా మేనన్ హీరోయిన్లు. తమన్ సంగీతమందించారు. త్రివిక్రమ్.. స్క్రీన్​ప్లే-మాటలు రాయగా, సాగర్ కె చంద్ర దర్శకత్వం వహించారు. సితార ఎంటర్​టైన్​మెంట్స్ పతాకంపై నాగవంశీ నిర్మించారు.

.

.

ఇవీ చదవండి: