బిహార్.. సారన్లో అమానవీయ ఘటన జరిగింది. మూడేళ్ల బాలికను ఆమె తల్లి, నానమ్మ కలిసి స్మశానంలో పాతిపెట్టారు. బాలిక ఏడుపు విన్న స్థానికులు వచ్చి ఆమెను కాపాడారు. ఈ దారుణం కోపా పోలీస్ స్టేషన్ పరిధిలో జరిగింది.
పోలీసులకు బాధితురాలు తన పేరు లాలీ అని చెప్పింది. తన తండ్రి పేరు రాజు శర్మ, తల్లి పేరు రేఖా దేవీ అని వెల్లడించింది. ఊరు పేరు చెప్పలేకపోయింది. బాలిక కుటుంబ సభ్యుల కోసం గాలిస్తున్నామని కోపా పోలీసులు తెలిపారు. 'అమ్మ, నానమ్మ బయటకు వెళ్దాం అని తీసుకెళ్లారు. అనంతరం నన్ను స్మశానం వద్దకు తీసుకెళ్లి నోటిలో మట్టిని నింపి పాతిపెట్టారు' అని బాధితురాలు లాలీ తెలిపింది.