ଭୁବନେଶ୍ବର: ପ୍ରେମରେ ପ୍ରତାରଣା । ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ କଲା ଧୋକେବାଜ ପ୍ରେମିକ । ନ୍ୟାୟ ପାଇଁ ଥାନାର ଦ୍ବାରସ୍ଥ ହେଲେ ଯୁବତୀ । ରାଜଧାନୀରେ ସାମ୍ନାକୁ ଆସିଛି ପ୍ରେମ ପ୍ରତାରଣା ପରେ ଅନ୍ତରଙ୍ଗ ଭିଡିଓ ଭାଇରାଲ କାହାଣୀ । ପ୍ରେମିକାକୁ ଧୋକା ଦେବା ପରେ ଏବେ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ କରିଛି ପ୍ରେମିକ । ଭୁବନେଶ୍ବର ସ୍ଥିତ ଏକ ଜୁଏଲାରୀ ଦୋକାନର ସେଲ୍ସ ଲେଡିଙ୍କ ଭିଡିଓ ଭାଇରାଲ ନେଇ ଖାରବେଳ ଥାନାରେ ଅଭିଯୋଗ ହୋଇଛି । ଏହି ଘଟଣାରେ ପୋଲିସ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ଜଣକ ହେଉଛି ଲୋକନାଥ ମହାରଣା ।
ଜୁଏଲାରୀ ଦୋକାନରେ ଗଢି ଉଠିଥିଲା ପ୍ରେମ ସମ୍ପର୍କ:
ଖବର ମୁତାବକ, ଏକ ଜୁଏଲାରୀ ଦୋକାନରେ ଉକ୍ତ ଯୁବତୀ ଓ ଲୋକନାଥ ମହାରଣା ଏକାଠି କାମ କରୁଥିଲେ । ସେଠାରୁ ଉଭୟଙ୍କ ପ୍ରେମ ସମ୍ପର୍କ ନିବିଡତା ପରେ ଅନ୍ତରଙ୍ଗ ବଢିଥିଲା । ପରେ ଅନ୍ତରଙ୍ଗ ମୁହୂର୍ତ୍ତର ଭିଡିଓ ସୁଟ କରିଥିଲା ଧୋକେବାଜ ପ୍ରେମିକ । ଅଭିଯୁକ୍ତ ଜଣକ ଅନ୍ୟ କିଛି ଯୁବତୀଙ୍କ ସହ ସମ୍ପର୍କ ଥିବା ଯୁବତୀ ଜଣକ ଜାଣିବାକୁ ପାଇଥିଲେ । ଏହାପରେ ସେ ଲୋକନାଥ ଠାରୁ ଦୂରେଇ ଯାଇଥିଲେ । ହେଲେ ଲୋକନାଥ ଯୁବତୀଙ୍କୁ ତାଙ୍କ ପାଖକୁ ଆସିବାକୁ କହୁଥିଲେ। କିନ୍ତୁ ଯୁବତୀ ଜଣକ ତାଙ୍କ ଠାରୁ ଦୂରେଇ ରହୁଥିଲେ । ଏପରିକି ଦୁହେଁ ଏକାଠି କାମ କରୁଥିବା ଜୁଏଲାରୀ ଦୋକାନ ଛାଡ଼ି ଯୁବତୀ ଅନ୍ୟତ୍ର କାମ କରିଥିଲେ।