ପାଟନା:ଚୀନରେ ଆତଙ୍କ ଖେଳାଇଥିବା ନୂଆ ଭାରିଏଣ୍ଟ BF.7 (New Corona Variant BF7) ଏବେ ବିହାରରେ ଚିନ୍ତାର କାରଣ ପାଲଟିଛି । ଗୟା ଜିଲ୍ଲାରେ କୋରୋନାର ନୂଆ ମାମଲା ଆସିବା ପରେ ଭୟଭୀତ ସ୍ଥାନୀୟ ଲୋକେ । ଏଠାରେ ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କ କାର୍ଯ୍ୟକ୍ରମ ଜାରି ରହିଥିବା ବେଳେ ଏଠାକୁ ଅନେକ ବିଦେଶୀ ଆସୁଛନ୍ତି । ସେମାନଙ୍କ ମଧ୍ୟରୁ ପ୍ରାୟ ୧୧ ଜଣ ବିଦେଶୀ ପଜିଟିଭ ଚିହ୍ନଟ ହୋଇଛନ୍ତି (Corona virus infection in Bihar) । ସ୍ଥାନୀୟ ପ୍ରଶାସନ ଉକ୍ତ ବିଦେଶୀଙ୍କୁ କ୍ବାରେଣ୍ଟାଇନରେ ରଖିଥିବା ଜଣାପଡ଼ିଛି ।
ଏନେଇ ସିଭିଲ୍ ସର୍ଜନ କହିଛନ୍ତି, "ଲୋକଙ୍କୁ ଭୟଭୀତ ହେବାର ଆବଶ୍ୟକତା ନାହିଁ । ୧୧ ଜଣ ବିଦେଶୀ କୋରୋନା ପଜିଟିଭ ହୋଇଥିବା ବେଳେ ସେମାନଙ୍କ ସ୍ବାସ୍ଥ୍ୟବସ୍ଥା ବର୍ତ୍ତମାନ ସ୍ଥିର ରହିଛି । ଏହାପୂର୍ବରୁ ଏଠାରେ ଜଣ ବିଦେଶୀଙ୍କୁ କରୋନା ପଜିଟିଭ ଚିହ୍ନଟ ହୋଇଥିଲେ । ଯେଉଁଥିରେ ଥାଇଲ୍ୟାଣ୍ଡରୁ ଜଣେ ରହିଥିବା ବେଳେ ଇଂଲଣ୍ଡରୁ ୨ ଜଣ ଏବଂ ମିଆଁମାରରୁ ଜଣେ ରହିଥିଲେ । ବାସ୍ତବରେ ଗୟାଠାରେ ବୌଦ୍ଧ ଧାର୍ମିକ ଗୁରୁ ଦଲାଇ ଲାମାଙ୍କ କାର୍ଯ୍ୟକ୍ରମ ଜାରି ରହିଥିବା ବେଳେ ଏଥିରେ ଅନେକ ବିଦେଶୀ ସାମିଲ ହେଉଛନ୍ତି । ଫଳରେ କୋରୋନା ସଂକ୍ରମଣ ବୃଦ୍ଧି ହେବାର ଅଧିକ ସମ୍ଭାବନା ରହିଛି ।