ডিব্ৰুগড়, 5 নৱেম্বৰ : বনকৰা কিশোৰীক হত্যা কৰাক লৈ দুলীয়াজানত আদিবাসী মহিলাই সাব্যস্ত কৰিলে তীব্ৰ প্ৰতিবাদ । শুকুৰবাৰে সন্ধিয়া দুলীয়াজানৰ হুকুটা চাৰিআলিত আদিবাসী মহিলা সংগঠনে বিশাল প্ৰতিবাদী কাৰ্যসূচী ৰূপায়ণ কৰে ।
দুলীয়াজানৰ বামহুকুটা অঞ্চলৰ এগৰাকী কিশোৰীক টেঙাখাটৰ চেনীৰাম দাস নামৰ এজন শিক্ষকে হত্যা কৰাৰ অভিযোগ উত্থাপন কৰি প্ৰতিবাদ সাব্যস্ত কৰে আদিবাসী মহিলা সংগঠনে । শিক্ষক চেনীৰাম দাসক উচিত শাস্তিৰ দাবীত ওলাই আহে মহিলাসকল (Adivasi women protest at Duliajan)।
উল্লেখ্য যে, যোৱা ৩১ অক্টোবৰত ডিব্ৰুগড়ৰ টেঙাখাটত সংঘটিত হৈছিল এক ঘটনা । দহ বছৰ বয়সতে দুলীয়াজানৰ বামহুকুটা অঞ্চলৰ পৰা বনকৰা ছোৱালীৰূপে টেঙাখাটৰ নিবাসী শিক্ষক চেনীৰাম দাসৰ ঘৰলৈ বুলি লৈ গৈছিল । পৰৱৰ্তী সময়ত শিক্ষা বৃত্তিত কলংক সনা চেনীৰাম দাস নামৰ শিক্ষকগৰাকীয়ে দীৰ্ঘদিন ধৰি বনকৰা কিশোৰীগৰাকীক যৌন নিৰ্যাতন চলাই অহাৰ অভিযোগ উত্থাপিত হৈছিল (Teacher accused of sexually assaulting and killing)।