డ్రైవర్​ నిర్లక్ష్యం.. రివర్స్​ చేస్తుండగా బాలుడిపైకి వెళ్లిన కారు

తమిళనాడులోని నమక్కల్​ జిల్లాలో విషాద ఘటన జరిగింది. కారు రివర్స్​ చేస్తూ.. బాలుడిపైకి ఎక్కించాడో వ్యక్తి. రెండుసార్లు బాలుడిపై నుంచి వెళ్లటం వల్ల తీవ్ర గాయాలతో ఐసీయూలో చికిత్స పొందుతున్నాడు ఆ బాలుడు. రాసిపురమ్​ గ్రామానికి చెందిన కన్నన్​ కుమారుడు తరుణ్(2)​ ఇంటి ముందు ఆడుకుంటున్నాడు. పొరుగింటిలో ఉండే వ్యక్తి బయటకు వెళ్లేందుకు కారును తీశాడు. రివర్స్​ చేస్తుండగా బాలుడు అక్కడికి వచ్చాడు. చిన్నారిని చూసుకోకుండా కారును వెనక్కి తీసుకురావటం వల్ల బాలుడిపైకి వెనక చక్రం ఎక్కింది. అయినప్పటికీ గమనించకుండా మరోమారు ముందుకు పోనిచ్చాడు డ్రైవర్​. ఈ దృశ్యాలు స్థానిక సీసీటీవీ కెమెరాలో నమోదయ్యాయి.