Sunrise Hyderabad IPL 2024: 2024 ఐపీఎల్లో సన్రైజర్స్ హైదరాబాద్ అసాధారణ ప్రదర్శనతో దూసుకుపోతోంది. ఈ సీజన్లో ఇప్పటికే మూడుసార్లు 260+ స్కోర్లు నమోదు చేసిన సన్రైజర్స్ తాజాగా గుజరాత్ టైటాన్స్తో ఫైట్కు రెడీ అవుతోంది. ఉప్పల్ వేదికగా గురువారం గుజరాత్తో తలపడనుంది. ఇక ప్రస్తుత సీజన్లో 12మ్యాచ్ల్లో 7 విజయాలు నమోదు చేసిన సన్రైజర్స్ పాయింట్ల పట్టికలో నాలుగో స్థానంలో ఉంది. ఈ నేపథ్యంలో గుజరాత్తో మ్యాచ్ నెగ్గి ప్లేఆఫ్స్ బెర్తు దక్కించుకోవాలని హైదరాబాద్ ఉవ్విళ్లూరూతోంది.
ఈ మ్యాచ్లో ఓడినా సన్రైజర్స్కు మరో ఛాన్స్ ఉంటుంది. కానీ, మరో మ్యాచ్ మిగిలి ఉండగానే ప్లేఆఫ్స్లో అడుగుపెట్టాలని ఆశిస్తోంది. ఇక చివరి రెండు మ్యాచ్ల్లో నెగ్గితే టాప్- 2లో స్థానం దక్కుతుంది. ఇన్ని అవకాశాలు, గత మ్యాచ్ విజయంతో ఊపులో ఉన్న సన్రైజర్స్, గుజరాత్పై నెగ్గడం పెద్ద కష్టమేమీ కాదు. పైగా సొంతగడ్డపై ఆడనుండడం సన్రైజర్స్కు కలిసొచ్చే అంశం.
ఉప్పలో మరోసారి తుపాన్!: భీకర బ్యాటింగ్ లైనప్తో ఉన్న సన్రైజర్స్ మరోసారి భారీ స్కోర్ చేయాలని ఫ్యాన్స్ ఆశిస్తున్నారు. ఓపెనర్లు ట్రావిస్‌ హెడ్‌ (533 పరుగులు), అభిషేక్ శర్మ (401) ఈ సీజన్లో మెరుపు ఆరంభాలిచ్చారు. మరోసారి శుభారంభం ఇస్తే, భారీ స్కోర్ ఖాయం. వీరితోపాటు హెన్రీచ్ క్లాసెన్ (339), నితీశ్‌ కుమార్‌ రెడ్డి (239), షాబాజ్‌ అహ్మద్‌, అబ్దుల్ సమద్‌ ఫామ్లో ఉండడం పాజిటివ్ అంశం.
పేస్ త్రయం కీలకం: సన్రైజర్స్ బౌలింగ్ దళం ప్రారంభ మ్యాచ్ల్లో పరుగులు భారీగానే సమర్పించినా, ఆ తర్వాత పుంజుకుంది. ముఖ్యంగా పేస్ త్రయం నటరాజన్‌ (15 వికెట్లు), కెప్టెన్‌ ప్యాట్ కమిన్స్ (14), భువనేశ్వర్‌ (11) అద్భుతంగా రాణిస్తున్నారు. ఉప్పల్ మైదానంలో మరోసారి వీళ్లు చెలరేగితే గుజరాత్ బ్యాటర్లకు కష్టాలు తప్పవు.
విజయంతో ముగించేనా?: గతరెండు సీజన్లలో అద్భుతంగా ఆడిన గుజరాత్ టైటాన్స్ ప్రస్తుత ఎడిషన్లో ఘోరంగా విఫలమైంది. ఈ సీజన్లో 13 మ్యాచ్ల్లో కేవలం 5 విజయాలు నమోదు చేసి ఇప్పటికే ఇంటిబాట పట్టింది. ఇక ఆఖరి మ్యాచ్లోనైనా నెగ్గి సీజన్ను గౌరవప్రదంగా ముగించాలని ఆశిస్తోంది. పైగా ఈ మ్యాచ్లో జట్టుపై కూడా ఎలాంటి ఒత్తిడి ఉండదు. దీంతో గుజరాత్ను సన్రైజర్స్ తేలిగ్గా తీసుకోకుడదు.
రిలాక్స్ మోడ్లో కమిన్స్- గ్యాప్లో దుబాయ్ ట్రిప్- SRH ఫ్యాన్స్ టెన్షన్! - IPL 2024
'అభిషేక్ బ్యాటింగ్ స్ట్రైల్ ఫుల్ క్లాస్- అచ్చం యువీలానే' - Abhishek Sharma IPL
