Hi Nanna OTT Record: నేచురల్ స్టార్ నాని- మృణాల్ ఠాకూర్ ఫీల్గుడ్ లవ్స్టోరీ సినిమా 'హాయ్ నాన్న'. దర్శకుడు శౌర్యువ్ తెరకెక్కించిన ఈ మూవీ బాక్సాఫీస్ వద్ద మంచి విజయం సాధించింది. ఇక నూతన సంవత్సరం సందర్భంగా 2024 జనవరి 4నుంచి ప్రముఖ ఓటీటీ ప్లాట్ఫామ్ నెట్ఫ్లిక్స్లో స్ట్రీమింగ్ అవుతోంది. అయితే థియేటర్లలో రికార్డులు సృష్టించిన హాయ్ నాన్న, అటు ఓటీటీలోనూ టాప్ రేటింగ్స్ను సొంతం చేసుకుంది.
నెట్ఫ్లిక్స్లో హాయ్నాన్న చిత్రం ట్రెండింగ్లో ఉంది. ఇప్పటికే ఈ సినిమా స్ట్రీమింగ్లో టాప్- 10లో మూడు స్థానాలు సొంతం చేసుకుంది. తెలుగులో టాప్లో ఉండగా, హిందీలో 5వ స్థానం, తమిళంలో 10వ ప్లేస్లో నిలిచింది. దీంతో నాని ఫ్యాన్స్ ఫుల్ ఖుషీలో ఉన్నారు. కాగా, ఈ సినిమా డిసెంబర్ 7న తెలుగు, హిందీ, తమిళం, మలయాళం, కన్నడ భాషల్లో గ్రాండ్గా రిలీజైంది.
HI Nanna Cast: తండ్రీ కూతుళ్ల సెంటిమెంట్తో తెరకెక్కిన ఈ సినిమా అన్ని వర్గాల ప్రేక్షకులను మెప్పించింది. ఈ సినిమాతో నాని 2023లో రెండో హిట్ తన ఖాతాలో వేసుకున్నారు. ఇక నాని సరసన ఈ సినిమాలో సీతారామం బ్యూటీ మృణాల్ ఠాకూర్ నటించింది. సీనియర్ నటి శ్రుతిహాసన్ కీలక పాత్రలో కనిపించింది. ఇక జయరామ్, అంగాద్ బేడి, బేబీ కియారా ఖన్నా, విరాజ్ అశ్విన్, రితికా నాయక్, ప్రియదర్శి తదితరులు కీలక పాత్రల్లో నటించారు. వైరా ఎంటర్టైన్మెంట్ బ్యానర్పై సీవీ మోహన్, డా విజేందర్ రెడ్డి సంయుక్తంగా ఈ సినిమాను నిర్మించారు. ఇక అబ్దుల్ వహీద్ సంగీతం అందించారు.
HI Nanna Overseas Collection: 'హాయ్ నాన్న' సినిమా భారత్లోనే కాకుండా ఓవర్సీస్లోనూ కాసుల వర్షం కురిపించింది. అక్కడ ఈ సినిమా 1.3 మిలియన్ డాలర్లు మార్క్ అందుకుంది. ఈ నేపథ్యంలో హాయ్నాన్న అప్పటికే వారం రోజుల ముందు రిలీజైన రణ్బీర్ కపూర్ యానిమల్ మూవీని బీట్ చేసినట్లు తెలిసింది. ఇక వరల్డ్వైడ్గా ఈ సినిమా రూ.75 కోట్లు వసూల్ చేసింది.
- " class="align-text-top noRightClick twitterSection" data="">
థియేటర్లలో ఈ వారం పాత సినిమాలే- ఓటీటీలో మాత్రం న్యూ ఇయర్ సందడి!
'మిమ్మల్ని ఇలా కలవడం అదృష్టంగా భావిస్తున్నాను - త్వరలోనే పెళ్లి చేసుకుంటాను'
