భారత్లో కరోనా కేసులు (Coronacases in India) మళ్లీ భారీగా తగ్గాయి. కొత్తగా 30941 మంది వైరస్(Covid-19) బారినపడ్డారు. మరో 350 మంది మరణించారు. 36,275 మంది కరోనాను జయించారు. ఆగస్టు 25 నుంచి వరుసగా ఐదు రోజులు 40 వేలకుపైగా కేసులు నమోదవటం గమనార్హం. మళ్లీ ఇప్పుడు తగ్గుముఖం పట్టాయి.
దేశంలో ప్రస్తుతం రికవరీ రేటు 97.53గా ఉంది.
- మొత్తం కేసులు: 3,27,68,880
- మొత్తం మరణాలు: 4,38,560
- మొత్తం కోలుకున్నవారు: 3,19,59,680
- యాక్టివ్ కేసులు: 3,70,640
వ్యాక్సినేషన్
సోమవారం ఒక్కరోజే 59 లక్షలకుపైగా టీకా (Vaccination in India) డోసులు అందించినట్లు కేంద్ర ఆరోగ్య శాఖ పేర్కొంది. దీంతో ఇప్పటివరకు 64,05,28,644 టీకా డోసులను పంపిణీ చేసినట్లు తెలిపింది.
- " class="align-text-top noRightClick twitterSection" data="">
కొవిడ్ పరీక్షలు
దేశవ్యాప్తంగా సోమవారం 13,94,573 కొవిడ్ పరీక్షలు(Covid tests) చేసినట్లు ఐసీఎంఆర్ తెలిపింది.
ప్రపంచ దేశాల్లో..
ప్రపంచవ్యాప్తంగా మళ్లీ కరోనా ఉద్ధృతి పెరుగుతోంది. సోమవారం ఒక్కరోజే 5 లక్షల 16 వేల కేసులు, 7 వేలకుపైగా మరణాలు నమోదయ్యాయి.
- అమెరికాను మళ్లీ కరోనా కలవరపెడుతోంది. కొత్తగా దాదాపు లక్షా 20 వేల కేసులు బయటపడ్డాయి. మరో 569 మంది మరణించారు. దేశంలో మొత్తం కేసులు 4 కోట్లకు సమీపించాయి.
- ఇరాన్, బ్రెజిల్, రష్యా, యూకే, మెక్సికోలోనూ కేసులు ఆందోళనకర స్థాయిలోనే నమోదవుతున్నాయి.
- ఈ నేపథ్యంలో ఆయా దేశాలు మళ్లీ ఆంక్షలకు సిద్ధమవుతున్నాయి.
ఇవీ చదవండి: M.Venkaiah Naidu: 'వైరస్ల కట్టడికి పరిశోధనలు ముమ్మరం చేయాలి'
