Communal Harmony In Karnataka : కర్ణాటకలోని దావణగెరె జిల్లాలో మతసామరస్యం వెళ్లివిరిసింది. తన ముస్లిం స్నేహితుడు అనారోగ్యం నుంచి కోలుకోవాలని వివిధ పుణ్యక్షేత్రాలకు వెళ్లి పూజలు చేశాడో వ్యక్తి. తన ఫ్రెండ్ కోలుకున్న తర్వాత అతడిని తీసుకుని వెళ్లి ఆంధ్రప్రదేశ్లోని తిరుపతి తిమ్మప్ప, కర్ణాటకలోని ధర్మస్థల మంజునాథ స్వామిని దర్శించుకుని పూజలు చేయించాడు.
అసలే జరిగిందంటే..
దావణగెరెకు చెందిన అనిస్ పాషా లాయర్గా పనిచేస్తున్నాడు. ఓ కేసు విషయంలో అరుణ్ కుమార్ అనే వ్యక్తితో అనిస్కు పరిచయం ఏర్పడింది. ఆ తర్వాత అరుణ్ కుమార్ తరఫున ఓ కేసు వాదించి గెలిచాడు అనిస్ పాషా. అలా అనిస్, అరుణ్ కుమార్ ప్రాణ స్నేహితులుగా మారారు. ఇదిలా ఉండగా.. కొవిడ్ సమయంలో అనిస్కు గుండె జబ్బు వచ్చింది. ఈ విషయం తెలుసుకున్న అరుణ్కుమార్.. తన స్నేహితుడు కోలుకుంటే.. అతడితో కలిసి తిరుపతి తిమ్మప్ప దేవాలయాన్ని దర్శించుకుంటానని, ధర్మస్థల మంజునాథ స్వామి ఆలయంలో తులాభారం సమర్పిస్తానని మొక్కుకున్నాడు. అరుణ్ కోరుకున్నట్టే అతడి ఫ్రెండ్ పాషాకు గుండె జబ్బు నయం అయింది. దీంతో అరుణ్ కుమార్ తన స్నేహితుడిని మొదటగా తిరుపతి తిమ్మప్ప దేవాలయానికి తీసుకెళ్లి పూజలు జరిపించాడు. అనంతరం కర్ణాటక.. దక్షిణ కన్నడ జిల్లాలోని ధర్మస్థల మంజునాథ స్వామి ఆలయంలో బెల్లం, కొబ్బరికాయలు, బియ్యంతో తులాభారం సమర్పించాడు.
'మీ మతాన్ని ప్రేమించు, ఇతర మతాలను గౌరవించు అని ఇస్లాం చెబుతోంది. అలాగే అనాథ పిల్లల ముందు మీ పిల్లలను కౌగిలించుకోవద్దని ప్రవక్త చెప్పారు. దాని ప్రకారం.. మా మతాలు, సంప్రదాయాలు వేరైనా.. అరుణ్ కుమార్ మత విశ్వాసాలు దెబ్బతినకూడదు. అందుకే నేను అతడి మొక్కులను తీర్చాను. ఇంతకుముందు ఓ కేసుకు విషయంలో అరుణ్ నా క్లైంట్. తర్వాత అతడు మా కుటుంబానికి సన్నిహితుడు అయ్యాడు. నేను నా న్యాయవాద వృత్తిలో చాలా మంది క్లైంట్లను కలిశాను. కానీ అరుణ్ కుమార్ నాకు చాలా దగ్గరయ్యాడు. 2021లో నాకు గుండె జబ్బు వచ్చింది. ఆ సమయంలో నాకు నయం కావాలని అరుణ్ దేవుళ్లను ప్రార్థించాడు'
--అనిస్ పాషా, అరుణ్స స్నేహితుడు
ఆంజనేయస్వామికి ముస్లింల పూజలు.. హిందువులతో కలిసి రథాన్ని లాగి...
మహాశివరాత్రి వేళ వెల్లివిరిసిన మతసామరస్యం.. భక్తులకు పండ్లు పంచిన మజ్లిస్ ఎమ్మెల్యే
