బంగాల్లోని నదియాకు చెందిన ఓ యువతి గిన్నిస్ బుక్ ఆఫ్ వరల్డ్ రికార్డ్లో చోటే లక్ష్యంగా ప్రయత్నాలు చేస్తోంది. అందులో భాగంగా చిన్న చిన్న అగ్గిపుల్లలతో తాజ్మహల్ను రూపొందించి ఔరా అనిపిస్తోంది సహేలీ పాల్. ఇందుకోసం ఆమె సుమారు 3 లక్షల పుల్లలను వినియోగించిందట. కేవలం రెండు నెలల్లోపే ఈ నమూనాను పూర్తిచేసింది సహేలీ.
6 అడుగుల పొడవు, 4 అడుగుల వెడల్పు కలిగిన ఈ తాజ్మహల్ తయారీకి రెండు రకాల పుల్లలను ఉపయోగించింది సహేలీ. రాత్రి పూట కూడా మెరిసే విధంగా అందంగా తీర్చిదిద్దింది.
గతంలో 1లక్షా 36వేల అగ్గిపుల్లలతో యునెస్కో నమూనాను రూపొందించి.. ఇరాన్ వాసి మెయ్సమ్ రహ్మానీ నెలకొల్పిన రికార్డును బద్దలు కొట్టాలనే లక్ష్యంగా ఈ నమూనా తయారుచేసినట్టు చెప్పింది సహేలీ.
తాతయ్య, నాన్నలే ఆదర్శంగా..
2018లోనూ దుర్గామాత ముఖచిత్రాన్ని సూక్ష్మంగా రూపొందించి రికార్డు సృష్టించింది సహేలీ. మట్టితో తయారుచేసిన ఈ ప్రతిమ కేవలం 2.3 గ్రాములు ఉండటం విశేషం. గతంలో సహేలీ తండ్రి, తాతయ్యలూ ఇలాంటి నమూనాలు తయారు చేసి రాష్ట్రపతి చేతుల మీదుగా అవార్డు పొందారు. కోల్కతా విశ్వవిద్యాలయంలో ప్రస్తుతం ఎంఏ ఇంగ్లీష్ చదువుతున్న సహేలీ.. తాతయ్య, నాన్నలను ఆదర్శంగా తీసుకున్నట్టు చెప్పింది.
ఇదీ చదవండి: సామాజిక కార్యకర్త పుష్పా భావే మృతి!
