ఘోర ప్రమాదం జరిగింది. నిర్మాణంలో ఉన్న మెట్రో పిల్లర్ కూలిపోయింది. ఈ ఘటనలో ఒకే కుటుంబలోని ఇద్దరు మరణించగా.. మరో ఇద్దరు తీవ్రంగా గాయపడ్డారు. క్షతగాత్రులను ఆస్పతికి తరలించి చికిత్స అందిస్తున్నారు. ఈ ఘటన మంగళవారం ఉదయం 9.30 గంటలకు బెంగళూరులోని నగావర ప్రాంతంలో జరిగింది.
పోలీసులు తెలిపిన వివరాల ప్రకారం.. లోహిత్ కుమార్, తేజశ్విని హోరమావు ప్రాంతానికి చెందిన వారు. వారికి కవల పిల్లలు ఉన్నారు. లోహిత్.. రోజూ తన భార్య తేజశ్వినిని ఆఫీస్ వద్ద దిగబెట్టి.. పిల్లలను బేబీ సిట్టింగ్కు తీసుకెళ్లేవాడు. మంగళవారం కూడా అలానే బైక్పై వేళ్తుండగా.. నిర్మాణంలో ఉన్న మెట్రో పిల్లర్ వారిపై కూలింది. దీంతో నలుగురు తీవ్రంగా గాయపడ్డారు. ఆస్పత్రికి తీసుకెళ్తుండగా తేజశ్విని(28 ఏళ్లు), కుమారుడు విహాన్(2.5 ఏళ్లు) మృతిచెందారు. లోహిత్.. అతడి కుమార్తె తీవ్రంగా గాయపడ్డారు.
మెట్రో పిల్లర్ కూలడం వల్ల ఆ ప్రాంతలో దాదాపు 6 కిలోమీటర్ల వరకు ట్రాఫిక్ జామ్ అయింది. స్థానికులు, మెట్రో సిబ్బంది సహాయంతో కూలిపోయిన పిల్లర్ను, ఇనుప రాడ్లను క్లియర్ చేశారు. ప్రమాదం జరిగిన తర్వాత మెట్రో ఉన్నతాధికారులు ఘటనా స్థలాన్ని పరిశీలించారు. ఇక్కడ ఇంతకు ముందు కూడా ఇలాంటి ఘటనే జరిగిందని.. ఆ ప్రమాదంలో తల్లీకుమారులు మృతిచెందారని ఈస్టెర్న్ డివిజన్ డీసీపీ భీమశంకర్ గులేడా చెప్పారు.
ఇవీ చదవండి : పప్పు గిన్నెలో పాము.. మధ్యాహ్న భోజనం తిన్న విద్యార్థులకు అస్వస్థత
