Rohit Sharma Kuldeep: క్రికెట్లో హోరాహోరీగా సాగుతున్న మ్యాచ్లో అప్పుడప్పుడు కొన్ని కొన్ని ఫన్నీ ఇన్సిడెంట్లు జరుగుతుంటాయి. సీరియస్గా మ్యాచ్ జరుగుతున్నప్పుడు అలాంటి సంఘటనలు నవ్వులు పూయిస్తాయి. విశాఖపట్టణం వేదికగా జరుగుతున్న భారత్- ఇంగ్లాండ్ మ్యాచ్ మూడో రోజు ఆటలో అలాంటి సంఘటన ఒకటి చోటు చేసుకుంది. DRS విషయమై కెప్టెన్ రోహిత్ శర్మ, స్పిన్నర్ కుల్దీప్ యాదవ్ మధ్య జరిగిన సంభాషణ అందర్నీ నవ్వించింది.
ఇంగ్లాండ్ రెండో ఇన్నింగ్స్లో పేసర్ జస్ర్పీత్ బుమ్రా వేసిన బంతిని స్ట్రైక్లో ఉన్న జాక్ క్రాలీ డిఫెన్స్ ఆడబోయాడు. అయితే బంతి అనుకున్న దానికంటే ఎక్కువ స్వింగ్ అయ్యింది. దీంతో బంతి నేరుగా కీపర్ చేతుల్లోకి వెళ్లింది. ఒక్కసారిగా టీమ్ఇండియా ప్లేయర్లంతా క్యాచౌట్కు అప్పీల్ చేశారు. దీంతో అక్కడే ఉన్న కుల్దీప్ యాదవ్ రీవ్యూ తీసుకోవాల్సిందేనని రోహిత్ను కోరాడు. బంతి, బ్యాటును తాకిందంటూ కుల్దీప్ పట్టుపట్టాడు.
నిజంగా తాకిందా అన్నట్లు రోహిత్, కుల్దీప్ వైపు చూశాడు. కానీ, చాకచక్యంగా వ్యవహరించిన కెప్టెన్ రోహిత్ రివ్యూ కోరలేదు. రిప్లైలో కూడా బంతి, బ్యాటును తాకినట్లు లేదు. దీంతో రోహిత్ 'ఇట్స్ ఓకే' అన్నట్లుగా కుల్దీప్ను చూస్తు ఓ నవ్వు నవ్వాడు. అంతే ఈ సన్నివేశం పట్ల అందరూ నవ్వుకున్నారు. దీనిపై సోషల్ మీడియాలో రకరకాలుగా ఫన్నీ కామెంట్స్ చేస్తున్నారు. 'కుల్దీప్ మాట రోహిత్ వినకపోవడమే మంచిదైంది', 'గార్డెన్పై కాకుండా ఆట మీద దృష్టి పెట్టమని రోహిత్, కుల్దీప్కు చెబుతున్నాడేమో' అంటూ నెటిజన్లు సోషల్ మీడియాలో కామెంట్స్ పెడుతున్నారు.
Ind vs Eng 2nd Test 2024: ఇక మ్యాచ్ విషయానికొస్తే, మూడో రోజు ముగిసేసరికి ఇంగ్లాండ్ ఇంకా 332 పరుగుల వెనుకంజలో ఉంది. సెకండ్ ఇన్నింగ్స్లో ఇంగ్లాండ్ ప్రస్తుతం 67-1తో ఉంది. జాక్ క్రాలీ (28), రెహాన్ అహ్మద్ (9) క్రీజులో ఉన్నారు. అంతకుముందు బ్యాటింగ్ చేసిన టీమ్ఇండియా రెండో ఇన్నింగ్స్లో 255 పరుగులకు ఆలౌటైంది. ఇంగ్లాండ్ బౌలర్లలో టామ్ హార్ట్లీ 4, రెహాన్ అహ్మద్ 3, జేమ్స్ అండర్సన్ 2, షోయబ్ బాషిర్ 1 వికెట్ పడగొట్టారు.
భారత్xఇంగ్లాండ్ టెస్టు: డే 3 కంప్లీట్- ఇద్దరికీ నాలుగో రోజే కీలకం
'25 ఏళ్లు కూడా లేని కుర్రాళ్ల 'ఆట' అదుర్స్- క్రికెట్ ప్రపంచాన్ని శాసించేది వీరే!'
