ଅନ୍ଧବିଶ୍ୱାସ ! ମୃତଦେହ ସତ୍କାର ନକରି ଗୁଣିଆକୁ ଡାକିଲେ ପରିବାର ଲୋକେ

ସମ୍ବଲପୁର: ଆଜିର ଆଧୁନିକ ବିଜ୍ଞାନ ଯୁଗରେ ମଧ୍ୟ ଜୀବନ ନେଉଛି ଅନ୍ଧ ବିଶ୍ୱାସ । ମଣିଷ ଚନ୍ଦ୍ରପୃଷ୍ଠକୁ ପହଞ୍ଚି ସାରିଥିଲେ ମଧ୍ୟ ଲୋକେ ଅନ୍ଧ ବିଶ୍ବାସର ଅନ୍ଧଗଳିରେ ରହିଯାଇଛନ୍ତି । ଏମିତି ଘଟଣା ଘଟିଛି ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡ କିସିଣ୍ଡା ଥାନା ଅଞ୍ଚଳରେ । ଜଣେ ଯୁବକକୁ ଗତକାଲି (ଗୁରୁବାର) ଡାକ୍ତର ମୃତ ଘୋଷଣା କରିଥିଲେ । ହେଲେ ପରିବାର ଲୋକେ ଏହାକୁ ବିଶ୍ୱାସ ନକରି ମୃତ ଯୁବକ ଜଣକ ବଞ୍ଚିଥିବା କହି ଗୁଣିଆକୁ ଡ଼ାକିବ ଘଟଣା ଏବେ ସ୍ଥାନୀୟ ଅଞ୍ଚଳରେ ଚଞ୍ଚଲ୍ୟ ସୃଷ୍ଟି କରିଛି ।

ଅନ୍ଧବିଶ୍ୱାସର ବଶବର୍ତ୍ତୀ ହୋଇ ମେଡିକାଲ ସାଇନ୍ସ ଉପରେ ବିଶ୍ୱାସ ନକରି ଗୁଣିଆକୁ ଡ଼ାକିବା ଯୁବକକୁ ବଞ୍ଚାଇବାକୁ ଉଦ୍ୟମ କରିଛି ପରିବାର । ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡର ରେଢ଼ାଖୋଲ ୪-ନମ୍ବର ୱାର୍ଡର ନୂଆସାହି ବାହାଦୁର କହଁରଙ୍କ ପୁଅ ବିରେନ କହଁରଙ୍କ ସ୍ବାସ୍ଥ୍ଯ ଅବସ୍ଥା ଗୁରୁତର ରହିଥିଲା । ଅତ୍ୟଧିକ ଆସୁସ୍ଥତା କାରଣରୁ 7 ଦିନ ପୂର୍ବ ବୁର୍ଲା ମେଡିକାଲରେ ଚିକିତ୍ସିତ ହୋଇ ଆସିଥିଲେ । ତେବେ ଗତକାଲି ସେ ପୁଣି ଅସୁସ୍ଥତା ଅନୁଭବ କରିବାରୁ ତାଙ୍କୁ ରେଢ଼ାଖୋଲ ମେଡିକାଲ ନିଆଯାଇଥିଲା l ମେଡିକାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତଘଟିଥିଲା ।

ମୃତକଙ୍କ ସମ୍ପର୍କୀୟ କହିଛନ୍ତି, ‘‘ଆମ ପିଲାକୁ କେହି ଗୁଣିଗାରେଡି କରିଛି । ସେ ଜୀବିତ ଅଛି । ତାକୁ କେହି ଗୁଣି କରି ନିଜ ବସରେ କରିଦେଇଛି । ପୋଲିସକୁ ଆମେ ଏସମ୍ପର୍କରେ ସୂଚନା ଦେଇଥିଲୁ । ପୋଲିସ ଆମ କଥାରେ ବିଶ୍ବାସ କରୁ ନାହିଁ । ଆମେ ତାକୁ ବଡ ଗୁଣିଆକୁ ଦେଖାଇ ତାକୁ ସୁସ୍ଥ କରିଦେବୁ ।’’

ଘଟଣା ସମ୍ବନ୍ଧରେ ଜାଣିବା ପେର ପୋଲିସ ମୃତକଙ୍କ ଘରେ ପହଞ୍ଚି ପରିବାର ଲୋକଙ୍କୁ ବୁଝାସୁଝା କରିଥିଲା । ପୋଲିସ ଯୁବକଙ୍କୁ ପୁଣି ଡାକ୍ତରଖାନ ନେଇ ତାର ପରୀକ୍ଷା ନିରୀକ୍ଷା କରିଥିଲେ । ହେଲେ ସେଠାରେ ଡାକ୍ତର ଯୁବକଙ୍କୁ ପୁଣି ମୃତ ଘୋଷଣା କରିଥିଲେ । ଏହାପରେ ପୋଲିସ ମୃତଦେହକୁ ବ୍ୟବଚ୍ଛେଦ କରିବାକୁ କହିବା ପରେ ପରିବାର ଲୋକେ ରାଜି ହୋଇ ନଥିଲେ l ଏହା ପରେ ବହୁତ ଚେଷ୍ଟା ପରେ ପରିବାର ଲୋକେ ବ୍ୟବଚ୍ଛେଦ ପାଇଁ ରାଜି ହୋଇଥିବା ପୋଲିସ ଅଧିକାରୀ ସୂଚନା ଦେଇଛନ୍ତି ।

ଇଟିଭି ଭାରତ, ସମ୍ବଲପୁର