ଭୁବନେଶ୍ବର: ସରିଲା ଶାରଦୀୟ ଦୁର୍ଗାପୂଜା । ଆଜି(ବୁଧବାର) ମେଲାଣି ନେବେ ମହାମାୟା । ଭସାଣି ଶୋଭାଯାତ୍ରା ଓ ମାଆଙ୍କୁ ବିସର୍ଜନ ପାଇଁ ଟ୍ୱିନ୍ ସିଟି କଟକ ଓ ଭୁବନେଶ୍ବରରେ ଟ୍ରାଫିକ ବ୍ୟବସ୍ଥା କଡାକଡି କରାଯାଇଛି । ଏନେଇ କମିଶନରେଟ ପୋଲିସ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି । ତେବେ ଭସାଣି ପାଇଁ ଦିନ ୩ଟାରୁ ରାତି ୧ଯାଏଁ ଭୁବନେଶ୍ବରରେ ଯାନବାହାନ ଚଳାଚଳ ଉପରେ କଟକଣା ଜାରି କରାଯାଇଛି ।
ଏହାମଧ୍ୟ ପଢନ୍ତୁ..Durga Puja Special: ମା' ଦଶଭୂଜାଙ୍କୁ ଝିଅ ରୂପରେ ପୂଜା କରାଯାଏ, କଣ ଏହାର ପରମ୍ପରା
ତେବେ ଭୁବନେଶ୍ୱରର ସମସ୍ତ ମେଢ଼ର ବିସର୍ଜନ ଓ ଭସାଣି ଶୋଭାଯାତ୍ରା ପାଇଁ ତିନୋଟି ସ୍ଥାନ ନିରୁପଣ ହୋଇଛି । ଭସାଣି ସମୟରେ ଭିଡ଼କୁ ଦୃଷ୍ଟିରେ ରଖି କଟକଣା ଜାରି କରାଯାଇଛି । ଦିନ ୩ଟାରୁ ରାତି ୧ଯାଏଁ ଯାନବାହନ ଚଳାଚଳ ଉପରେ କଟକଣା ଲଗାଇଛି କମିଶନରେଟ ପୋଲିସ ।
ତେବେ ପୋଲିସର ସୂଚନା ମୁତାବକ ଭୁବନେଶ୍ୱର ଭସାଣି ଉତ୍ସବ ସମିତି ପକ୍ଷରୁ ଶହୀଦନଗରଠାରେ, ରାଜଧାନୀ ମନ୍ଦିର ସୁରକ୍ଷା ଓ ଭସାଣି କମିଟି ପାଇଁ ନୟାପଲ୍ଲୀ ସେହିପରି ଉତ୍ତର ଭୁବନେଶ୍ୱର ଭସାଣି କମିଟି ପାଇଁ ଚନ୍ଦ୍ରଶେଖରପୁରଠାରେ ସ୍ଥାନ ନିରୁପଣ କରାଯାଇଛି । ତିନୋଟି ଜୋନରେ ଭୁବନେଶ୍ୱର ଓ ଏହାର ଉପକଣ୍ଠର ପୂଜା କମିଟି କର୍ତ୍ତୃପକ୍ଷ ମାଆଙ୍କ ମେଢ଼ ସହ ଶୋଭାଯାତ୍ରାରେ ଆସି ଭସାଣି କରିବେ ।
ଏହାମଧ୍ୟ ପଢନ୍ତୁ..Pm modi in Dussehra: ‘ରାବଣ ଦହନ ପ୍ରତ୍ୟେକ ସାମଜିକ ମନ୍ଦ ଶକ୍ତିର ଦହନ’
ଶହୀଦନଗରଠାରେ ଏକାଠି ହେବାକୁ ଥିବା ମେଢ଼ମାନେ ବାଣୀବିହାରଠାରୁ ସିଧା ରାଜମହଲ ଛକ ପର୍ଯ୍ୟନ୍ତ ଯିବେ । ସେଠାରୁ ୟୁ ଟର୍ଣ୍ଣ କରି ପ୍ରସ୍ତୁତ ହୋଇଥିବା କୃତ୍ରିମ ଜଳାଶୟରେ ବିସର୍ଜନ କରିବେ । ତେବେ ବାଣୀବିହାରରୁ ରାଜମହଲ ପର୍ଯ୍ୟନ୍ତ ଭସାଣି ପାଇ ଟ୍ରାଫିକ ସମସ୍ୟାକୁ ଦୃଷ୍ଟିରେ ରଖି ରାଜମହଲରୁ ବାଣୀବିହାର ପର୍ଯନ୍ତ ଦିନ ୩ଟାରୁ ଗାଡ଼ି ଯିବା ଆସିବା ଉପରେ କଟକଣା ରହିବ । ଅର୍ଥାତ୍ ରାତି ୧ଟା ଯାଏଁ ସେହି ରୁଟରେ କୌଣସି ଗାଡି ଯାଇପାରିବ ନାହିଁ। ଏନେଇ କଳ୍ପନା ପଟୁ ବା ଶିଶୁଭବନ ପଟୁ ଯାଉଥିବା ସମସ୍ତ ଗାଡ଼ିକୁ ଏଜି ଟ୍ରାଫିକ ଦେଇ ସେକ୍ରେଟାରିଅଟ ଅର୍ଥାତ୍ ଆଚାର୍ଯ୍ୟବିହାର ରୋଡ୍ ଦେଇ ଡାଇଭର୍ଟ କରାଯିବ । ସେହିପରି ବାଣୀବିହାର ପଟୁ ଆସୁଥିବା ଗାଡ଼ି ଆଚାର୍ଯ୍ୟବିହାର ଦେଇ ଏଜି ପର୍ଯ୍ୟନ୍ତ ଡାଇଭର୍ସନରେ ଯିବ ।
ଏହାମଧ୍ୟ ପଢନ୍ତୁ..ବରମୁଣ୍ଡାରରେ ଥାଇଲାଣ୍ଡର ବୁଦ୍ଧ ମନ୍ଦିରରେ ପୂଜା ପାଉଛନ୍ତି ମା’, ସନ୍ଧ୍ୟାରେ ଜମିବ ରାବଣ ପୋଡି
ସେହିପରି ନୟାପଲ୍ଲୀରେ ଏକାଠି ହେଉଥିବା ମେଢ଼ ସବୁ ସିଆରପି ଦେଇ ଯିବା ବେଳେ ଷ୍ଟୁଆର୍ଟ ସ୍କୁଲ୍ ୟୁନିଟ ୮ ଓ ଓୟୁଏଟି ନିୟୁ ଏୟାରପୋର୍ଟ ରୋଡ଼ ପର୍ଯନ୍ତ କଟକଣା ରହିବ।ସେହିପରି ଚନ୍ଦ୍ରଶେଖରପୁର ଇଣ୍ଡିଆନ ଅଏଲ ଅଫିସ ପାଖରୁ ପଟିଆ ପର୍ଯନ୍ତ ମଧ୍ୟ ଭସାଣି ଶୋଭାଯାତ୍ରା ପାଇଁ ଯାନବାହାନ ଉପରେ କଟକଣା ରହିଛି । ତେବେ ଅନ୍ୟ ରୁଟରେ ଯାନବାହନ ଚଳାଚଳ କରିପାରିବ । ତେବେ ଟ୍ରାଫିକ କଟକଣା ନେଇ କମିଶନରେଟ ପୋଲିସ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇ ସାଧାରଣ ଲୋକଙ୍କୁ ଏନେଇ ଅବଗତ କରାଯିବା ସହ ସେହି ସବୁ ରୁଟ୍ରେ ଗାଡ଼ି ନେଇ ନଯିବାକୁ ନିବେଦନ କରାଯାଇଛି ।
ଇଟିଭି ଭାରତ, ଭୁବନେଶ୍ବର
