ମାଦ୍ରିଦ: ଚଳିତ ସିଜିନରେ ନିଜର ବିଜୟ ଧାରା ବଜାୟ ରଖିଛନ୍ତି ବିଶ୍ବ ମାନ୍ୟତାର ନମ୍ବର 1 ଖେଳାଳି ଆସଲେ ବାର୍ଟି । ମାଦ୍ରିଦ ଓପନରେ ପାଉଲା ବାଦୋସାଙ୍କୁ 6-4, 6-3ରେ ହରାଇ ଚଳିତ ସିଜିନର ଚତୁର୍ଥ WTA ଏକକ ଫାଇନାଲରେ ପ୍ରବେଶ କରିଛନ୍ତି ।
ଫାଇନାଲରେ ବାର୍ଟିଙ୍କ ଲଢେଇ ଋଷିଆର ଅନାସ୍ତାସିଆ ପାଭଲ୍ୟୁଚେଲଙ୍କୋଭା କିମ୍ବା ବେଲାରୁସର ଆରୟାନା ସାବାଲେଙ୍କାଙ୍କ ସହ ହେବ । ଶୁକ୍ରବାର ଏହି ଦୁଇ ଖେଳାଳିଙ୍କ ମଧ୍ୟରେ ଦ୍ବିତୀୟ ସେମିଫାଇନାଲ ମୁକାବିଲା ଖେଳାଯିବ ।
- — Ash Barty (@ashbarty) May 5, 2021 " class="align-text-top noRightClick twitterSection" data="
— Ash Barty (@ashbarty) May 5, 2021
">— Ash Barty (@ashbarty) May 5, 2021
ବିଶ୍ବର ନମ୍ବର 1 ମାନ୍ୟତା ସହ ମାଦ୍ରିଦ ଟାଇଟେଲ ବିଜେତା ହେବାରେ ବାର୍ଟି ତୃତୀୟ ମହିଳା ଖେଳାଳି ହେବାର ସୁଯୋଗ ରହିଛି । ଏହା ପୂର୍ବରୁ ଦିନାରା ସାଫିନା(2009), ସେରେନା ୱିଲିୟମସ(2013) ଏହି ସଫଳତା ହାସଲ କରିସାରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
