ନୂଆଦିଲ୍ଲୀ: ପୂର୍ବତନ ଓପନର ଗୌତମ ଗମ୍ଭୀରଙ୍କ ବଡ ବୟାନ । ଦକ୍ଷିଣ ଆଫ୍ରିକା ଗସ୍ତ(india tour of South africa)ରେ ଭାରତୀୟ ଚୂଡାନ୍ତ ଏକାଦଶରେ ଅଜିଙ୍କ୍ୟ ରାହାଣେ ସ୍ଥାନ ମିଳିନପାରେ ବୋଲି ଆଶଙ୍କା କରିଛନ୍ତି ଗମ୍ଭୀର । ଡିସେମ୍ବର ୨୬ରୁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜ ଆରମ୍ଭ ହେବ । ସିରିଜର ପ୍ରଥମ ଟେଷ୍ଟ ସେଞ୍ଚୁରିଆନରେ ଖେଳାଯିବା ନେଇ ସୂଚୀ ରହିଛି ।
ଫର୍ମ ପାଇଁ ସଂଘର୍ଷ କରୁଥିବା ରାହାଣେଙ୍କ ଖରାପ ପ୍ରଦର୍ଶନ ଜାରି ରହିଛି । ଏହି ପ୍ରଦର୍ଶନ ଯୋଗୁଁ ତାଙ୍କୁ ଟେଷ୍ଟ ଭାଉସକ୍ୟାପଟେନ ପଦ ମଧ୍ୟ ହରାଇବାକୁ ପଡିଛି । ଗତବର୍ଷ ଡିସେମ୍ବରରେ ଅଷ୍ଟ୍ରେଲିଆର ମେଲବୋର୍ଣ୍ଣ ଗ୍ରାଉଣ୍ଡରେ ଶତକୀୟ ଇଂନିସ ପରେ ମାତ୍ର ଦୁଇଟି ଅର୍ଦ୍ଧଶତକୀୟ ଇଂନିସ ଖେଳିଛନ୍ତି ରାହାଣେ । ବର୍ଷ ୨୦୨୧ରେ ସେ ଖେଳିଥିବା ୧୨ଟି ଟେଷ୍ଟରେ ଚିନ୍ତାଜନକ ୧୯.୫୭ ଆଭରେଜ ରହିଛି ।
ଏହା ବି ପଢନ୍ତୁ: ODI ଅଧିନାୟକ ହେବାପରେ ରୋହିତଙ୍କ ବଡ ବୟାନ, କହିଲେ ବାହାର ଚର୍ଚ୍ଚା ଭିତ୍ତିହୀନ
ନିକଟରେ ଶ୍ରେୟସ ଆୟରଙ୍କ ଦମଦାର ପ୍ରଦର୍ଶନ ଓ ଦକ୍ଷିଣ ଆଫ୍ରିକା ପରିବେଶରେ ହନୁମା ବିହାରୀ ଉପଯୋଗୀ ସାବ୍ୟସ୍ତ ହେବାର ସମ୍ଭାବନା ଥିବାରୁ ରାହାଣେଙ୍କୁ ଚୂଡାନ୍ତ ଏକାଦଶରେ ସ୍ଥାନ ନ ମିଳିପାରେ ବୋଲି କହିଛନ୍ତି ଗମ୍ବୀର । ତେବେ ଟେଷ୍ଟ ସ୍କ୍ବାଡ୍ରେ ରାହେଣେଙ୍କ ଚୟନକୁ ପୂର୍ବତନ ଭାରତୀୟ ବ୍ୟାଟିଂ କୋଚ୍ ସଞ୍ଜୟ ବାଙ୍ଗର ସମର୍ଥନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
