ଭୁବନେଶ୍ବର: ଯାଜପୁର ଭିଏଲଡବ୍ଲୁ ସ୍ମିତାରାଣୀ ବିଶ୍ବାଳଙ୍କ ମୃତ୍ୟୁ ଘଟଣାରେ ନୂଆମୋଡ । ପରିବାରଙ୍କୁ ଅପରାଧିଙ୍କ ଧମକ ଓ ପ୍ରଶାସନର ଚାପ ପଡୁଥିବାର ଅଭିଯୋଗ । ଫଳରେ ସ୍ମିତାରାଣୀଙ୍କ ପରିବାର ଓଡିଶା ଛାଡିବାକୁ ବାଧ୍ୟ ହେଉଛନ୍ତି ବୋଲି ଅଭିଯୋଗ ହେଉଛି । ଯାହାକୁ ନେଇ ଓଡିଶା ପ୍ରଦେଶ କଂଗ୍ରେସ କମିିଟି ରାଜ୍ୟ ମାନବଧିକାରଙ୍କ ଦ୍ବାରସ୍ଥ ହୋଇଛନ୍ତି।
ଗୋଟିଏପଟେ ଯାଜପୁର ଧର୍ମଶାଳା ବ୍ଲକ ଭିଏଲଡବ୍ଲୁ ସ୍ମିତାରାଣୀ ବିଶ୍ବାଳଙ୍କ ରହସ୍ୟମୟ ମୃତ୍ୟୁକୁ ନେଇ ରାଜନୀତି ତେଜିବାରେ ଲାଗିଛି। ଓଡିଶା ରାଜ୍ୟ ସରକାରଙ୍କ ଓ ଯାଜପୁର ଜିଲ୍ଲା ପ୍ରଶାସନର ଏହି ଘଟଣା ପ୍ରତି କୌଣସି ଆନ୍ତରିକତା ନାହିଁ। ପ୍ରଶାସନ ଏହି ଘଟଣାକୁ ବାଟବଣା କରୁଛି। ଏପରିକି ଦିନକୁ ଦିନ ମୃତକଙ୍କ ସ୍ବାମୀ ଓ ତାଙ୍କ ପରିବାର ଉପରେ ଅହେତୁକ ଚାପ ପଡୁଥିବା ଅଭିଯାଗ ମଧ୍ୟ ହେଉଛି । କେବଳ ଚାପ ନୁହେଁ ମୃତକଙ୍କ ପରିବାର ଲୋକଙ୍କ ଜୀବନ ପ୍ରତି ବିପଦ ରହିଥିବାରୁ ସେମାନେ ଅନ୍ୟତ୍ର ଯାଇ ରହିବାକୁ ଚାହୁଁଛନ୍ତି । ଏହାଦ୍ବାରା ପୀଡିତା ପରିବାର ନିରାପଦରେ ରହିବା ଅଧିକାର ଖୁର୍ଣ୍ଣ ହେଉଥିବା ବେଳେ ସିଧାସଳଖ ଭାବରେ ମନାବାଧିକାର ଉଲଘଂନ ହେଉଛି।
ତେବେ ଏଭଳି ଏକ ସ୍ଥିତିରେ ମୃତକଙ୍କ ପରିବାରଙ୍କୁ ନ୍ୟାୟ ଦେବା ପରିବର୍ତ୍ତେ ସେମାନଙ୍କୁ ରାଜ୍ୟ ଛାଡିବାକୁ ପଡୁଛି। ତେଣୁ ଏହି ଘଟଣାରେ ରାଜ୍ୟ ମାନବଧିକାର ତୁରନ୍ତ ପଦକ୍ଷେପ ନିଅନ୍ତୁ ଓ ପରିବାର ପ୍ରତି ଉଚ୍ଚସ୍ତରୀୟ ସୁରକ୍ଷା ଯୋଗାଇ ଦିଅନ୍ତୁ ବୋଲି ଅନୁରୋଧ କରିଛି କଂଗ୍ରେସ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ