ରାଉରକେଲା: ରାଜ୍ୟରେ ବଢିଚାଲିଛି ହାତୀ ଉପଦ୍ରବ । ହାତୀ ଉପଦ୍ରବ କାରଣରୁ କେଉଁଠି ଲୋକ ଜୀବନ ହରାଉଛନ୍ତି, କେଉଁଠି ଘର ତ ଆଉ କେଉଁଠି ଫସଲ । ତେବେ ଗତକାଲି ପୁଣି ଆଉ ଏକ ହାତୀ ଉତ୍ପାତ ଘଟଣା ସାମ୍ନାକୁ ଆସିଛି । ହାତୀ ଉତ୍ପାତରେ ହଇରାଣ ହେଉଛନ୍ତି ସୁନ୍ଦରଗଡ଼ବାସୀ । ଜଙ୍ଗଲ ଛାଡ଼ି ସହରମୁଖା ହୋଇଥିବା ହାତୀ କାରଣରୁ ଗାଡି ଏବଂ ସ୍କୁଲ ବସ ଅଟକି ରହିଥିଲା । ଫଳରେ ଯାତ୍ରୀ ଭୟବୀତ ମଧ୍ୟ ହୋଇଯାଇଥିଲେ ।
ସୁନ୍ଦରଗଡ ଜିଲ୍ଲା ସଦର ଫରେଷ୍ଟ ରେଞ୍ଜ ଅନ୍ତର୍ଗତ ରାଉଳ ଡେଗା ବିଟ ଅଞ୍ଚଳରେ ଲମଟି ପାହାଡ ଉପରେ ଦେଖିବାକୁ ମିଳିଛି ହାତୀର ଉତ୍ପାତ । ସୂଚନା ଅନୁଯାୟୀ, ହାତୀଟି ହଠାତ ରାସ୍ତା ମଝିକୁ ଆସିଯାଇଥିଲା । ଫଳରେ ରାସ୍ତାରେ ଅନେକ ଗାଡ଼ି ଅଟକି ରହିଥିଲା । ହାତୀଟିକୁ ରାସ୍ତା ମଝିରେ ଦେଖି ଭୟବିତ ହୋଇଯାଇଥିଲେ ଲୋକ । ତେବେ ସେହି ଗାଡ଼ି ମଧ୍ୟରେ ସ୍କୁଲ ବସ ମଧ୍ୟ ଫସି ରହିଥିବା ଜଣା ପଡ଼ିଥିଲା । କିଛି ସମୟ ପରେ ଅବଶ୍ୟ ହାତୀଟି ସେଠାରୁ ଚାଲି ଯାଇଥିଲା । ତେବେ ଗତ କିଛିଦିନ ହେବ ଏହି ଅଞ୍ଚଳରେ ହାତୀ ରହିଥିବାରୁ ଲୋକେ ଭୟଭୀତ ଅବସ୍ଥାରେ ଅଛନ୍ତି ।
ଏହା ମଧ୍ୟ ପଢ଼ନ୍ତୁ..... ଆଉ ଗୋଟେ ମୁଣ୍ଡ ନେଲା ଦନ୍ତା, ଯୁବକଙ୍କୁ ରାସ୍ତାରେ କଚାଡ଼ି ମାରିଲା ହାତୀ
ଗତ କିଛି ଦିନ ତଳେ ହାତୀ ଉପଦ୍ରବ କାରଣରୁ ବନ ବିଭାଗ ଏବଂ ପ୍ରଶାସନ ବିରୋଧରେ ଟାୟାର ଜାଳି ରାସ୍ତା ଅବରୋଧ କଲେ ଗ୍ରାମବାସୀ । ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜର ପାଞ୍ଚଟି ଗ୍ରାମ ଯଥା ଗୋଗୁଆ, ଜକେଇକଳା, ତଳିତା, ବଡପୋଷ ଏବଂ ବାଘାପାଲିରେ ବଡ଼ିବାରେ ଲାଗିଥିଲା । ସେନେଇ ବାରମ୍ବାର ବନ ବିଭାଗକୁ ଜଣାଇଥିଲେ ମଧ୍ୟ କିଛି ଫଳପ୍ରଦ ହୋଇପାରି ନାଥିଲା । ତେଣୁ ବନ ବିଭାଗ ଏବଂ ପ୍ରଶାସନ ବିରୋଧରେ ରାସ୍ତା ଅବରୋଧ କରିଥିଲେ ଗାଁ ଲୋକେ । ହାତୀ ଖାଦ୍ୟ ଅନ୍ୱେଷଣରେ ଆସି ସମସ୍ତ ଗ୍ରାମରେ ବହୁ ସମୟରେ ଆତଙ୍କ ଖେଳାଥିଲା । ଫସଲ ହାନି ସହ ଘର ଭାଙ୍ଗିବା, ପନିପରିବା ନଷ୍ଟ କରିବା ଏବଂ ସ୍ଥାନୀୟ ଲୋକଙ୍କୁ ଆକ୍ରମଣ କରିବା ଆଦି ଅଭିଯୋଗ ଆଣିଥିଲେ ଅଞ୍ଚଳବାସୀ ।
ଇଟିଭି ଭାରତ, ରାଉରକେଲା
