ଭୁବନେଶ୍ବର: BCCI ପକ୍ଷରୁ ଭୁବନେଶ୍ବରରେ ଆୟୋଜିତ ହୋଇଛି ଟାଟା IPL ଫ୍ୟାନ ପାର୍କ 2024 । କିଟର କ୍ରିକେଟ ଷ୍ଟାଡିଅମରେ ଏହି ଫ୍ୟାନ ପାର୍କ ଆୟୋଜିତ କରାଯାଇଛି । ଆଜିଠାରୁ ଆରମ୍ଭ ହୋଇ ଆସନ୍ତାକାଲି ପର୍ଯ୍ୟନ୍ତ ଏହି ଫ୍ୟାନ ପାର୍କ ଦୁଇ ଦିନ ଚଳିବ। ଆଇପିଏଲର ଲୋକପ୍ରିୟତାକୁ ଦୃଷ୍ଟିରେ ରଖି ଏଭଳି ପରିକଳ୍ପନାକୁ କାଯ୍ୟକାରୀ କରିବାକୁ BCCI 50ଟି ସହରରେ ଏଭଳି ଫ୍ୟାନ ପାର୍କ ଆୟୋଜିତ କରାଯାଇଛି । ଏହି ପାର୍କର ମୂଳ ଲକ୍ଷ୍ୟ ହେଉଛି ବିନା ଦେୟରେ ବଡ ପରଦାରେ କ୍ରିକେଟ କ୍ରୀଡା ପ୍ରେମୀଙ୍କୁ IPL ମ୍ୟାଚର ମଜା ପ୍ରଦାନ କରିବା । ଷ୍ଟାଡିୟମକୁ ନଯାଇ ମଧ୍ୟ କ୍ରୀଡା ପ୍ରେମୀ ଷ୍ଟାଡିୟମର ମଜା ପାଇ ପାରୁଛନ୍ତି ।
ଏନେଇ IPL ଖେଳ ଦେଖିବାକୁ ଆସିଥିବା କ୍ରିକେଟ ପ୍ରେମୀ ମାନେ କହିଛନ୍ତି ଯେ, ଭୁବନେଶ୍ବରରେ ଏଭଳି ଏକ ମ୍ୟାଚ୍ ବଡ ସ୍କ୍ରିନ ରେ ଆୟୋଜିତ କରାଯାଇଛି । ଯାହାକୁ ଦେଖିବାକୁ ବହୁତ ଭଲ ଲାଗୁଛି । ଷ୍ଟାଡିୟମରେ ଦେଖିଲା ଭଳି ଅନୁଭବ ହେଉଛି । ଛୋଟ ଠାରୁ ବଡ ପିଲା ପର୍ଯ୍ୟନ୍ତ ମ୍ୟାଚକୁ ଉପଭୋଗ କରୁଛନ୍ତି । ଏଠାରେ ସବୁକିଛି ମିଳୁଛି । ରଙ୍ଗ ବେରଙ୍ଗର ପେପର କାର୍ଡରେ ନିଜର ପ୍ରିୟ ଖେଳାଳିଙ୍କ ନାମ ଲେଖା ହୋଇଛି । ବିଭିନ୍ନ ପ୍ରକାରର ଆକ୍ଟଭିଟ କରାଯାଇଛି । ଏହା ସହ କିଛି ଦିନ ତଳେ ରାଉରକେଲାରେ ମଧ୍ୟ ଏଭଳି ଆଇପିଏଲ ଫ୍ୟାନ ପାର୍କ ଆୟୋଜନ କରାଯାଇଥିଲା । ତେବେ ଭୁବନେଶ୍ବରରେ ପ୍ରଥମ ଥର ପାଇଁ ଏଭଳି କରାଯାଇଛି । କ୍ରିକେଟ ପ୍ରେମୀ ବହୁତ ମଜା ନେଉଛନ୍ତି ବହୁତ ଖୁସି ।
ଏହା ମଧ୍ୟ ପଢନ୍ତ....ରାହୁଲ-ଡି କକ୍ଙ୍କ ଧୂଆଁଧାର ବ୍ୟାଟିଂ, 8 ଓ୍ବିକେଟରେ ହାରିଲା ଚେନ୍ନାଇ - IPL 2024
ସୂଚନା ଅନୁଯାୟୀ, ଆଜି ସନ୍ଧ୍ୟା ୭ ଟା ୩୦ ମିନିଟରେ ଆରମ୍ଭ ହୋଇଥିଲା ଆଇପିଏଲ ମ୍ୟାଚ୍ । ମ୍ୟାଚ୍ ରହିଥିଲା ଦିଲ୍ଲୀ କ୍ୟାପିଟାଲସ୍ ସହିତ ସନରାଇଜସ ହାଇଦ୍ରାବାଦର । ପ୍ରଥମ ବ୍ୟାଟିଂ କରିଥିଲା ସନରାଇଜସ ହାଇଦ୍ରାବାଦ । ୫ ଓଭରରେ ଦମଦାର ବ୍ୟାଟିଂ କରିଥିଲା ସନରାଇଜସ ହାଇଦ୍ରାବାଦ ।
ଏହାସହ IPL ଫ୍ୟାନ ପାର୍କରେ ଯେଉଁ ଫ୍ୟାନ୍ସ ମାନେ ମ୍ୟାଚ ଦେଖିବାକୁ ଆସିବେ ସେମାନେ ମ୍ୟାଚ ସହ ବିଭିନ୍ନ ପ୍ରକାରର ମନୋରଞ୍ଜନ ଖେଳକୁଦର ମଧ୍ୟ ମଜା ନେବାର ବ୍ୟବସ୍ଥା କରାଯାଇଛି । ଏହା ସହ ବିଭିନ୍ନ ପ୍ରକାର ଖାଦ୍ୟ ପାନୀୟର ମଧ୍ୟ ମଜା ନେଇ ପାରିବେ ଦର୍ଶକ । ସେପଟେ ବିଶ୍ବରେ ଦିନକୁ ଦିନ ବଢିବାରେ ଲାଗିଛି IPL ଲୋକପ୍ରିୟତା ।
ଇଟିଭି ଭାରତ, ଭୁବନେଶ୍ବର
