গৰুখুটি কাণ্ডৰ প্ৰতিবাদত সংখ্যালঘু সমন্বয়ৰক্ষী সংগঠনৰ প্ৰতিবাদ
ছিপাঝাৰৰ গৰুখুটি কাণ্ডৰ প্ৰতিবাদত সংখ্যালঘু সমন্বয়ৰক্ষী সংগঠনৰ উদ্যোগত অসম সংখ্যালঘু সংগ্ৰাম পৰিষদ, আমছু, নেমছুৰ সহযোগত শুকুৰবাৰে সমগ্ৰ ৰাজ্যৰ লগতে বিশ্বনাথৰ চতিয়া দক্ষিণাঞ্চল কৈৰয়ণীত মুখ্যমন্ত্ৰী ড° হিমন্ত বিশ্ব শৰ্মাৰ পুত্তলিকা দাহ কাৰ্যসূচী ৰূপায়ন কৰে ৷ ইয়াৰ লগতে বিজেপি চৰকাৰ নিঃপাত যাওক অসম চৰকাৰ মূৰ্দাবাদ আদি ধ্বনিৰে পৰিৱেশ উত্তাল কৰি তোলে প্ৰতিবাদকাৰী সকলে ৷ ইয়াৰ লগতে সংগঠন কেইটাই উচ্ছেদিত লোকসকলক পুনৰ সংস্থাপন, নিহত সকলক ১০ লাখকৈ ক্ষতিপূৰণ আৰু আহত সকলৰ উন্নত চিকিৎসা প্ৰদানৰ বাবে দাবী জনায় ৷ যদি চৰকাৰ এই পদক্ষেপ সমূহ অনতি পলমে গ্ৰহণ নকৰে পৰৱৰ্তী সময়ত দিল্লীৰ ৰাজপথতো জংগী কাৰ্যসূচী গ্ৰহণ কৰাৰ সিদ্ধান্ত অৱগত কৰে সংগঠন কেইটাই ৷