যোগীজান আদৰ্শ চিকিৎসালয় ৰূপান্তৰিত কৰ’ণা চিকিৎসালয়লৈ......

হোজাই,1 এপ্ৰিলঃ মঙলবাৰে যোগীজান আদৰ্শ চিকিৎসালয় পৰিদৰ্শন কৰি ৰাজ্যিক স্বাস্থ্য মন্ত্ৰী পীযুষ হাজৰিকাই চিকিৎসালয়খন কৰ’ণা ভাইৰাছৰ চিকিৎসাৰ বাবে বিশেষ চিকিৎসালয়লৈ ৰূপান্তৰ কৰাৰ কথা ঘোষণা কৰে ৷ ইয়াৰ লগতে চিকিৎসা কৰ্মীসকলৰ লগত এক পৰ্যালোচনা সভাত মিলিত হয় মন্ত্ৰী গৰাকী । মুঠ ৫০ খন বিচনাৰ সুবিধা থাকিব এই চিকিৎসালয়খনত । কৰ’ণা ভাইৰাছত আক্ৰান্ত প্ৰথম পৰ্যায়ৰ ৰোগীসকলে ইয়াত চিকিৎসা কৰিব পাৰিব বুলি প্ৰকাশ কৰে ৰাজ্যিক স্বাস্থ্য মন্ত্ৰী গৰাকীয়ে ৷ আনহাতে, কৰ’ণা চিকিৎসালয়লৈ ৰূপান্তৰিত হোৱা চিকিৎসালয়খনত সাধাৰণ ৰোগীৰ বাবে এতিয়াৰে বন্ধ হ’ব চিকিৎসা ব্যৱস্থা ।সাধাৰণ ৰোগীসকলে হোজাইৰ গ্ৰাম্য চিকিৎসালয়ত কৰিব পাৰিব চিকিৎসা । সেয়ে মঙলবাৰে গ্ৰাম্য চিকিৎসালয়খনৰ নৱনির্মিত গৃহটো আনুষ্ঠানিকভাৱে মুকলি কৰে মন্ত্ৰী গৰাকীয়ে । ইপিনে, উক্ত কাৰ্যসূচীত মন্ত্ৰীগৰাকীৰ সৈতে থকা স্থানীয় বিধায়ক শিলাদিত্য দেৱে হোজাইবাসীক লক ডাউনৰ সময়ছোৱাত ঘৰত থাকিবলৈ আহ্বান জনায় ।