শীতকালত শিশুসকলৰ সঠিক যত্ন লোৱাৰ খুবেই প্ৰয়োজন ৷ পিতৃ-মাতৃৰ সৰু সৰু ভুলৰ প্ৰভাৱ শিশুৰ স্বাস্থ্যত পৰিব পাৰে ৷ এই ঋতুত শিশুৰ শৰীৰৰ সঠিক তাপমাত্ৰা বজাই ৰখাৰ ক্ষেত্ৰত অভিভাৱকসকল সচেতন হ'ব লাগে ৷ বিশেষকৈ নতুন অভিভাৱকসকলে শিশুৰ স্বাস্থ্যৰ দিশটোত চকু দিওঁতে কিছু অসুবিধাৰ সন্মুখীন হয় ৷ এই ঋতুত অভিভাৱকসকলে কেনেদৰে তেওঁলোকৰ সন্তানৰ স্বাস্থ্যৰ যত্ন ল'ব লাগে, আজি জানো আহক-
অত্যধিক কাপোৰ নিপিন্ধাব
কিছুমান অভিভাৱকে শিশুৰ গাত ঠাণ্ডা নালাগিবলৈ বহুত কাপোৰ পিন্ধাই দিয়ে ৷ কিন্তু প্ৰকৃততে অধিক কাপোৰ পিন্ধোৱাৰ ফলত শিশুৰ শ্বাসৰুদ্ধ হ'ব পাৰে ৷ বিশেষজ্ঞসকলৰ মতে, শিশুক সদায় পাতল গৰম কাপোৰ পিন্ধাব লাগে ৷ তিনি-চাৰিটা গৰম কাপোৰ একেলগে কেতিয়াও পিন্ধাব নালাগে ৷
মইশ্ব’ৰাইজাৰ প্ৰয়োগ কৰিব
শীতকালত শিশুৰ গাটো ভালকৈ পৰিস্কাৰ কৰি ছালখন আৰ্দ্ৰ কৰিবলৈ নাপাহৰিব ৷ ইয়াৰ বাবে আপুনি মইশ্চাৰাইজাৰ প্ৰয়োগ কৰিব ৷ ই ছাল কোমল তথা শুষ্কতাৰ ফলত হোৱা ছালৰ সমস্যা আঁতৰ কৰে ৷
শৰীৰৰ তাপমাত্ৰাৰ প্ৰতি মন কৰিব
শীতকালত অভিভাৱকসকলে তেওঁলোকৰ সন্তানৰ শৰীৰৰ তাপমাত্ৰাৰ প্ৰতিও মন দিব লাগে ৷ সময়ে সময়ে তেওঁলোকৰ হাতৰ তলুৱা আৰু ভৰিৰ তলুৱা স্পৰ্শ কৰি থাকিব, যাতে অত্যধিক গৰম বা ঠাণ্ডা নহয় ৷ ভৰিৰ তলুৱা অত্যধিক ঠাণ্ডা হ'লে শিশুৰ চৰ্দি হ'ব পাৰে ৷ একে সময়তে, অত্যধিক গৰম হাতৰ তলুৱাই শিশুৰ বাবে সমস্যাৰ সৃষ্টি কৰিব পাৰে ৷
গাত অলপ বতাহ লাগিবলৈ দিব
শীতকালত অত্যধিক কাপোৰ পিন্ধাৰ ফলত শিশুৰ শৰীৰ গৰম হৈ পৰে ৷ যাৰ ফলত তেওঁলোকে কান্দে আৰু বহু সময়ত তেওঁলোকৰ ছাল ৰঙা হৈ পৰে ৷ তেওঁলোকৰ এই অৱস্থাক জ্বৰ বুলি ভাবি ভুল নকৰিব ৷ এনে হ’লে শিশুটোৰ শৰীৰৰ পৰা কাপোৰৰ কিছুমান স্তৰ হ্ৰাস কৰিব আৰু তেওঁলোকৰ শৰীৰত অলপ বতাহ লাগিবলৈ দিব ৷
এই বিষয়েও মনত ৰাখিব
উলৰ কাপোৰৰ ফলত শিশুৰ ছালত এলাৰ্জি হ'ব পাৰে ৷ সেয়েহে সদায়, কপাহী কাপোৰৰ ওপৰতহে তেওঁলোকক উলৰ কাপোৰ পিন্ধাব ৷
লগতে পঢ়ক: গৰ্ভাৱস্থাত হাই হিল পিন্ধিব লাগে নে নাই ? বিশেষজ্ঞসকলে কি কয় জানি লওক
