সন্ধিয়া 5 বজাৰ শীৰ্ষ দহটা বাতৰি

সন্ধিয়া 5 বজাৰ শীৰ্ষ দহটা বাতৰি

ধাৰ কৰা ধনেৰে ঘিউ-মৌ কিমান দিনলৈ !

ঋণৰ বোজাৰে চলি আছে বৰ্তমানৰ ৰাজ্য চৰকাৰ ৷ কেন্দ্ৰীয় পৰিসংখ্যা প্ৰকল্প ৰূপায়ণ মন্ত্ৰনালয়ে প্ৰকাশ কৰা প্ৰতিবেদন অনুসৰি, ২০২০-২০২১ বিত্তীয় বৰ্ষলৈকে অসমে বিভিন্ন উংসৰ পৰা লোৱা ঋণৰ পৰিমাণ হৈছেগৈ ৭৯,৭৫৫ কোটি টকা ৷

বৰপেটাৰ ঐতিহ্যক জীয়াই ৰখাৰ স্বাৰ্থতেই পলমকৈ হ’লেও আতচবাজী প্ৰস্তুতৰ কাম আৰম্ভ কৰিছে বৰপেটাৰ থলুৱা আতচবাজী শিল্পীসকলে ৷

ক'ভিড সংক্ৰমণৰ প্ৰতি লক্ষ্য ৰাখি গুৱাহাটীৰ ৰূপনগৰৰ এটা অঞ্চলক ৭ দিনৰ বাবে কণ্টেইনমেণ্ট জ’ন হিচাপে ঘোষণা কৰিছে জিলা প্ৰশাসনে । ২৭ অক্টোবৰৰ পৰা কাৰ্যকৰী হৈছে এই নিৰ্দেশনা ৷

ড্ৰাইভিং লাইচেঞ্চৰ নৱীকৰণৰ বাবে পৰিবহণ বিভাগৰ কাৰ্যালয়লৈ বাটকুৰি বাই আপুনি বাৰু অতিষ্ঠ হৈছে নেকি ? এতিয়াৰে পৰা আপুনি ড্ৰাইভিং লাইচেঞ্চৰ নৱীকৰণ অথবা ডুপ্লিকেট ড্ৰাইভিং লাইচেঞ্চৰ বাবে কাৰ্যালয়লৈ যোৱাৰ প্ৰয়োজন নাই ।

অৱন বৰপূজাৰী আৰু নাই ৷ নব্বৈৰ দশকতেই তেওঁ দিল্লীৰ পৰা আঞ্চলিক বাতৰি পঢ়িছিল ৷ যাৰ গলগলীয়া কণ্ঠস্বৰ সকলোৰে বাবে পৰিচিত আছিল ৷ সেই গলগলীয়া কণ্ঠৰ অধিকাৰী অৱন বৰপূজাৰীয়ে আৰু কেতিয়াও ঘূৰি নহাৰ বাটেৰে গুচি গ’ল এখন অজান পৃথিৱীলৈ ৷

চৰকাৰে জাৰি কৰা নতুন SOP অনুসৰি বিবাহৰ অনুষ্ঠানত এপালি ভেকচিন গ্ৰহণ কৰা ২০০ লোকে অংশ গ্ৰহণ কৰিব পাৰিব । মঙলবাৰে জাৰি কৰা SOP ত বিবাহ তথা ধৰ্মীয় অনুষ্ঠানৰ ক্ষেত্রত ৫০ জন লোকৰ উপস্থিতিত অনুমতি দিয়া হৈছিল ।

অনিয়ম আৰু দুৰ্নীতিৰে ভৰি পৰিছে ৰাজ্যৰ কেইবাটাও খণ্ড ৷ বিভিন্ন সময়ত ৰাজ্যৰ বিভিন্ন বিভাগত বহু দুৰ্নীতি সংঘটিত হোৱাৰ অভিযোগ উত্থাপন হৈছে ৷ এইবাৰ অভিযোগৰ আঙুলি উঠিছে কলগাছিয়াৰ গাঁও পঞ্চায়তত চতুৰ্দশ বিত্তীয় আয়োগ আঁচনিৰ ৰাস্তা নিৰ্মাণত ।

অৰুণাচল প্ৰদেশৰ টাৱাং জিলাৰ লুংলা চাব ডিভিজনৰ পৰা 50 কিলোমিটাৰ নিলগৰ সীমান্তত সষ্টম এছ এছ বি(SSB)ৰ জোৱান ৷ ভূটানৰ ওপৰত পৰিছে চীনৰ শেন চকু ৷

অভিযুক্ত আকাশ চৌধুৰী(Accused Akash Choudhury)ৰ পত্নীক আটক কৰি জেৰা অব্যাহত ৰাখিছে আৰক্ষীয়ে । সম্প্ৰতি পুতু দাসক পানবজাৰ মহিলা থানাত জেৰা চলাই আছে আৰক্ষীয়ে ।

স্বাৰ্থজনিত সংঘাত এৰাই চলিবলৈ এটিকে মোহন বাগান এফ চি(ATK Mohun Bagan FC)ৰ সঞ্চালক পদ ত্যাগ কৰিলে BCCIৰ অধ্যক্ষ সৌৰভ গাংগুলীয়ে । বুধবাৰে গাংগুলীয়ে এই কথা প্ৰকাশ কৰে ।