মৰাণ, 2 নৱেম্বৰঃ মৰাণৰ ৰাজ্যৰ বিভিন্ন প্ৰান্তৰ 33 টাকৈ দলৰ অংশগ্ৰহণেৰে আৰম্ভ হৈছে সন্তোষ লহকৰ আন্তঃজিলা ফুটবল টুৰ্ণামেন্ট ৷ মৰাণ জিলা ক্ৰীড়া সন্থাৰ উদ্যোগত সদৌ অসম জুনিয়ৰ আন্তঃজিলা(অনুৰ্ধ 17 বছৰ শাখা) ফুটবল টুৰ্ণামেন্টখন মৰাণ মহাবিদ্যালয়ৰ খেলপথাৰত শুভাৰম্ভ হয় ৷ চলিত মাহৰ 12 তাৰিখলৈ মৰাণৰ সৰ্বমুঠ পাঁচখনকৈ খেলপথাৰত চলিব প্ৰতিযোগিতাখন ৷
লগতে পঢ়কঃ আই এছ এল 6ঃ প্ৰথমটো জয় লাভ হায়দৰাবাদ এফ চিৰ
শনিবাৰে মৰাণ মহাবিদ্যালয়ৰ খেলপথাৰত আৰু অইল ইণ্ডিয়া খেলপথাৰত প্ৰতিযোগিতাখনৰ দুখনকৈ খেল অনুষ্ঠিত হৈ যায় ৷ মৰাণ মহাবিদ্যালয়ৰ খেলপথাৰত অনুষ্ঠিত হোৱা উদ্বোধনী খেলত বজালীক 8-7 গ'লত পৰাজিত কৰি পৰৱৰ্তী ৰাউণ্ডত প্ৰৱেশ কৰিছে ধেমাজিয়ে ৷ খেলখনৰ প্ৰথমাৰ্ধৰ 13 মিনিটতে বজালীৰ মিজিং বসুমতাৰীয়ে এটা গ'ল দিয়ে যদিও 40 মিনিটত ধেমাজিৰ উদিত্য দ'লে গ'ল পৰিশোধ কৰি 1-1ৰ সমতা স্থাপন কৰে ৷ পৰৱৰ্তী সময়ত ট্ৰাইবেকাৰৰ সহায়ত বজালীয়ে 6 গ'ল কৰে যদিও ধেমাজিয়ে 7 গ'ল কৰি স্ক'ৰবোৰ্ড 8-7ৰে জয়লাভ কৰিবলৈ সক্ষম হয় ৷
আনহাতে মৰাণ অইল ইণ্ডিয়া খেলপথাৰত অনুষ্ঠিত আনখন খেলত মাজুলীয়ে যোৰহাটক ২-০ গ'লৰ ব্যৱধানত পৰাজিত কৰি পৰৱৰ্তী ৰাউণ্ডলৈ উন্নীত হৈছে ৷ খেলখনত মাজুলীৰ মাইনা দেউৰীয়ে ৪ মিনিটত আৰু ভৈৰৱ দ'লেই ৩৩ মিনিট গ'ল স্ক'ৰ কৰি মাজুলীক জয়ৰ দিশে আগবঢ়াই লৈ যায় ৷
লগতে পঢ়কঃ অলিম্পিকলৈ যোগ্যতা অৰ্জন ভাৰতীয় মহিলা হকী দলৰ
মৰাণ মহাবিদ্যালয়ৰ খেলপথাৰত অসম ফুটবল সন্থাৰ সহকাৰী সম্পাদক প্ৰদীপ দে' ফুটবল সন্থাৰ পতাকা আৰু মৰাণ জিলা ক্ৰীড়া সন্থাৰ জ্যেষ্ঠ উপ-সভাপতি অজয় কুমাৰ মহনে জিলা সন্থাৰ পতাকা উত্তোলন কৰি প্ৰতিযোগিতাখন আৰম্ভ কৰে ৷ বিশেষ ফুটবল প্ৰতিযোগিতা উদ্বোধন কৰে চৰাইদেউ জিলাৰ আৰক্ষী অধীক্ষক আনন্দ মিশ্ৰই ৷ উদ্বোধনী অনুষ্ঠানত অসম ক্ৰিকেট সন্থাৰ সভাপতি ৰমেন দত্ত,অসম ফুটবল সন্থাৰ উপ-সভাপতি ৰমেশ ফুকন, কোষাধ্যক্ষ হীৰেণ গগৈ,ৰেফাৰী এচ্চেজ শশীন্দ্ৰলাল ভূঞাকে ধৰি বহুসংখ্যক ফুটবলপ্ৰেমী লোক উপস্থিত থাকে ।
লগতে পঢ়কঃ ৰাছিয়াক পৰাস্ত কৰি অলিম্পিকৰ টিকট ভাৰতীয় পুৰুষ হকী দলৰ
