সন্ধিয়া 7 বজাৰ শীৰ্ষ দহটা বাতৰি

Guwahati Bikaner Express derailed : দুৰ্ঘটনাত পতিত গুৱাহাটী-বিকানেৰ এক্সপ্ৰেছ

দুৰ্ঘটনাত পতিত হৈছে গুৱাহাটী-বিকানেৰ এক্সপ্ৰেছ ৷ পশ্চিমবংগৰ দমহানিত লাইনচ্যুত হয় ৰেলগাড়ীখন ৷ গুৱাহাটী অভিমুখে আহি আছিল 15633 নম্বৰৰ ৰেলগাড়ীখন ৷ জানিব পৰা মতে, 12 টাকৈ ডবা লাইনচ্যুত হৈছে ৰেলগাড়ীখনৰ ৷ ইতিমধ্যে ডি আৰ এম আৰু এ ডি এমৰ উদ্ধাৰৰ বাবে উপস্থিত হৈছে দুৰ্ঘটনাস্থলীত ৷ বহুলোক হতাহত হোৱাৰ সম্ভাৱনা ৷

বাক্সা জিলাৰ ককিলাবাৰীৰ কেন্দ্ৰীয় কৃষি পামত উপস্থিত হৈ শুকুৰবাৰে মুখ্যমন্ত্ৰী ড৹ হিমন্ত বিশ্ব শৰ্মাই নতুন এছ অ’ পিৰ সম্পৰ্কত ক’বলৈ গৈ অসমপ্ৰেমী আৰু অসমবিৰোধীৰ সংজ্ঞা দিয়ে (New SOP for Uruka celebration) ৷ নৱবৰ্ষক আদৰোতে বিশেষ কোনো নীতি-নিৰ্দেশনা জাৰি নকৰাৰ কাৰণো ব্যাখ্যা কৰিলে মুখ্যমন্ত্ৰীগৰাকীয়ে ৷

বিজেপিয়ে গ্ৰাস কৰা অসম প্ৰদেশ কংগ্ৰেছৰ ওপৰত এইবাৰ তৃণমূল কংগ্ৰেছৰ চকু । দলটোৰ দুজন বিধায়কৰ লগতে একাংশ নেতাই বিজেপিত যোগদান কৰাৰ উপৰি দলৰ বহুকেইজন বিধায়ক বিজেপি আৰু মিত্রদল অগপত যোগদানৰ বাবে যোগাযোগ অব্যাহত আছে (Congress leader's BJP joining) । এনে সময়তে তৃণমূলক লৈ এক নতুন সংকটৰ সমুখীন হৈছে কংগ্ৰেছ দল (TMC brings new threat for Assam congress) ৷

উৰুকাৰ দিনা গুৱাহাটীৰ উজানবজাৰৰ মাছৰ বজাৰ পৰিদৰ্শন কৰে উপায়ুক্ত পল্লৱ গোপাল ঝাই (Kamrup metro dc visits Uzanbazar fish market)। সকলোকে ক'ভিড বিধি পালনৰ আহ্বান উপায়ুক্তগৰাকীৰ । ক'ভিড পৰিস্থিতিৰ প্ৰতি লক্ষ্য ৰাখি অহা ১৫ জানুৱাৰীৰ পৰা গুৱাহাটীত কঠোৰ নীতি-নিৰ্দেশনা জাৰি কৰা হ'ব ।

ভোগালী বিহুৰ পিছতে ১৯ জানুৱাৰীত মনোমোহা হাফলঙত অনুষ্ঠিত হ’ব কেবিনেট বৈঠক (Assam Government cabinet meeting in Haflong) । পূৰ্বৰ ধেমাজি আৰু বঙাইগাঁৱৰ দৰে এইবাৰ হাফলঙকো আটকধুনীয়াকৈ সজাই তোলাৰ প্ৰস্তুতি তুংগত উঠিছে ।

সমাগত নিৰ্বাচনৰ আগে আগে মণিপুৰৰ সকলো অঞ্চলতে সেনা বাহিনীৰ বিশেষ ক্ষমতা আইনখন (Armed Forces Special Powers Act) পুনৰ প্ৰসাৰিতকৰণে ৰাজ্যখনত বিপদত পেলাব পাৰে শাসনাধিষ্ঠিত বিজেপি দলক ।

মাঘ বিহুৰ উচাহৰ মাজতে সংঘটিত হৈছে এক নৃশংস হত্যাকাণ্ড (Brutal Murder case in Guwahati) । অভিযোগ অনুসৰি মহানগৰীৰ হাতীগাঁৱত বুধবাৰে নিশা স্বামীয়ে হত্যা কৰিলে পত্নীক ৷ স্বামী আৰু পৰিয়ালৰ লোকৰ হাতত প্ৰাণ গ’ল এগৰাকী মহিলাৰ । স্বামী ৰূপচান আৰু পৰিয়ালৰ লোকে ডিঙি চেপি মহিলাগৰাকীক হত্যা কৰাৰ অভিযোগ উঠিছে ।

বিশ্বনাথ জিলাৰ বিহালীত বাঘৰ আতংক অব্যাহত আছে (Tiger scare in Behali)। এইবাৰ ৰাংছালী গাঁৱত বাঘৰ মুক্ত বিচৰণ । গোহালিত সোমাই গৰু টানি নিলে ঢেকীয়াপতীয়া বাঘে ।

ক’ভিড এতিয়া আৰু আমাৰ বাবে সাংঘাতিক বেমাৰ হৈ থকা নাই । এই ভেৰিয়েণ্টটো আগৰ ডেল্টা ভেৰিয়েণ্টৰ তুলনাত যথেষ্ট দুৰ্বল আৰু সেয়ে আক্ৰান্তসকলক চিকিৎসালয়লৈও নিবলগীয়া নহয় । অ’মিক্ৰণৰ সংক্ৰমণৰ ক্ষেত্ৰত সাধাৰণ ঠাণ্ডা লগাৰ নিচিনা উপসৰ্গই দেখা দিয়ে । কিন্তু ই হ’বই আৰু ইয়াক বাধা দিয়াটো সম্ভৱ নহয় ৷

বৃহস্পতিবাৰে জীৱনৰ ৮৫ টা বছৰ গৰকিলে পাহাৰ ভৈয়ামৰ সমন্বয়ৰ ৰূপকাৰ, বিশিষ্ট সাহিত্যিক কালজয়ী ‘ৰংমিলিৰ হাঁহি’ উপন্যাসৰ স্ৰষ্টা, অসম সাহিত্য সভাৰ প্ৰাক্তন সভাপতি পদ্মশ্ৰী ৰংবং তেৰাঙে ৷ নিভাজ সৰলতা, সুমিষ্ট কথা-বাৰ্তাৰে অগণন গুণমুগ্ধক মোহৱিষ্ট কৰি অহা কথা শিল্পী গৰাকীৰ ওপজা দিনটোক লৈ গুণমুগ্ধ সকলৰ মাজত ব্যাপক উৎসাহ-উদ্দীপনা পৰিলক্ষিত হৈছে ৷