రాగల 24 గంటల్లో రాష్ట్రంలో అతిభారీ వర్షాలు
గులాబ్ తుపాను బలహీనపడి తీవ్ర వాయుగుండంగా రూపం దాల్చిందని హైదరాబాద్ వాతావరణ కేంద్రం ప్రకటించింది. దీనిప్రభావంతో రాష్ట్రవ్యాప్తంగా వర్షాలు కురుస్తాయని తెలిపింది. రాగల 24 గంటల్లో భారీ నుంచి అతిభారీ వానలు పడే అవకాశముందని వెల్లడించింది. అత్యంత భారీ వర్షాలు హైదరాబాద్లో కురుస్తాయని చెప్పింది. 30 నుంచి 40 కిమీ వేగంతో ఈదురు గాలులుతో కూడిన వర్షాలు పడతాయని వివరించింది.
24 గంటల్లో గులాబ్ తుపాను తీవ్ర అల్పపీడనంగా మారే అవకాశాలు ఉన్నాయని సంచాలకులు పేర్కొన్నారు. ఉపరితల ఆవర్తనం తూర్పు మధ్య పరిసర ఈశాన్య బంగళాఖాతంలోని మయన్మార్ తీరంలో ఏర్పడి సగటు సముద్ర మట్టం నుంచి మధ్యస్త ట్రోపో స్పియర్ ఎత్తు వరకు వ్యాపించి ఉందని వివరించారు.