ଶ୍ରମିକଙ୍କ ଟଙ୍କା ହଡପ ଅଭିଯୋଗ, ବନ ବିଭାଗର ତଦନ୍ତ ଆରମ୍ଭ

କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ଅନ୍ତର୍ଗତ ଆମପାଣି ବନପାଳ ଜଗନ୍ନାଥ ନାଗଙ୍କ ନାଁରେ ଶ୍ରମିକଙ୍କ ଟଙ୍କା ଆତ୍ମସାତ ଅଭିଯୋଗର ତଦନ୍ତ ଆରମ୍ଭ । ତେବେ ଆମପାଣି ଫରେଷ୍ଟ କାର୍ଯ୍ୟାଳୟ ଆଗରେ ଗତକାଲି ୬ଟି ବନ ସୁରକ୍ଷା ସମିତିର ସଦସ୍ୟ ଓ ଶ୍ରମିକ ମାନେ ଧାରଣା ଦେଇଥିଲେ । ଅଧିକ ପଢନ୍ତୁ

ଭବାନୀପାଟଣା: କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ଅନ୍ତର୍ଗତ ଆମପାଣି ବନପାଳ ଜଗନ୍ନାଥ ନାଗଙ୍କ ନାଁରେ ଶ୍ରମିକଙ୍କ ଟଙ୍କା ଆତ୍ମସାତ ଅଭିଯୋଗର ତଦନ୍ତ ଆରମ୍ଭ । ତେବେ ଆମପାଣି ଫରେଷ୍ଟ କାର୍ଯ୍ୟାଳୟ ଆଗରେ ଗତକାଲି ୬ଟି ବନ ସୁରକ୍ଷା ସମିତିର ସଦସ୍ୟ ଓ ଶ୍ରମିକ ମାନେ ଧାରଣା ଦେଇଥିଲେ । ଗତକାଲି ବନ ସୁରକ୍ଷା ସମିତି ଓ ଶ୍ରମିକ ମାନଙ୍କ ସହିତ ଧର୍ମଗଡ଼ ବନ୍ୟାଞ୍ଚଳ ଅଧିକାରୀ ଭବାନୀ ଶଙ୍କର କଅଁର ପହଞ୍ଚି ଆଲୋଚନା କରି ତଦନ୍ତ ପାଇଁ ପ୍ରତିଶୃତି ଦେଇଥିଲେ ।

ଅନ୍ୟପଟେ ଆଜି କଳାହାଣ୍ଡି ଜିଲ୍ଲା ଆଞ୍ଚଳିକ ବନ ସଂରକ୍ଷକଙ୍କ ନିର୍ଦ୍ଦେଶ କ୍ରମେ ଏକ ତଦନ୍ତକାରୀ ଟିମ ଆମପାଣି ଫରେଷ୍ଟ କାର୍ଯ୍ୟାଳୟରେ ପହଞ୍ଚି ଗୁରୁତ୍ୱପୂର୍ଣ୍ଣ କାଗଜପତ୍ର ଯାଞ୍ଚ କରିବା ସହ ବନ ସୁରକ୍ଷା ସମିତି ଓ ଶ୍ରମିକମାନଙ୍କ ସହ ଆଲୋଚନା କରିଛନ୍ତିି । ଏଥିସହ ବିଭିନ୍ନ ଅଭିଯୋଗର ତଦନ୍ତ ନେଇ ଜିଲ୍ଲା ବନ ଅଧିକାରୀଙ୍କୁ ରିପୋର୍ଟ ପ୍ରଦାନ କରାଯିବ ବୋଲି ତଦନ୍ତକାରୀ ଅଧିକାରୀ ପ୍ରକାଶ କରିଛନ୍ତି ।

କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ