ନୂଆଦିଲ୍ଲୀ:ସେପ୍ଟେମ୍ବର ମାସରେ ଦ୍ରବ୍ୟ ଓ ସେବା କର (ଜିଏସଟି) ସଂଗ୍ରହରେ ବୃଦ୍ଧି ଘଟିଛି । ଅର୍ଥମନ୍ତ୍ରଣାଳୟ ଆଜି (ରବିବାର ) 2023 ସେପ୍ଟେମ୍ବର ପାଇଁ ସରକାରୀ ଜିଏସଟି ତଥ୍ୟ ପ୍ରକାଶ କରିଛନ୍ତି । ତଥ୍ୟ ଅନୁସାରେ ସେପ୍ଟେମ୍ବର ମାସରେ ଜିଏସଟି ରାଜସ୍ବରେ 10 ପ୍ରତିଶତ ବୃଦ୍ଧି ଘଟିଛି । ଚଳିତ ଆର୍ଥିକ ବର୍ଷରେ ଏହା ଚତୁର୍ଥ ମାସ ଯେଉଁଥିରେ ରାଜସ୍ବ ସଂଗ୍ରହ 1.62 ଲକ୍ଷ କୋଟି ଟଙ୍କା ଅତିକ୍ରମ କରିଛି ।
ସେପ୍ଟେମ୍ବର ମାସରେ ସେବା ଓ ଦ୍ରବ୍ୟ କର 162712 କୋଟି ଟଙ୍କା ସଂଗ୍ରହ କରାଯାଇଛି । ଏଥିରେ କେନ୍ଦ୍ରୀୟ ଜିଏସଟି (ସିଜିଏସଟି) 29818 କୋଟି ଟଙ୍କା, ରାଜ୍ୟ ଜିଏସଟି (ଏସଜିଏସଟି) 37657 କୋଟି ଟଙ୍କା, ଇଣ୍ଟିଗ୍ରେଟେଡ ଜିଏସଟି (ଆଇଜିଏସଟି) 83623 କୋଟି ଟଙ୍କା (ସାମଗ୍ରୀ ଆମଦାନୀରେ ସଂଗ୍ରୁହିତ ହୋଇଥିବା 421145 କୋଟି ଟଙ୍କାକୁ ମିଶାଇ) ଏବଂ ସେସ୍ (Cess )ରୁ 11613 କୋଟି ଟଙ୍କା (ଦ୍ରବ୍ୟ ଆମଦାନୀରେ ସଂଗ୍ରୁହିତ ହୋଇଥିବା 881 କୋଟି ଟଙ୍କାକୁ ମିଶାଇ) ଜିଏସଟି ସଂଗ୍ରହ କରାଯାଇଥିବା ନେଇ ଅର୍ଥମନ୍ତ୍ରଣାଳୟ ତଥ୍ୟରୁ ଜଣାପଡ଼ିଛି ।
ଏହା ମଧ୍ୟ ପଢ଼ନ୍ତୁ...GST Collection: ଜୁଲାଇରେ ୭୨୨୫.୨୫ କୋଟି ଜିଏସଟି ସଂଗ୍ରହ, ଗତବର୍ଷ ତୁଳନାରେ ୧୯.୨୬% ଅଭିବୃଦ୍ଧି