কিছুদিনৰ পৰা মানুহৰ মাজত হৃদৰোগ অধিক বৃদ্ধি পোৱা দেখা গৈছে ৷ বিশেষকৈ যুৱক-যুৱতীসকলৰ মাজত হৃদযন্ত্ৰৰ সমস্যাৰ ফলত হোৱা মৃত্যুৰ শতাংশ বৃদ্ধি পাইছে ৷ হৃদযন্ত্ৰৰ সৈতে জড়িত যিকোনো সমস্যাৰ পৰা হাত সাৰিবলৈ ইয়াৰ বিভিন্ন ভাগবোৰৰ কাম জনাটো জৰুৰী যাতে প্ৰতিৰোধমূলক ব্যৱস্থা গ্ৰহণ কৰিব পৰা যায় ৷ চিকিৎসকে এই সন্দৰ্ভত কয় যে, ডায়েবেটিছ হৈছে এক বিপাকীয় বিকাৰ, যিয়ে হৃদযন্ত্ৰৰ স্বাস্থ্যৰ ওপৰত প্ৰভাৱ পেলায় ৷
উচ্চ ব্লাড গ্লুক’জ আৰু হাইপাৰ ইনচুলিনেমিয়াই হৃদস্পন্দনত যথেষ্ট প্ৰভাৱ পেলাব পাৰে ৷ বিশেষকৈ ডায়েবেটিছ ৰোগীৰ বাবে অধিক সমস্যাৰ সৃষ্টি হ’ব পাৰে ৷ নেশ্যনেল হাৰ্ট ইনষ্টিটিউটৰ তথ্য অনুসৰি ডায়েবেটিছ ৰোগীৰ হৃদৰোগৰ সম্ভাৱনা ডায়েবেটিছ নথকা লোকতকৈ যথেষ্ট বেছি ৷
ডায়েবেটিছে হৃদযন্ত্ৰৰ প্ৰতি কেনেদৰে ভাবুকি কঢ়িয়াই আনে ?
চিকিৎসকৰ মতে, যেতিয়া শৰীৰত ৰক্ত শৰ্কৰাৰ মাত্ৰা হঠাৎ কমি যায় আৰু বিপদজনক মাত্ৰাত উপনীত হয় তেতিয়া আমাৰ শৰীৰে কেটেকোলামাইন নামৰ হৰম’ন এটা নিৰ্গত কৰে ৷ এই হৰম’নবোৰে শৰীৰত ৰক্ত শৰ্কৰাৰ পৰিমাণ বৃদ্ধি কৰে ৷ একে সময়তে ৰক্ত শৰ্কৰাৰৰ মাত্ৰা বৃদ্ধি হ’লে ইনচুলিন আৰু অন্যান্য হৰম’ন নিৰ্গত হয় যাতে বৃদ্ধি পোৱা মাত্ৰা পুনৰ হ্ৰাস কৰিব পৰা যায়৷